貓奴係呢度已做多兩年零2個月,

差唔多800日了,

坐左喺而家呢個位已好耐了,

周遭既鄰居不停地轉轉轉,

有同事形容後面既局勢就好似打麻雀咁,

打完四圈就要再執位,

講起執位, 貓奴都好想調位,

而家個位係幾好坐,

但係如果你想出出入入, 就好痛苦,

本來以為貓奴係肥得滯, 有困難,

但係見到比較瘦既同事都有困難,

就知係D人屎忽太大,

我成日覺得, 如果你坐房, 點坐都唔理你,

明知係唔多位, 都坐成咁, 哼, 自私,

我之前都講過呢個話題,

只係呢個問題都未離開過我,

而家仲要係左右雙"殺",

仲要係你行緊既時候, 果D仆街仲要郁, 夾X死我,

或者你想行, 得番一條小腿都過唔到既隙,

左右雙"殺"都完全無意識去借俾你過,

講真, 本人亞姐以前都係咁, 而家都知衰坐入D啦,

有D人, 係超自私, 應該俾個死角位佢坐, 就咩人都影響唔到,

理你瞓左係度丫, 點攔路都唔理你~~

所謂好狗唔攔路, 請兩位做條好狗啦~~

琴日本來未夠12點已起左身,

一起身就見到壽星女在洗風扇,

仲要係洗緊第二個,

咁佢好堅持要洗完先出街,

同時間佢係洗緊衫~~

好似不停做家務咁,

我見佢唔停手, 我自己又一齊做家務,

等D衫洗完之後, 大家再換衫,

出門時已係3點多了,

跟住我地決定去HIGH TEA(平民版)

去左SUPER SANDWICH食野,

之後再行SOGO, 十蚊雞店囉,

之後再去時代既藍納泰度食THAI野,

都唔錯, 3個人只係500多,

環境一流, 食物都OK,

價錢都唔算係好貴,

同媽媽過左一日好充實的一日,

同媽媽傾好左, 下次放假我一定要再請佢飲茶~~

聽日係媽媽既五十歲生日,

我就專登請左假同佢去行下街飲下茶,

希望我唔會瞓過龍啦,

PLAN就係夜晚果餐都會出去食,

BUT暫時仲未想到食咩野好呢~~

上星期已問媽媽, 下星期四你係唔係放假, 你想食咩呢?

點知佢問我有咩事,

我同佢講, 你生日丫麻, 我想請假同你去飲茶,

跟住佢就扮晒野唔記得左自己生日,

我就串媽媽:"上年你成日都提住你自己生日, 我上年叫你唔好咁煩,

                       你今年就扮晒野唔記得, 假到死~~"

