中長有位妹妹前日LAST左,

真係"鄧"佢好開心架,

我仲有幸同佢地成班中長食個FAREWELL飯,

我地六位傻瓜去左旺角食韓燒,

呢間野都幾唔錯,

野食唔會太差,

不過食兩個鐘唔係好夠囉,

唔係唔夠食,

而係唔可以坐耐D囉,

如果可以坐耐D玩耐D就好了, 呵呵呵

果日真係好開心呢,

好耐都無試過咁開心了,

KITY, 希望你可以搵到一份好工, 之後搵埋個好老公, 呵呵

 

由星期二開始搬左來呢個位,

個人真係好唔聚財,

而且真係好悶囉,

因為真係無人同我講野架,

遲D連背後既俊男都搬走埋,

真係口都臭埋既位,

好期待對面有新同事呢...

我左手面有部針機,

一PRINT野,

我隻耳仔就刺痛,

我估我要移塊水松板去隔住佢先OK...

新位真係好唔就手呢,

又會頂住晒,

打字要坐出D先按到ESC制...

ESC制, 大家用HTBS都知係一個好重要既制...

我唔坐出D都唔得啦, 因為左手面有個櫃頂住左我隻手,

亞姐今日又發神經,

話唔要個垃圾筒,

我同佢講, 你唔要的話, 唔好將你既垃圾掉俾我,

佢就死死地氣將個垃圾筒放左去佢後面個好姐妹度,

人地TOTAL有兩個垃圾筒,

我以前同佢既方位一樣,

都唔覺得個垃圾筒阻訂啦,

真係唔明佢, 佢真係太得閒屎忽痕...

新位真係唔舒服,

咩都唔順呢.....

唔開心ING~~~

<---舊位

<--新位

<--狗哩熊

OFFICE要搬位,

新位比舊位更屎...

因為個位同亞姐係零隔膜,

仲要係左手仲要坐左個唔係太NICE既人...

悶屎既位...

我唔想成日都俾亞姐煩我呢,

不過我可以預計到佢一定成日MON住我...

唉,

我同青青都好想去西葡FAM TOUR,

不過要賣身半年,

我覺得係唯一既缺點,

如果出面有差唔多價錢既,

我寧願自己報出面既團,

起碼我會自由D...

近來都好多野煩咁...

調左位, 我怕自己黑面既日字會多左.....

唉.........

日字好難過,

唔通連個天都唔鐘意我??

真係有d嬲,

有人不負責任到屎..

一句自己教得唔好, 就塞個MT俾我...

一句自己唔想做, 就想塞埋條DPS線俾我,

喂, 你自己想咪DUM...

唔好連累其他人

你唔做唔代表人地要執你手尾囉...

唔好咩都塞俾我,

你估我亞姐咁勁可以做咁多野咩,

到最尾都係我受返,

唔係同你有仇丫,

雖然係成日都頂你,

因為你真係好能難頂,

不過你死你賤, 唔好連累其他人...PLS...

講真, 你走, 我唔會有一絲唔捨得,

而我調位後, 可以講係脫離你既魔掌...

唔駛再理你既自言自語...

唔駛理你既煩人招數,

唔駛日日俾你問食LUNCH食咩好...

希望,

我調左位會有新希望...新開始,

不過都唔會樂觀,

因為前後左右都唔係我喜歡既人,

可能咁既安排, 就係想滯死我...

可能咁既安排, 我更可下定決心,

如果BONUS可以早D出, 我就可以早D走, YEAH...(妄想中!!!!!!!!!!!!!)

P.S, 終於記起UP返TIFFANY LAST果日D相了....我既記性真係差....呵

呢兩日都收到一d好好既手信...

第一樣係angel送俾我既北京手信,

想起去北京, 已經係上年十月既事了...

今次angel買左福牛俾我,

好開心呢,

因為之前我自己已買左套福娃,

今次有埋殘奧既紀念品,

可以儲埋一齊, 好有紀念價值,

多謝你哦, angel, 真係令我唔好意思呢, 呵呵

跟住就係bkk既亞wing送既象象公仔,

上次我去bkk無買到, 只係買左象象既袋仔,

好想要一套象象既公仔呢,

所以托佢買一隻細細既紫色象公仔,

點知佢買左套送俾我...

