涼QQ & 小柑柑的世界~~

今團韓國, 都算順利吧,

都無咩大件事發生,

係個街比較自大d, 串d, 黑面d, 自戀d, 粗口d...(下刪一萬形容詞),

不過呢, 唔知係唔係知我係ops,

同埋亞ling交帶過,

所以佢對都算唔錯了,

因為四晚都搵車車我出去食野,

唔理有無食飯都出去食野,

明明想去sel打算減肥架麻,

差d變左增肥返來,

其實第一眼見到個街,

覺得佢勁黑面, 同佢講早晨打招呼都無反應,

跟住齊人我叫客上車時又當住d客講,

唔係上車, 要放食早餐,

咁點解唔一早同我講聲呢,

要等我叫d客上車先同我講...

我覺得好唔俾面我囉,

俾d客覺得我係好新, 無去過韓國咁,

妖,

不過之後對我都幾唔錯了,

陪下我吹水之類...

只要你讚美呢位大男人,

就可以同佢相處融洽了...

呢位T/G仲係完美主義者...

為左一件著左會走位既拉鍊衫,

去換左兩次, 仲要換埋款...

換到我等到瞓著左,

真係勁貪靚,

唉, 拍著佢, 應該要有無盡的精力...

我一上車就瞓, 真係頂唔順...

凌晨機令我靈魂出"堯"

真係命都短左幾年...

長期都好似KEEP住唔夠瞓咁...

不過D客都算OK了,

有幫襯買下野,

有個港女仲好留意我地既RINGO導遊,

留意住RINGO有無笑呢,

呵呵, RINGO都以為呢位港女團友對佢有意思呢,

你睇, 幾自戀丫...

不過SEL都真係好涷呢,

好多時都涷到自己係咁震...

行程真係好簡單,

因為都係SHOPPING行程,

RINGO形容為好似係香港行完銅鑼灣,旺角,尖咀,沙田同荃灣咁...

所以都知大家會覺得未必好玩囉,

我都好認同,

佢係一個好夠料既街,

不過就笑容欠奉囉,

如果呢, 加D笑容,

應該會好受客人歡迎,

OVERALL, 好多謝佢五天來既照顧,

又車出車入,

願RINGO哥哥團團都順利搵大錢啦...

下次一定要SIDE KICK佢架2616...

好突然地, 今日就派左名了,

成個月前入左紙,

Q既係北京五天...

派就派左韓國五天...

仲要係全韓國最CHEAP既團,

仲要夾客...

真係, 咁啱派米班主打俾我,

同我吹水時都忍唔住問左句,

你係唔係好憎我?

韓國, 剛剛上網睇天氣,

去果幾日都無雪...

有D失望...

希望住間三星之中好D既一間...

希望拍到一個好街,

如果俾我選,

北京之後一定係華東...

華東之後係泰國,

泰國之後係馬星,

之後先排到SEL同台灣...

因為SEL我本身無Q,

無心理準備...

去都等落雪先去啦...

而家都好似未係時侯...

仲要係凌雲機...

真係有D灰灰地...

去台灣可能仲好D,

因為唔駛買羽絨...

今晚為左買羽絨,

搞到十點幾仲係CB逛...

買左件黑色的, 無咩款可言...

買左先仲見到件靚仔D,

呢D就係自己衰衝動囉,

唔睇清楚先買,

本來有人幫下眼既,

不過呢對眼又突然頭痛, 令我有D失望...

今日好似有D事事不順咁,

好多野做, 仲有亞姐俾我既野係一樣都未郁...

明天要執出團料, RE CFM...

仲要問亞姐俾我放半日假...

好煩,

仲要問派米班主可唔可以出後D既北京時(少D人數既),

佢話我煩...咁你俾D我唔想要既野...

我都係問一句o者,

你要我幫手就得...我問一句就俾你話,

真係好灰, 唔怪得之近來派團都唔係好順啦...

而家最擔心係5/12既短周,

我唔去bbq, 都怕唔俾我出團...

