TLL04-DLX...

真係好耐無帶過其他團種,

次次去我都選D好少少既團,

因為收入都會有保証一D,

客人質素都會好一D...

不過耐何,

豪華團得一千零一團,

而短棍又收唔大,

11月又無Q飛機, 咁唯有而家先出飛機,

免得11月咩團都無得帶...

返來希望可以帶團去古兜探下金鐘啦, 呵呵,

不過世事都無咁完美既...

本來以為豪仔會接一號既團,

點知, 都唔係...

好奇怪, 咁FIT既街接咁細既團,

都唔知佢會唔會都唔開心呢?

今次出台灣, 都好突然,

明明本來預左出短棍既,

點知又屎忽痕帶台灣...

總之希望順順利利就好了...

 

又出完團返來了...

今次北京之旅都幾輕鬆,

因為好多地方都去過了,

不過呢, 今次既街好文靜,

好有豪仔翻版既感覺呢...

初初兩日都無咩野講,

悶到我勁口臭...

最激氣係有一餐去完長城食LUNCH,

D菜上極都唔齊,

佢又唔幫手, 淨係企係廚房門口睇住...

都唔會叫下d服務生上快d...

唯有靠自己, 用有限既"煲冬瓜"去搞定佢...

真係幾興...

未拍過咁唔helpful既街,

不過之前親愛的都話佢係老街, 會做野做得咁足架了,

所以都有d心理準備架了...

好在都在北京撞到小騰同埋之前拍過既北京街david...

有佢地同我吹下水都無咁悶呢...

今團d客係有三個特點, 1.老野, 2.煩, 3.cheap

真係越老越煩,

有條亞婆講野勁好中氣, 仲要坐我後面,

好多時都會俾佢講野振聾我...

又成日講廿幾年前來既時候又唔駛買門票, 又唔駛呢樣唔駛果樣,

心想, 又唔係要你再俾錢買, 收聲啦,

煩到出汁...

另外有個骨格精奇cheap到震既上杭婆,

因為佢同我講佢係上海人, 同個街講佢係杭州人,

咁合稱為上杭婆啦,

佢同另外一個party既兩位老野唔睇功夫,

咁就要自己四圍hea, 師傅見佢地都係老人家,

就叫佢去附近酒店既coffee shop飲野,

點知條上杭婆話佢唔飲咖啡, 一飲就會瞓唔到,

我忍唔能住彈尻佢, coffee shop唔止飲咖啡丫, 仲有果汁, 茶, 同水...

真係見識少既大鄉里,

俾佢激到我爆血管,

又話我地唔帶佢去全聚德食鴨,

亞婆...你呢個係cheap團, 如果係豪華團, 仲包好撚多野既...仆街,

帶d上左年紀既人真係好撚煩...

好在呢團有一對林生林太,

好幫手, 咩都買, 人又好, 又有禮貌,

係咁話玩得好開心,

講真我真係無咩心機去帶,

連好多份意見書都填我只係普通...

真係多得兩位令我賺左d外快返來...thanks林氏伉儷

 

又又又出團了...

今次成功去北京了...

好在有同部門派左名之後都會派俾我...

THANKS派米班主,

同之前祝福過我既朋友同同事...

今次既街係叫王旭,

ANGEL話佢既花名叫王9日,

好搞笑既花名呢...

希望今團順順利利啦,

今次住既係臨空酒店...

臨空, 睇個名都知近機場啦...

聽同事馬龍講, 係五環至六環之間...

而我想去食宵夜既鬼街, 係二至三環...

好遠呢....

希望可以成功同亞騰去食小肥羊啦...

跟住今日...

俾C+發現左我既小秘密,

我覺得好尷尬呢...

不過出得嚟行, 預左要還...

有D俾佢笑到面黃呢...

唉...我仲將呢單野講左俾好朋友BEAR BEAR聽...

佢都覺得幾好笑...

總之, 我以後會小心D架了....呵呵呵...

今晚同左BEAR BEAR食CALIFORNIA PIZZA KITCHEN,

都係食果D野, 不過都覺得好好味呢...

由七點幾食到十點先走人...

再去老屈度買左雪完美既去豆無印精華,

因為聽聞對豆豆好有用...

唔知點解, 左面有好多豆豆長出來,

我又死去唧佢, 搞到有印, SHIT

希望雪完美真係幫到我啦...

又去北京了...

求順順利利, 平平安安, THANKS GOD~

琴日打左個八號波...