媽媽就只有以笑遮醜,

媽媽真係好好玩, 不過我覺得,

唔知係唔係人老左都係咁, 都係比較煩~~

不過有人煩總好過無人煩丫,

而家只有媽媽係同我地一齊住,

所以我都要好好地珍惜同媽媽一齊既日子,

唯有盡量去想, 媽媽都係關心我, 咁就唔會覺得煩囉~~呵呵

希望聽日可以玩得開心D,

返來再去大家報告50大壽既情況~~

琴日又去叮飯, 果條打尖友又再出現,

死人老女人, 揸住杯用紙杯裝既湯出現,

見到D飯盒排到好長龍,

就話: 咁我咪要倒左杯湯囉~

我心諗, 做咩要倒呢, 排隊叮咪得囉,

點知有位好心既K同事俾佢打尖叮左先,

我終於知道死人老女人講果句野既用意,

次次都出來打尖, 唔怪得之人地D飯盒要排咁耐啦,

賤女人一個, 如果係咁趕既,

不如出街食啦, 又唔駛叮,

既然要悭錢既, 咁就應該要耐心D等,

唔止你一個要叮架麻, 正一自私精, 睇下幾時天收佢~~

~~~~~~~~~~~~~~~~~~~~~~~~~~~~~~~~~~~~~~~~~~~~~~

星期六同左舊同學出去玩,

真係好開心架, 去左食平平自助餐,

雖然野食唔係好好食, 不過勝在都幾好坐,

而且有人帶左BB出來, 好可愛架

全程都笑笑笑咁, 見到都要學老細講一句"秀色可餐"

跟住呢, 朋友仔亞琪送左一隻瑞比俾我,

係要用惠X既印花換既,

我又唔夠印花, 所以佢就私底下換左俾我,

我收到時真係好驚喜同好鐘意呢,

有時D野, 唔一定要貴,

如果係我鐘意既, 就咩都好開心既, 呵呵,

所以我琴日終於抽左時間去同瑞比影左輯相,

我覺得瑞比係正義既朋友,

所以, 瑞比, 快D去收執果個賤女人~~

今日真係受左好多氣,

因為同事唔合作,

私下做左好多野,

搞到貓奴同亞姐都好鬼煩,

查實如果d同事係可以自己搞定,

咁點解仲要迫貓奴呢,

反正同事一個call, 就可以搞定,

亞姐決定唔理, 總之我地做番自己既野,

唔理幾點, 唔理搞唔搞得掂,

反正都無人理我地講既野,

反正佢地都有鬼祟辦法搞定,

雖然都係公司生意,

但係有無人想下貓奴呢,

雖然貓奴可以算係一個final機器,

但係貓奴都有其他job架,

次次都係私底下做野,  又唔預先同貓奴講,

咁不如同事們你地自己做晒啦,

一朝早, 一啖水都未飲過,

做到11點幾先停手, 有鬼可憐你,

咁搏都唔知為左咩, 又無得分,

次次都係咁迫貓奴,

受氣死, 而家仲一肚火~~~

唔通呢d就係小薯仔既命運~~

貓奴又再要睇醫生了,

因為個吊鐘附近仲係腫緊,

仲有果位似暗瘡既野仲係度,

睇左一個專科, 醫生話"無咩野既, 而家都講唔到d咩住, 你再來覆診先講"

事關佢收左貓奴三百四蚊, 所以貓奴都無再去了,

之後再睇左一個睇開既醫生,

醫生話"扁桃腺發炎, 果粒野係d分泌物....(貓奴唔記得佢講d咩)"

但係食晒d藥係止左咳同止左鼻水,

but, still腫既, 好驚囉,

左右唔對稱,

今日去睇家姐同背後的女人介紹既醫生,

聽聞真係好好既,

而難得亞姐又放貓奴出去,

好似有兩個鐘去睇醫生既,

咁貓奴就可以慢慢去了,

上次lunch出去, 趕到貓奴仆街, 唉

希望睇埋今次就好番啦, pls~~~~

 

近來貓奴再加入帶飯既行列,

因貓奴想盡快去清晒條咭數,

所以辛苦d都值得既,

而且近年尾, 好多朋友仔都生日哦,

所以貓奴都要留定d錢去同佢地慶祝呢,

咁頭先貓奴去叮飯,

有個女同事(老女人)既,