點解要迫我地去bbq呀...

屯門呀, 我住香港仔架, 想我死咩?

勁唔想去...想出短棍呀...

苦中一點甜。。。

點先會搵到呢點甜。。。

有無人送我一點甜？

人生有點苦。。。

但搵唔到呢點甜。。。

陳豪。。。

好靚仔。。。

呵呵呵呵呵呵～～

前日真係嬲到震,

嬲到係咁發炆,

事源係今個星期五六日放三日,

咁Q左帶短棍,

一早就睇中左一團,

由4隻, 9隻, 12隻, 到22隻,

人數唔係多, 由唔CFM睇到佢CFM,

可能真係希望越大失望越大,

派米班主打俾我,

話我Q既都無開,

咁我話我想出呢團,

好快地佢話無問題,

點知幾分鐘後又話唔可以俾我,

因為佢要俾某同事出團搵錢,

叫我選其他忽必烈既坐車團,

我又唔係要人數, 我係預左坐車架麻,

跟住又話我唔可以淨係顧自己,

佢要俾果位同事搵錢,

又話我上一團都好大團,

咁我都係一團半團大團o者,

你係要搵d咁既例子嚟壓我真係無辦法,

咁我考慮一下, 又睇下有無咁好彩收到單女,

你唔俾我都唔得,

點知緊無咁好彩啦,

佢都忍唔住再打俾我, 問我出唔出,

又話根本郁唔到俾我,

咁就一開始唔好問我想出邊團啦,

咁我就決定左唔係呢團唔出,

佢就收左線,

根本佢講咩我都覺得唔啱聽,

唔派就唔好派,

唔好又話ok又抽我出來,

派俾果個人又係同一張q團紙,

咁會唔會想清楚先打俾我,

我高佢一級, 咁要我讓俾佢, 有d唔順氣,

考左牌無耐就要我讓俾佢, 憑咩?

俾d我服既藉口俾我聽得唔得?

咁佢要搵錢我就唔駛搵?

真係如果再要我讓俾佢, 我一定同你反面,

雖然我係成日都出團,

不過如果係覺得我成日出唔派既, 我都順d,

而唔係又話我大團又呢樣又果樣丫,

我帶左五團短棍, 得兩團過三十人,

咁我係唔係團團都大團先,

真係炆到我人都癲,

唯有改變策略,

同亞姐調左更,

下星期六短周再q,

唔好再同我講要我讓俾人,

我會發你老皮...

我好窮, 我係會發窮惡既...

有D野真係習慣一個,

習慣左有, 就會掛住,

習慣左無, 就唔會記住...

只要你習慣一開始係無既,

就唔會有希望,

亦唔會有失望,

只要習慣左,

一切都會變好...

 

FAM TOUR,

好耐都無聽過呢,

記起上年中華都有搞一個,

因為俾人用旺季將會好忙既理由,

無得去,

今年從人地口中得知BR又有,

去花蓮玩四日,

真係勁想去,

平時笛子魔童對呢D鬼地方都無興趣既,

又話辛苦,

點知, 今次係無同我講既情況下,

佢竟然去....SHIT

到佢而家CFM佢自己去,

都無同我講,

笛子魔童, 我既NOPAY又中左你出差既時間,

你係唔係應該早D講出來俾我轉個NO PAY呢,

定係你覺得呢個部門可以真空狀態呢,

今日知道係條友去,

真係勁唔開心,

真係勁灰,

因為今次係一位好好玩既朋友仔帶...

一定係最好玩既FAM TOUR...

朋友仔同我知道佢去,

大家都好唔開心,

一來未試過佢帶FAM TOUR,

二來大家都唔鐘意呢條友,

我建議送對耳塞俾佢,

以免佢四天被震聾,

一定俾人煩足四日,

令我想起有次半島壽宴時,

有D人勁樣衰,

連人地最大粒既老頂都頂唔住...