可以打到今早10:15先落波,

真係好唔錯,

因為可以瞓多兩個鐘,

一起身就熨衫出門了,

早餐都無食, 因為怕塞車塞好耐呢...

11點未夠出門口,

等巴士, 塞車, 11:50先到CB,

再轉MTR,

未夠12點返到公司...

跟住未坐熱張櫈又出去食LUNCH,

真係勁爽呢...

今日行行企企, 上下TIC, 整下新行程,

話咁快又放工, SO GOOD...

日日都過得咁快就好了...

今日同左亞姐講, NOPAY出團無四天,

可能要請多一天,

佢都無咩意見, 基本上,

都無咩好做, 佢最好唔好有意見嚟令我更憎佢...

希望可以派到去北京啦,

想去搏一搏呢...

本來短棍都OK既, 快靚正,

不過又無團...

好失望呢...

不過十.一又好似唔係好多團,

到時又唔知可唔可以出飛機團...

不過見短棍都OK, 出短棍都好丫...呵呵,

總次俾機會我去搵下錢就OK了,

我都唔怕領隊點話我,

因為係公司對我唔住先,

理佢丫...呵呵~

星期日係公公出殯既日字...

一早七點幾就要起身,

梳洗完之後就出門口了,

去到都係好似我地最遲到...

俾人話我地係大火船...

雖然唔知係咩類型既船,

但可以知就係, 係好慢既船....

等於暗串我地遲...

其實真係好攰, 因為係連續第十四日無休息了,

都係要早起既一日...

真係攰得好緊要...

所以星期六無去大酒店幫手...

我放左工係有打俾媽媽既,

因為我都唔知今次去邊間大酒店,

不過佢無聽, 而且我又預先講左要開工去唔到,

所以都無理了...

點知星期日去到, 勁多人都問我星期六點解唔嚟,

真係只可以講開工囉...

不孝都係咁話了,

因為我都唔係鐵打既...

我覺得有心就OK, 無到唔代表唔CARE囉...

12點度就做好晒所有儀式,

再去酒樓食飯...

見到好多好少見既表姐表哥表弟,

希望下次見面唔會再係做白事啦...

跟住我搭車返屋企, 去CB再轉車,

點知, 上左車一陣就瞓左, 瞓到去總站...大球場果邊...SHIT

要再搭叮叮出去CB再轉車,

好在都識路O者...

返到屋企無耐就瞓左了...

瞓到好似中暑咁,

因為太熱了...

瞓醒先開冷氣,

果條PK返來又喃"磨"咁聲,

肯定覺得我一個人開冷氣係唔啱啦...

我都有俾家用丫, 有咩理由唔可以開冷氣丫...

對住呢D人, 真係覺得好痛苦,

更想要自己一個家...

去到CB既馬場門口轉車...好眼瞓呢...

瞓醒見到個天係紅色架, 好可怕...好少見到係紅色既天, 之後就落大雨再勁行雷了...

咁快就又九月了,

開始有好多同事生日了,

因為公公走左, 真係對各位九, 十, 十一月生日既朋友,

講聲唔好意思,

連一位朋友仔既婚禮我都去唔到,

真係好抱歉...

本來呢位朋友仔仲話介紹D兄弟俾我識,

點知, 錯失大好良機...嗚...

今日同D培英既舊同學仔食飯,

有VIAN, CAMMY同埋KATRINA,

三位都係美人,

好明顯自己係一塊勁巨塊既綠葉...

又想起, 就快自己都生日了...

快廿六了...

都係孤家寡人...

真係有D驚,

眼見舊同學舊同事都相繼結婚生BB了,

而讚美自己既人都係結晒婚...

同上左年紀既男人...

唔同要做上左年紀又結左婚既男人既二奶....

自問又無做人地二奶既本錢呢...

咁咪仲死囉,

真係一個好大既少年危機呢...

自己又肥喎...

真係唔知點好...

好煩呢...

見到同學同事朋友都咁靚...

真係自形X愧(唔識寫果個字...)

我應該要努力....憤鬥......

 

好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀好想要呀

考左領隊牌, 都帶左好多團了...

今日PAT PAT痕PRINT左自己帶既團出來...