唔肯收我錢, 多謝你哦, wing少爺...

因為我話要紫色,

所以少爺行左三檔先搵到有紫色既象仔...

仲要唔係買一隻, 買左成套,

多謝你哦, 少爺...

多謝送禮物給我的各位朋友....

THANKS~~

呢句係小曹三日來講得最多既名句...

我覺得好搞笑,

佢既文采真係好唔錯呢...

今次真係難為左小曹,

因為天氣真係好差呢,

仲因為咁佢涷親有D唔舒服...

真係唔好意思...

不過如果唔拍小曹,

我怕會好悶,

小曹話, 自己出自己條線緊係Q個好既團啦,

如果唔係做咩要出自己條線,

咁我都係想出團會易D,

唔會太辛苦,

所以先出台灣囉,

因為話晒都熟D, 會驚少D野囉,

今團, 真係跳車團,

我用左七張離團紙, 兩張行程更改紙...

最差只係得七隻跟我去春天...

最後果日全團都跟返我,

仲要摔到兩巴出來, 都算係咁了...

返左一日工, 已頂唔順,

因為太攰了...

所以琴日請左一日假...

首先, 前日放工同親愛的去打邊爐, 打完由CB行返去金鐘搭車,

跟住返到去, 唔覺意瞓著左,

到朝早六點半先起身沖涼, 沖完七點幾再瞓,

瞓到下午五點, 食左少少野,

六點幾再瞓, 瞓到九點起身食飯...

咁就過左一日假期, 瞓咁多, 真係好爽呢..

今日問亞姐一D野,

佢好遊魂,

我話佢, 你真係好謎, 佢都認...

我心想, 返工就認真少少啦, 話晒你都係做主管丫,

希望我UNDER佢既日字唔會仲有好多...

今日見到通告有西葡FAM TOUR,

真係好想去呢....

成皮野, 仲要賣身半年,

錢唔係問題, 係半年.....

去福岡機票好貴...

咁而家點好呢, 兩個地方都好想去....

講起今次去台灣,

真係要同各位姐妹講唔好意思,

因為打風, 好多地方都無開,

唯獨七仔有開, 所以如果手信係七仔有賣既, 我先買到...

我買左隻OPEN小將, 好Q呢, 不過想買多隻俾自己都無, 一間七仔只得一隻,

下次去, 我一定要再買一隻俾自己, 呵呵

諗住出團三天搵少少錢過中秋啦,

搵d錢同媽媽去澳門過佢既生日啦,

點知, 未出發先興奮囉,

因為台灣打風,

上次八月出團香港先打九號,

成功避過出發成功...

今次台灣打風,

三日食到正,

我d luck都無晒,

平時出團都好有luck架,

今次真係麻麻地,

因30隻, noshow左6隻, 1隻在hk機場話唔跟到回程在台灣機場join返...

今日勁...

走左九隻, 淨返12隻,

食完lunch淨返7隻,

包團咁..

冷清清,

打風打成咁,

仲有好多人話明天唔跟車出機場,

要自己出機場...

真係好灰,

好心join package啦,

係咁跳車,

我第一次由30隻到而家得返7隻...

仲衰過出短棍,

可能唔係我既野,

攞左返來就唔會再有luck...

希望可以順利返香港,

唔駛滯留在台灣啦...

今日知道左要大郁位,

好唔開心,

因為我既左手會吉左,

右手無左D櫃,

會同果條友更貼近,

佢條友好能開心,

因為同佢D八婆姐妹一齊,

又可以日日嘈嘈嘈,

真係好想大家姐知道, 佢係有幾嘈,

手提不停響響響,

跟住又同佢D姐妹係咁嘈,

哼,

睇下幾時現眼報,

我要為我既未來艱苦既日字想一下,

要搵多D野隔住我同佢,

因為我唔想見到佢個衰樣,

我怕咩都唔食就會飽晒...