簡直係影衰公司,

帶來笑柄,

搞到我今日都無咩心機做野,

可能自己黑心啦,

我無份, 都唔想俾呢D咁既人去,

不過朋友仔果邊話,

多數如果得閒的話, 都會叫得閒果個去,

哼哼哼, 佢一定得閒啦,

朝九晚六都咁得閒,

咁多指甲剪, 又玩FB, 又可以發夢, N咁多私人CALL,

返工真正等放工,

真係無人夠佢得閒,

我真係唔夠佢爭,

唯有安坐公司等出團,

真係唔想見到佢呀...

我怕我會忍唔住殺左佢呀,

有無人可以令佢喺我面前消失呀~~~~

下期六合彩有千六萬...

我要買一買先得...

唔係佢死我係我亡...

今日收到小粉既相...

幸福既新娘子...

我都想咁幸福...呵呵呵~

睇到張相先知自己眼珠咁淺色呢...

又又又出完一團短棍了,

係我既第五團短棍呢...

今次又去古兜, 第三次去了,

有D悶呢,

D行程都唔算係行程,

全部都係站,

點解唔加D景點入去呢,

搵D唔收入場費既景點咪OK囉,

真係入站入到D客都驚,

最尾出碼頭時入埋最後既一個農藝坊,

42個客, 入得29個,

亞龍牙痛咁聲, 話唔明點解D客唔入去坐下,

唉, 俾你個個點都係入站丫,

嚟到最後一個先唔入都好俾面你了,

買唔買野係其次, 要人地係咁入站真係好有問題囉,

最後我搞掂左兩個, 司傅叫左4,5個入,

個街又叫D, 咁最後都有38個入去坐下,

我覺得帶呢D團,

客人一定會覺得好唔開心囉,

我都盡力去搵佢地講下笑,

不過真係好難令佢地覺得OK囉,

如果加D景點真係會好好多既,

上次帶團BVN, 有去澳門同石景山公園,

D客都會買野買多D, 起碼真係有可以行既行程俾到人地丫,

團費貴D人地都OK,

係真係要搵D野攝下先得囉,

不過又唔係自己條線,

真係唔可以講D咩,

不過我覺得咁會少左番頭客囉...

唉,

今次呢團真係悶到爆,

因為個街好似唔多講笑咁,

係一個好認真既街,

我同司傅仲多野講D, 起碼會講下笑傾下計,

今團真係咁悶都無咩心機帶.... 

不過最失望係今團食唔到泥燴雞,

因為同我一齊食宵夜既係之前拍過亞LING,

創造25隻雞既紀錄既亞琴,

佢訂雞可能落少左啦, 派晒俾客就無晒了,

果日只係食到雞腎同埋菜,

另加一D米粉同埋粥,

野食係好多, 不過就係少左最重要既雞...

嗚...

下次一定要食番夠本呢...呵呵呵~

唉, 知道左自己做錯事之後,

都集中唔到精神做野,

琴晚仲唔多瞓到,

好驚呢...

搞到我團都唔多想出...

今日要出d聖誕價目表,

好怕整錯, 不過又拖左咁多日,

真係要出左街佢,

費事俾人話啦,

跟住又要入d死人泰航名,

入到手都斷, 一日三十二個機位, 入左三十日...

入左九百幾個人名...

好攰...

仲有十二月未入,

跟住又要upload d行程上去公司既系統DMS度,

玩左好耐, 仲要整出團既野,

小....

14個PARTY,

點認D人,

本來好想拍C+去海泉灣丫,

可惜, 同佢有緣無份,

次次都拍唔到團, 最多都係見到一面咁大把...

仲要條PK今日叫我"GIVE ME FIVE"

點知係因為大家都六點船返, 上環落船,

真係驚俾42個客小爆我...

SHIT,

好似未出發先興奮,

完全係瞓得唔好, 又緊張, 又擔心果單野,

呢團又單男, 又要瞓司陪...SHIT...

今次真係駛瞓, 瞓LOBBY...SHIT

換左個printer, print出來效果唔錯呢, 不過真係勁嘈, 耳仔有事有無工傷賠?