跟住佢就問一個男同事, 可唔可以打尖,

當時有好多個飯盒排緊隊,

而貓奴係其中一個,

咁個男同事就答呢個老女人,

"唔知得唔得架喎, 咁多人等緊, 我怕俾人打"

點知到有d飯叮好, 貓奴攞出來, 再放d新既飯入去時,

果個老女人即刻塞佢個飯埋來,

仲話, "你一個飯丫河, 我擺埋入去"

貓奴答"d飯唔係我架, 都係幫人地擺入去架咋"

不過老女人都係塞左個飯盒入去, 打尖成功,

之後唔夠一分鐘,

老女人駛出絕招,

將原本同佢一齊放入爐既飯攞出來, 淨返自己個飯繼續叮,

好賤格既做法,

如果係趕時間, 就早d死出來排隊,

而家d老女人真係超黑人憎,

咁老女人企左係貓奴叮緊飯既微波爐前面,

貓奴今日加左D台灣既肉燥, 叮到尾時, 好似有D肉香既味飄出,

絕對唔係燶左, 不過貓奴企開左都聞到氣咳,

果個老女人就食到正, 不停地咳,

好開心, 估唔到貓奴個飯盒可以懲罰到D衰人,

睇下你條老女人下次會唔會打尖,

唔好以為你老, D後生就要讓你丫,

鬼唔忙你叮唔夠熱, 食完痾到仆X, 呵呵...

 

今日, 終於收到恆XCS打俾貓奴了,

之前佢都有打俾貓奴, 不過呢,

貓奴MISS左CALL,

今日收到佢個CALL, 不過貓奴啖氣都落晒啦,

咩都無啦, 咁個CS梁小姐就不停同貓奴講唔好意思,

好似講埋JASON CHAN果份咁, J無講, CS梁小姐就講個夠,

不過之前家姐話, 果D CS會俾D著數客人安撫脆弱既心靈,

點知, 呢個電話都係講唔夠三分鐘,

所以係咩都無既,

咁即係貓奴個心靈在CS界來講, 都係唔夠脆弱,

貓奴只係佢地CS界既毒瘤, 除之而後快,

所以絕對唔會俾任何著數我, 姑息貓奴既, 呵呵

不過貓奴決定有儲到錢, 唔會再入去呢D大BANK囉,

貓奴會入去中X銀行, 聽聞佢既SERVICE都唔錯,

貓奴喺恆X做左咁耐客戶, 都有十幾年啦,

都咁對貓奴, 走, 都係佢地做成既,

反正貓奴都唔係有錢既客戶, 算了, 唔想太多...哼哼哼

總之, 各朋友仔, 請小心恆X銀行, 金鐘統一中心分行JASON CHAN...

 

琴日媽媽放假, 佢去左探婆婆,

講起婆婆, 貓奴好耐都無見過佢了,

因貓奴好懶, 連新年都無去拜年呢,

所以應該都有幾年無見過佢了,

不過近幾次去台灣, 貓奴都有買手信俾佢架, 雖然唔係次次都有買,

媽媽去探婆婆係因為佢入左醫院,

好似係心絞痛,

跟住要輸血, 仲要留院添,

好在琴日媽媽同佢出院了,

貓奴覺得, 出院就即係無咁嚴重,

之前婆婆已經有D柏金"信", 已經令佢好唔開心,

今次入完院, 仲要好似唔多行得,

所以呢, 媽媽同幾兄弟姐妹夾份買左輪椅俾佢地(因公公都行動不便)

估唔到, 幾年既光境,

人變得咁快, 老得咁快,

貓奴決定要盡快去探下婆婆,

希望佢快D好返!!

P.S.今日係朋友仔添仔生日,

      祝佢身體健康, 心想事成~~~ 

琴日媽媽未返到來煮飯,

貓奴就不停地搵零食塞入咀, 呵呵

眼見雪櫃內有雪糕, 就唔理三七廿一, 照塞入咀,

喺廳度食食下, 突然感到有d震震下既感覺

即係望下四周圍,

又聽下係唔係樓上又裝修,

點知咩都唔係,

到食飯既時候, 電視播緊新聞提要,

講起原來貓奴feel到既震係地震來既,

貓奴即刻好興奮地同家姐講:"我頭先都feel到震丫, 係真架, 我無講大話架"

家姐都無貓奴咁好氣, 是但應左貓奴就算數,

不過震果下, 貓奴無想過會係地震,