2006:

14/4 - 17/4 TTT04-DLX (TPE) 28PAX

25/8 - 28/8 TGT04-PRO (TPE) 29PAX

13/10 - 17/10 BOX05-SPC (BKK) 25PAX

27/10 - 30/10 TTT04-DLX (TPE) 23PAX

21/12 - 25/12 TKK05-SPC (TPE) 22PAX

2007:

19/2 - 22/2 TTA04-SPC (TPE) 33PAX

7/4 - 10/4 TPS04-SPC (TPE) 23PAX

1/7 - 4/7 TLL04-DLX (TPE) 31PAX

28/8 - 31/8 TTF04 (TPE) 26PAX

29/9 - 3/10 PDD05-EDT (PEK) 25PAX

22/12 - 25/12 TTA04-SPC (TPE) 31PAX

2008:

8/2 - 11/2 TTA04-SPC (TPE) 31PAX

21/3 - 24/3 TTA04-SPC (TPE) 31PAX

7/6 - 10/6 TTA04-SPC (TPE) 24PAX

23/8 - 26/8 TTA04-SPC (TPE) 31PAX

13/9 - 15/9 TAX03-DLX (TPE) 30PAX

28/12 - 31/12 TTA04-SPC (TPE) 30PAX

2009:

27/1 - 30/1 TTA04-SPC (TPE) 35PAX

10/4 - 13/4 TTA04-SPC (TPE) 31PAX

24/6 - 28/6 PED05-EDT (PEK) 22PAX

25/7 - 26/7 BBA02-SPC (PRC) 18PAX

8/8 - 9/8 GDG02-SPC (PRC) 42PAX

24/8 - 27/8 TTA04-SPC (TPE) 30PAX

5/9 - 6/9 BVN02-SPC (PRC) 22PAX

嘩, 真係帶左好多團, 真係咩都抵返晒了...

經過咁多團, 而家帶團都無咁驚了,

不過少不免都會有d緊張既...

而個喼可能都太操努, 個轆都爛左了...

其待9月19起四日nopay,

可以再出下團...

搵真銀...

今日去左睇搽面既野,

因為已用晒了, 點都要買,

想買之時先發覺係咁貴架,

一支野閒閒地都要三百幾,

自己要買至少兩支, 都要六百幾七百, 有八折都覺得好貴呢...

死啦, 好似越來越姑寒...呵呵

見到C+同埋JACK JACK都有呢條萬樂珠電話繩,

所以都走左去買呢PACK萬樂珠,

係可樂味道既...

我覺得不外如事囉,

唔係話好驚喜,

又唔係話好難食,

又唔係好食到停唔到口...

不過呢, 零食呢家野,

真係要食少D了,

都就快OVER 25歲了,

身陳代謝都會慢D,

到時我真係唔想肥一世,

我真係想瘦呢...

 

Edmond撰寫：

妳好...我幾天前跟完妳公司的團去台灣，玩得好開心，而家個魂魄仲有D留左響台北未返黎，好玩...導遊小曹都佔左唔少功勞。呢兩日，我都周圍上網睇下其他關於去台北旅行的資料，乜都search一下，包括用小曹個名黎search，俾我搵到呢度。

其實妳個同事阿龍都好好。完左旅程俾小費，其實我都想盡量俾多D表示下我地心意，但係我之前無估到要用咁多錢，到最後一日已經幾乎彈盡糧絕，所以只能比指定小費再俾多少少，唔係講客套話，呢少少真係夠領隊、導遊、司機去飲餐茶架咋。

又又出團了,

真係駁晒老命...

今次去珠海加澳門,

RE-CFM已有少少問題,

有個亞叔廣東話唔多識聽, 英文又唔太得, 普通話我又唔太得,

足足, 呢個亞叔玩左我八分鐘...

出到碼頭, 亞叔係最早到既...

一見面, 操流利廣東話....

FUXK, 咁琴日係唔係玩我先...

上到船, 船大吉...

BUT仲有四個客未上船, SHIT,

點知客打俾我, 話無帶証件...

佢要再買船飛加打的去JOIN我地既團...SOBAD...

好似一出發就唔多順利咁,

好在, T/G係一位都幾FIT既人, 叫小平...

小平都好NICE, 又多爛GAP,

逗得客人都開開心心...

今團仲要去澳門,

TOTAL過左八關...

1.香港離境 2.入中山境 3.出中山境 4.入澳門境

5.出澳門境 6.入中山境 7.出中山境 8.入香港境

真利害, 本來我都無數架,

係小平提起先覺得我呢團咁利害...

第一日行程完左,

可能同小平有語障,

我地做OPTION有足浴同睇SHOW.

我上左睇SHOW車送客去,

原來我應該唔好上車, 應該跟足浴車同小平一齊去按腳,

點知...有語障, 同小平分開左...

咁我唯有去睇SHOW...