 

我唔鐘意等...

可惜成日都係度等...

最怕就係等完都係得個吉...

好煩呢...

我唔想再諗了~~

夠了...

雲吞河併涷杏霜, GOOD~~

唔知係唔係真係開始識攰呢~~

出團都出得好密,

都無乜點休息,

返工又要同D新行程搏鬥~

今日終於搞定...

而家同TIC玩得多, 都知佢要咩野,

係咁整假野啦~咁都批...

根本就係表面野,

唉...

明天就要出街了,

希望自己唔好打錯野啦~

仲有又要改七小碟,

真係, 浪費紙張,

樹精係會去搵你架~~~~

近來除左識開始攰之外,

仲有就係成日都遲到...

搭咩車都有機會遲,

今日遲左少少出門口, 搭架唔經隧道既車,

都係遲十幾分鐘, 真係激死,

我都唔知可以搭咩車返工好了...唉...

今日開工都"鐘"眼瞓...

響起左攰到極限既警號了,

我又有D流鼻水, 都唔知係唔係出團又冷又熱中左招...

我諗我都要好好TAKE A REST~~

今個星期長周, 可以玩大昏迷了, YEAH~

又出完團返來了,

出團前都好似唔係好順利咁,

因為唔知係唔係太緊張既關係,

成日都搞肚痛,

因為知道要住舊果面, 所以好緊張呢,

聽聞係好猛既, 會遇到果d野,

成個人都好緊張...

跟住出到碼頭又發覺自己張seat plan又唔啱...

原來人地個船形都update左, 而公司個網都無改到...

唉, 如果好似飛機d位咁就好了,

因為一係242, 333, 33, 咁就一定唔會錯啦d位,

可惜唔係,

好在架船大吉o者,

如果唔係就大檸樂啦, 亂到咁...

今次拍既又係金鐘,

多謝c+同jack哥既幫忙,

又俾我拍返金鐘, 不過下次都唔駛特別再RQ了,

因為我都唔想再麻煩人地了...

今次再拍都好似無上次咁好玩了, 呵呵,

可能大家都勁攰啦, 都無力去玩,

而住完呢晚之後,

好在無事, 無識到新朋友啦, 平安大吉...

不過個膀頭好攰...

都怪自己帶太多野去...

又要拎野去, 好重, 左又咩右又咩...

不過又唔好意思推...

始終人地幫左我咁多, 仲唔止一次...

金鐘話, 唔係個個都咁好可以拎野來拎野返去,

話我係高層先可以係咁...

勁正面...

不過我又唔係高層,

而且我唔恨呢D福氣囉,

因為有D走難FEEL呢,

不過我都衰, 都有推架了...

唉...

總之, 家家有求...

今次一別, 都唔知幾時再見到古兜王子了,

希望佢對仔女快高長大,

團團順利搵多D養小朋友啦, 加油, 古兜王子...

因為有同事離職了,

所以會調自己既人手去頂呢個位,

仲要係IN CHARGE位...

我係被問既第二個,

其實一早就無心轉過去做,

唔係唔想擺脫亞姐,

而係, 我覺得, 轉左過去都未必有好日字過囉,

而且之前咁好既日本線都無轉,

何況係呢條呢...

琴日講左俾ANGEL, 亞哥同亞嫂知,

佢地都覺得我好蠢,

點解有位都唔上,

講真, 要上位, 我都唔會係度做啦,

係度做, 上位可以上到去邊丫,

上左又唔見人工會加好多,

可能自己既性格都係安守本份既人,

都唔鐘意去改變,

不過我有個目標,

就係, 一係就做, 一係就唔做轉其他行業,

所以呢條唔多吸引我既線, 真係無想過去做囉,

有另一位同事SAY YES,

真係恭喜晒,

總之有人PACK UP就好了~~

我都唔想去增加自己既壓力,

只求快D走人就好了...呵呵~

1號出左團台灣返鄉下,

RE CFM時已知有四個NOSHOW,

真係涼...無啦啦就無左四舊水了...SHIT

點知班客都真係窄窄地,

真係要小曹帶團咁細既團又咁CHEAP真係覺得唔好意思...