所以都無意識要哩落枱底,

仲要係馬照跑, 雪糕照吔...

今日貓奴再睇新聞, 原來係有3.5級架, 都幾厲害,

估唔到貓奴在有生之年都可以感受到一次人自然既身體搖擺, 呵呵

不過貓奴當然唔希望再有大搖擺啦, 因貓奴都係唔識哩埋...

p.s 震既當時, 柑柑照玩, 仲"liu"左舊薑落地玩....

琴日放左工, 原本想去做"尖",

不過實在係食左D藥好想瞓,

所以就搭車返屋企囉,

不過次次搭車時瞓覺, 一紮醒, 就好似有人望住貓奴咁,

貓奴次次都會CHECK下, 乜有流口水咩?有鼻鼾咩?

兩樣都無, 唔知係唔係貓奴多心,

不過次次都有人會同紮醒左個貓奴對望, 十次之中都有八九次係咁....

好奇怪...

咁返到屋企附近就攞左盒月餅,

呢盒月餅係公司俾既,

超大手筆囉,

因之前都係派四個金X船既冰皮,

而家變左一盒八個裝既美X冰皮,

之前D金X船, 都唔知邊度有分店, 所以都無攞到,

今次公司咁勁, 派美X, 就一定要攞啦,

貓奴都有好多年無食過正宗既月餅了,

近年來都係只食冰皮咋...

不過講起冰皮, 唔知係唔係正宗果間大X好食D呢?

星期一同家姐睇左套新戲叫the lake house(情流戀屋)

套野都唔錯架, 有d搞笑位,

睇到中段, 都有時會聽到戲院內有笑聲,

證明套野都唔係好悶,

而且個境真係唔錯架,

聽同事tiffany講, 原來係買左韓國既觸不到的戀人既版權,

同果套係差唔多既,

不過呢套有奇洛李維B喎,

雖然係呢套戲內佢係肥左少少, 不過呢, 都算係靚仔加型男一個,

劇情都有D緊張位, 所以都應該唔會悶親大家,

貓奴都有好耐無睇過戲了,

不過貓奴覺得呢套劇啱情侶去睇多D, 不過貓奴就只有家姐陪...嗚...

另外呢, 貓奴發現在D野,

就係基仔原來有寫BLOG既,

如果你係佢既粉絲, 就可以到呢度搵佢,

http://hk.myblog.yahoo.com/jw!NIEkRUKeFRjqlqgRWVFb0jQ-

貓奴都有留言, 不過就打錯左好多字呢.....(樣衰左)

至於琴日講過既恆X銀行JASON CHAN,

銀行既CS仲未有回覆貓奴既EMAIL,

唔通真係小存戶就唔值得佢地尊重,

今日行過銀行, 見到日本部CANDY同HONEY排緊隊,

貓奴就即刻就過去, 同佢講一號櫃台果個人就係入少左錢俾貓奴果個啦

叫D同事小心D佢...呵呵

JASON CHAN, 貓奴一定要唱衰你,

鬼叫你唔講SORRY, 哼哼, 睇住黎, 走著瞧...

話說琴日貓奴攞住儲左好耐既銀兩入落銀行,

等左都有5-10分鐘

終於埋到jason chan既櫃位,

咁貓奴想入6000, 而且仲要係55張一百蚊, 一張五百蚊,

咁貓奴見佢數錢, 自己又跟住佢一齊數,

佢就咁人手數完就算,

就入左, 俾番本簿仔貓奴, 點知show出來只有5000,

貓奴即發爛, 貓奴既錢, 係一百蚊都不能少, 你仲要少左一千蚊,

貓奴對佢講:我入六千喎

jason:等等, 我埋數先, (有個高級d既女人行過)
          jason又同果個女人講:你幫我睇睇, 我而家埋數(態度奇差), 仲要加多句:個客話少左一千蚊

好, 睇住佢將所以紙幣放入數銀紙機數, 數到咁上下, 再對機數

見佢神色有異, 而貓奴開始見到勝利既光彩,

果真, 係佢數錯左,

跟住貓奴即刻炮轟佢,

"睇住你用手數架啦, 我跟住你數都有50幾張一百蚊, 有咩可能入得5千丫,