再送客去足浴,

都好攰唔想按了, 就返HTL,

司傅就叫我不如出去飲野,

司傅本身就口花花, 我成日都以為佢講笑, 所以就跟佢出去啦...

出去就賴野啦,

原來係飲紅酒既...

而且司傅好似有D...毛手毛腳...

UM...就知道有D野咁...

有D驚SSS, 可能係自己想得太多啦...

不過到我飲多左少少時,

要行返去時, 毛手毛腳更多...個膀頭攬左N次又拖住我...去程已係咁,

返酒店仲勁左...不過我連直線都行唔多到...

司傅問可唔可以去我度瞓,

好在我還清醒...

緊係叫佢自己開房瞓啦,

當我自己想多左又好, 我緊係唔想夾任何人瞓啦...

所以佢終於縮手了...返到HTL就標返房...

太暈了, 差D想嘔...

瞓左一陣先去洗白白,

洗完就再瞓,

第二日小平問我地去飲酒既事...

我都費事講太多...

陣間人地以為我自戀就死了...

估唔到...大陸仔既口味咁獨特, 呵呵呵...

返到香港, 在上環落船...

落左船我都搵唔到車返屋企...SHIT,

行到去中環先見到有車...

唉...黑仔...

返到去, 玩玩下FB又瞓著左,

瞓到五點先沖涼...勁DIRTY,

六點再去瞓, 七點又起身,

今早加LUNCH飲左兩杯咖啡先醒神...

今次短棍之旅好似唔多順利...

唔通因為無拜四面神????????

 

 

從超級巨星呢個節目認識到曹格...

DL左佢既歌, 聽左覺得好好聽,

睇埋佢既MV,

簡直係迷上左...

十分討好既外型,

加上咁好聽既聲線,

即刻愛上,

今晚係咁聽,

又將佢既MV食左入BLOG,

簡直係中左毒, 呵呵~~~~~

I LOVE U 曹格, 呵呵~~~~

今日同琴日都同左好朋友出去食DINNER,

琴日就同BEAR去食長壽司同棉花冰,

食到頂住都要食冰呢...

都係覺得台灣既好味好多呢,

而且台灣又平好多,

不過食完之後, 返到屋企痾左一次,

都唔知係LUNCH唔乾淨,

定係DINNER有問題呢...

跟住今日就同左VIAN去食DINNER,

VIAN肚仔唔C服都同我食,

真係覺得有D唔好意思呢...

我地去左CB既HABITU食DINNER,

我真係好鐘意呢度,

因為又好坐啦, 又好味,

又唔會好嘈,

最啱同D好朋友出去傾心事的...

想起一位舊朋友近來突如期來既消息,

我真係覺得有D驚嚇,

因為我地斷交半年有多, 我都無想起佢,

突然收到一D消息,

覺得都幾突然,

都係擔心佢身體可以承受得到嗎?

至於唔知係唔係由佢發出既飯局,

講真, 真係無咩興趣,

可能係有人想做和事佬而搞出來既飯局,

我又唔SURE既聚會,

我都唔多想去...

總次, 同佢, 朋友未必再做到了,

只可以祝佢幸福快樂, 健健康康, 平平安安~~

我的冰冰:自選組合:牛奶冰加芒果汁加芒果肉加朱古力樹皮加朱古力魔豆, 讚~~~~

BEAR的組合:綠茶口味~~


好死既樣, 頭髮好短肉肉酸酸...又肥啦, 又攰啦, 又殘...

最愛的HABITU, MY飛佛~~

繼之前俾D團友以為已婚, 同埋生左仔之後,

今次出台灣,

仲有團友話我唔係HK人,

真係吹漲...

該位團友好有米,

話我D廣東話唔正...

唔似係香港人...似係上海人...??

我未去過上海,

真係唔知上海人既廣東話係點呢...

不過廣東話已係我最自豪既一種語言,

如果咁都覺得我唔正, 咁我真係SO BAD~

我反問, 係唔係我太多懶音,

因為而家時下年輕人都好多懶音...

點知有米團友話我:根本你D廣東話係唔正, 都唔係懶音問題~...

呆晒,

有米同行女團友問:你屋企係唔係都係講廣東話...

佢地肯定無聽到我講, 我係純正香港人啦....

既然係純正, 老豆老母一定係HK人吧...

唉, 爭論都無用,

客人永遠是對的...

既然佢地覺得我唔係HK人就算吧,

反正我都俾佢地吹漲左,

放左佢地自由活動, 我就走了...

而家再想...乜我D廣東話真係咁差咩??????