今團總成績只係緊緊兩巴...

真係比起以前六, 七巴既時代差好遠呢...

小曹仲要講到喉都沙埋呢,

今團D客都唔知係唔係火星來架,

成日都唔聽小曹同我講既野,

講又唔聽, 講完又要問,

係唔係而家D港客都係咁既?

不過而家都覺得好多KK既客都來晒我地公司報名,

因為我地D團費越來越平,

收埋晒D無質素既客,

真係激死...

希望下一團會好啦,

今日Q左11號既古兜團,

本來想Q10號三天既, 不過三天又無團,

不過不過, 呢團係F/S,

如果F/S要住好猛果邊, 有D驚SSS呢,

希望可以夾客啦,

明明出飛機勁想F/S既,

出短棍就要望夾客,

真係好奇怪呢, 呵呵呵...

希望順利, 搵多D錢啦~~

TLL04-DLX...

真係好耐無帶過其他團種,

次次去我都選D好少少既團,

因為收入都會有保証一D,

客人質素都會好一D...

不過耐何,

豪華團得一千零一團,

而短棍又收唔大,

11月又無Q飛機, 咁唯有而家先出飛機,

免得11月咩團都無得帶...

返來希望可以帶團去古兜探下金鐘啦, 呵呵,

不過世事都無咁完美既...

本來以為豪仔會接一號既團,

點知, 都唔係...

好奇怪, 咁FIT既街接咁細既團,

都唔知佢會唔會都唔開心呢?

今次出台灣, 都好突然,

明明本來預左出短棍既,

點知又屎忽痕帶台灣...

總之希望順順利利就好了...

 

又出完團返來了...

今次北京之旅都幾輕鬆,

因為好多地方都去過了,

不過呢, 今次既街好文靜,

好有豪仔翻版既感覺呢...

初初兩日都無咩野講,

悶到我勁口臭...

最激氣係有一餐去完長城食LUNCH,

D菜上極都唔齊,

佢又唔幫手, 淨係企係廚房門口睇住...

都唔會叫下d服務生上快d...

唯有靠自己, 用有限既"煲冬瓜"去搞定佢...

真係幾興...

未拍過咁唔helpful既街,

不過之前親愛的都話佢係老街, 會做野做得咁足架了,

所以都有d心理準備架了...

好在都在北京撞到小騰同埋之前拍過既北京街david...

有佢地同我吹下水都無咁悶呢...

今團d客係有三個特點, 1.老野, 2.煩, 3.cheap

真係越老越煩,

有條亞婆講野勁好中氣, 仲要坐我後面,

好多時都會俾佢講野振聾我...

又成日講廿幾年前來既時候又唔駛買門票, 又唔駛呢樣唔駛果樣,

心想, 又唔係要你再俾錢買, 收聲啦,

煩到出汁...

另外有個骨格精奇cheap到震既上杭婆,

因為佢同我講佢係上海人, 同個街講佢係杭州人,

咁合稱為上杭婆啦,

佢同另外一個party既兩位老野唔睇功夫,

咁就要自己四圍hea, 師傅見佢地都係老人家,

就叫佢去附近酒店既coffee shop飲野,

點知條上杭婆話佢唔飲咖啡, 一飲就會瞓唔到,

我忍唔能住彈尻佢, coffee shop唔止飲咖啡丫, 仲有果汁, 茶, 同水...

真係見識少既大鄉里,

俾佢激到我爆血管,

又話我地唔帶佢去全聚德食鴨,

亞婆...你呢個係cheap團, 如果係豪華團, 仲包好撚多野既...仆街,

帶d上左年紀既人真係好撚煩...

好在呢團有一對林生林太,

好幫手, 咩都買, 人又好, 又有禮貌,

係咁話玩得好開心,

講真我真係無咩心機去帶,

連好多份意見書都填我只係普通...