而家真係好唔開心,

點解要問我意見,

問左等於無問,

就不如唔好問...

令我更唔開心,

就會令你同賤人更快樂,

呢個就係你尋開心既途徑??

咁你地快D去X了....

成肚火.....

極唔開心...

20/09就要郁,

本來仲想好好地做埋08年,

而家想點先,

連個天都唔鐘意我....

SHIT~~

近來唔知係唔係太閒,

覺得佢特別討厭,

佢講既野,

令我好炆,

咩叫做"你要唔要試下做丫?",

你要我做就做啦, 唔通我話我唔要試, 我就唔駛做??

咩叫做"俾你練習下.."

你要我做就做啦, 根本我係識做, 你係想唔駛做O者,

連果少少野你都唔想做,

真係想一開工坐到放工?

你個FD走左,

你個人仲更加無腦,

成日都好似發緊夢咁,

我知,

有人撐你,

當你發緊夢=想緊工作既野...

好大個極度白痴既藉口,

每日手提響不停,

每日講私人電話講不停,

想贈你四個英文字...

FXCK.......

好想過埋新年再作打算...

不過我真係捱到嗎?

出面搵工又困難,

雖知同行易, 轉行難...

好煩....

琴日同lingling, 青青, 吳小粉一齊出左去cb食飯,

去左風月堂,

佢既甜品好靚架(不過我都食唔到),

食飯途中發現佢既裝飾小豬好得意哦,

係黃小青既親戚, 叫黃小豬, 呵呵....

係咁狂攞來玩,

搞到d staff望住我地, 仲上報俾經理知...

車, 玩下之麻....又唔係偷左你....

我地係咁影相....勁影囉...

d野食都算ok既,

不過我依然係好想食下佢既甜品呢...

本來係想幫梁玲搞生日飯為目的架...

唔知係唔係隻黃小豬搞亂左我地呢, 呵呵

今日再買左蛋糕同禮物同梁玲做生日,

希望佢會鐘意份禮物丫,

最好就著俾我地睇下啦, 呵呵....

琴日散左之後,

我去左舒適堡果d企街檔,

問左如果join一年要$280/月, 兩年就要$250/月,

而家真係想緊join唔join好呢,

大家俾d意見我丫...

有日放工見到幾位同事同b姐一齊吹水,

我被召左埋去影相...

因為r先生又行埋來,

又講起我無換鞋既事,

又話果次係同我玩...

明明惡到咩咁,

又片我,

你話咩咪咩囉,

好無辜...

有相為証,

明明開開心心,

就要搵舊屎出來講...慘...

<---被片的無奈樣~~

本來希望中秋可以到台灣過,

點知去編團亞姐度八下,

今年中秋太差了,

漏唔到一團俾我,

好失望,

放三日假期,

我會呆瞓喺屋企,

又少左個機會搵錢了...

OH....

好失望,

都係自己當初自己期望太高了...

好想去台灣哦....

漏俾我啦.....

PLS~~~

唉,

都係自己太多事,

有時好多野都可以唔理扮唔知,

不過見到人地咁慘

我都睇唔過眼,

不過唔知事件會去到亞姐果度,

邊個著邊個唔著,

我真係唔知啦...

錯左自己太多事...

希望第時再係咁既時候,

我可以冷眼旁觀~~

啱啱去台灣買左兩本新書,

本來想買果本係平時上網睇開既BLOG主寫既書,

不過睇睇下又覺得平上網都可以睇佢個BLOG啦,

何必買來睇呢...

所以買兩另外兩本書,

不過都係講貓貓同狗狗既,

一本係講有個養貓既日本人,

佢D貓成日都瞓喺D煲入面,

另一本係講一隻日本狗狗,

因為有怪病而要切晒四隻腳仔同尾巴及耳仔都要剪短...

好慘,

不過狗狗都無放棄努力生存...

兩本我都未睇晒,

不過我都覺得係我值得買既書...

近幾次都無買書,

因為成日第四日自由活動都肚痛...

所以今次無肚痛就走左食左MOSS BURGER同買書, 正~~