真係多得兩位令我賺左d外快返來...thanks林氏伉儷

 

又又又出團了...

今次成功去北京了...

好在有同部門派左名之後都會派俾我...

THANKS派米班主,

同之前祝福過我既朋友同同事...

今次既街係叫王旭,

ANGEL話佢既花名叫王9日,

好搞笑既花名呢...

希望今團順順利利啦,

今次住既係臨空酒店...

臨空, 睇個名都知近機場啦...

聽同事馬龍講, 係五環至六環之間...

而我想去食宵夜既鬼街, 係二至三環...

好遠呢....

希望可以成功同亞騰去食小肥羊啦...

跟住今日...

俾C+發現左我既小秘密,

我覺得好尷尬呢...

不過出得嚟行, 預左要還...

有D俾佢笑到面黃呢...

唉...我仲將呢單野講左俾好朋友BEAR BEAR聽...

佢都覺得幾好笑...

總之, 我以後會小心D架了....呵呵呵...

今晚同左BEAR BEAR食CALIFORNIA PIZZA KITCHEN,

都係食果D野, 不過都覺得好好味呢...

由七點幾食到十點先走人...

再去老屈度買左雪完美既去豆無印精華,

因為聽聞對豆豆好有用...

唔知點解, 左面有好多豆豆長出來,

我又死去唧佢, 搞到有印, SHIT

希望雪完美真係幫到我啦...

又去北京了...

求順順利利, 平平安安, THANKS GOD~

琴日打左個八號波...

可以打到今早10:15先落波,

真係好唔錯,

因為可以瞓多兩個鐘,

一起身就熨衫出門了,

早餐都無食, 因為怕塞車塞好耐呢...

11點未夠出門口,

等巴士, 塞車, 11:50先到CB,

再轉MTR,

未夠12點返到公司...

跟住未坐熱張櫈又出去食LUNCH,

真係勁爽呢...

今日行行企企, 上下TIC, 整下新行程,

話咁快又放工, SO GOOD...

日日都過得咁快就好了...

今日同左亞姐講, NOPAY出團無四天,

可能要請多一天,

佢都無咩意見, 基本上,

都無咩好做, 佢最好唔好有意見嚟令我更憎佢...

希望可以派到去北京啦,

想去搏一搏呢...

本來短棍都OK既, 快靚正,

不過又無團...

好失望呢...

不過十.一又好似唔係好多團,

到時又唔知可唔可以出飛機團...

不過見短棍都OK, 出短棍都好丫...呵呵,

總次俾機會我去搵下錢就OK了,

我都唔怕領隊點話我,

因為係公司對我唔住先,

理佢丫...呵呵~

星期日係公公出殯既日字...

一早七點幾就要起身,

梳洗完之後就出門口了,

去到都係好似我地最遲到...

俾人話我地係大火船...

雖然唔知係咩類型既船,

但可以知就係, 係好慢既船....

等於暗串我地遲...

其實真係好攰, 因為係連續第十四日無休息了,

都係要早起既一日...

真係攰得好緊要...

所以星期六無去大酒店幫手...

我放左工係有打俾媽媽既,

因為我都唔知今次去邊間大酒店,

不過佢無聽, 而且我又預先講左要開工去唔到,

所以都無理了...

點知星期日去到, 勁多人都問我星期六點解唔嚟,

真係只可以講開工囉...

不孝都係咁話了,

因為我都唔係鐵打既...

我覺得有心就OK, 無到唔代表唔CARE囉...

12點度就做好晒所有儀式,

再去酒樓食飯...

見到好多好少見既表姐表哥表弟,

希望下次見面唔會再係做白事啦...

跟住我搭車返屋企, 去CB再轉車,

點知, 上左車一陣就瞓左, 瞓到去總站...大球場果邊...SHIT

要再搭叮叮出去CB再轉車,

好在都識路O者...

返到屋企無耐就瞓左了...

瞓到好似中暑咁,

因為太熱了...

瞓醒先開冷氣,

果條PK返來又喃"磨"咁聲,

肯定覺得我一個人開冷氣係唔啱啦...

我都有俾家用丫, 有咩理由唔可以開冷氣丫...

對住呢D人, 真係覺得好痛苦,

更想要自己一個家...

去到CB既馬場門口轉車...好眼瞓呢...

瞓醒見到個天係紅色架, 好可怕...好少見到係紅色既天, 之後就落大雨再勁行雷了...

咁快就又九月了,

開始有好多同事生日了,

因為公公走左, 真係對各位九, 十, 十一月生日既朋友,

講聲唔好意思,

連一位朋友仔既婚禮我都去唔到,

真係好抱歉...

本來呢位朋友仔仲話介紹D兄弟俾我識,

點知, 錯失大好良機...嗚...

今日同D培英既舊同學仔食飯,

有VIAN, CAMMY同埋KATRINA,

三位都係美人,

好明顯自己係一塊勁巨塊既綠葉...

又想起, 就快自己都生日了...

快廿六了...

都係孤家寡人...

真係有D驚,

眼見舊同學舊同事都相繼結婚生BB了,

而讚美自己既人都係結晒婚...

同上左年紀既男人...

唔同要做上左年紀又結左婚既男人既二奶....

自問又無做人地二奶既本錢呢...

咁咪仲死囉,

真係一個好大既少年危機呢...

自己又肥喎...

真係唔知點好...

好煩呢...

見到同學同事朋友都咁靚...

真係自形X愧(唔識寫果個字...)

我應該要努力....憤鬥......

 

好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀

考左領隊牌, 都帶左好多團了...

今日PAT PAT痕PRINT左自己帶既團出來...

2006:

14/4 - 17/4 TTT04-DLX (TPE) 28PAX

25/8 - 28/8 TGT04-PRO (TPE) 29PAX

13/10 - 17/10 BOX05-SPC (BKK) 25PAX

27/10 - 30/10 TTT04-DLX (TPE) 23PAX

21/12 - 25/12 TKK05-SPC (TPE) 22PAX

2007:

19/2 - 22/2 TTA04-SPC (TPE) 33PAX

7/4 - 10/4 TPS04-SPC (TPE) 23PAX

1/7 - 4/7 TLL04-DLX (TPE) 31PAX

28/8 - 31/8 TTF04 (TPE) 26PAX

29/9 - 3/10 PDD05-EDT (PEK) 25PAX

22/12 - 25/12 TTA04-SPC (TPE) 31PAX

2008:

8/2 - 11/2 TTA04-SPC (TPE) 31PAX

21/3 - 24/3 TTA04-SPC (TPE) 31PAX

7/6 - 10/6 TTA04-SPC (TPE) 24PAX

23/8 - 26/8 TTA04-SPC (TPE) 31PAX

13/9 - 15/9 TAX03-DLX (TPE) 30PAX

28/12 - 31/12 TTA04-SPC (TPE) 30PAX

2009:

27/1 - 30/1 TTA04-SPC (TPE) 35PAX

10/4 - 13/4 TTA04-SPC (TPE) 31PAX

24/6 - 28/6 PED05-EDT (PEK) 22PAX

25/7 - 26/7 BBA02-SPC (PRC) 18PAX

8/8 - 9/8 GDG02-SPC (PRC) 42PAX

24/8 - 27/8 TTA04-SPC (TPE) 30PAX

5/9 - 6/9 BVN02-SPC (PRC) 22PAX

嘩, 真係帶左好多團, 真係咩都抵返晒了...

經過咁多團, 而家帶團都無咁驚了,

不過少不免都會有d緊張既...

而個喼可能都太操努, 個轆都爛左了...

其待9月19起四日nopay,

可以再出下團...

搵真銀...

今日去左睇搽面既野,

因為已用晒了, 點都要買,

想買之時先發覺係咁貴架,

一支野閒閒地都要三百幾,

自己要買至少兩支, 都要六百幾七百, 有八折都覺得好貴呢...

死啦, 好似越來越姑寒...呵呵