你淨係靠手數, 都無放過入數銀紙機度數, 以為自己啱晒呀"

當貓奴想繼續既時候,

果位在旁既女人就同貓奴講唔好意思,

仲問貓奴而家d果一千蚊攞cash定係入落去,

緊係入落去啦, 仲問,

事主jason chan一句唔好意思及對唔住都無講過,

估唔到恆x銀行會請啞既做櫃台,

貓奴超級火滾, 即刻返到公司send左個e貓去投訴,

真係一肚火, 可能有d細節都無打到出來,

所以貓奴真係真係一肚火,

估唔到大bank都會數錯錢,

金鐘霞姐話個櫃台可能有私心, 見奸計無得逞所以就唔講對唔住,

貓奴又無想過有人會貪貓奴d錢, 不過佢無禮貌同咁既態度就真係谷到貓奴成肚火~~

 

 

星期六貓奴同家姐去左睇WESTLIFE演唱會,

咁先去中環醫左肚先,

皆因家姐俾左TKT錢, 為左報答佢,

貓奴就負責包起晚餐,

我地去左食好正宗既日本拉麵, 埋單$200...

跟住就坐機鐵往博覽館站,

成舊水車費, 都真係好金呢,

去到之後搵到自己個靚位,

望向台要將玉體傾斜45度,

而$480既飛, 只係望到粒米, SO, 貓奴改左個名堂叫杜粒米, 純粹心血來潮, 無得解...

初初幾首歌都可以帶起貓奴對佢地既熱情,

但係AROUND第6首歌, 貓奴開始覺得有D白日夢FEEL,

因貓奴個心都唔知係唔係仲聽緊個演唱會,

不過SO FAR, 呢個演唱會都算叫做OK,

起碼有2-3首歌貓奴可以跟住佢由頭唱到落尾,

因為有D都係新歌, 而新歌果隻碟, 貓奴只聽過唔過3次,

所以今次聽到好多都唔識唱,

而且個台偏細, 佢地既活動空間有限,

比起之前在紅館及天馬艦度睇既就差好多了,

而且眼見好多600多元既位置都吉吉的,

可見佢在香港既粉絲已減少左好多了,

不過呢個演唱會都令貓奴對四子愛火重燃,

返到屋企, 貓奴將四子既CD全部再過落IPOD度,

用左都有個幾鐘既時間呢,

估唔到貓奴只有四子先會買正版碟,

可見貓奴以前對幾位迷戀既程度...

琴日貓奴將儲左好耐既錢箱打開,

竟然有成6千蚊,

今日就攞去恆X銀行入左佢,

點知....(今日打得太多了, 明天下回分解)

琴日放左工, 同大美女共進晚餐,

好緊張架, 因貓奴都有好耐無見過佢,

之前都係講電話多,

見面好少,

不過貓奴見到佢, 就口水多過茶

好奇怪, 真係睇你同咩人食飯,

有時貓奴可以靜得出奇,

有時又可以雞啄唔斷,

真係希望唔會悶親佢啦,

我地去左世貿既亞拉麵館食野,

仲要係大美女萬歲,

食完有D內疚呢, 因貓奴出完團,

應該由貓奴請至啱呢,

不過下次再約, 一定要請到佢食飯!!

星期一睇左專科醫生, 因以為食串燒插到喉嚨,

300幾蚊, 不過絕對絕對係無起色,

依然係咳到甩肺, 琴日同大美女食飯, 包到成枱都係雲吞,

真係覺得好樣衰呢...

而且吊鐘隔離腫左之餘, 仲生左粒野,

之前以為300幾蚊既黃綠醫生已剪穿左, 點知STILL係度, 妖佢丫,

收左貓奴300幾, 究竟做左D咩,

好嬲, 早知去中環睇一位名醫,

呢位應該好勁, 貓奴家姐公司個個都睇, 連坐貓奴後面既同事都係睇呢個名醫,

而且人地都係200幾, 仲會等你睇完之後, 第二日會打俾你問你既病情

簡直係仁心仁術, 最衰之前o徒左300幾, 都唔知去唔去睇呢個中環名醫好.....

不過而家要悭家D, 如果唔係月尾就死直....

琴日食LUNCH時有串燒食,

放到入咀就快吞既時候,

好似有D吉吉地,

不過之後都好似無咩野,

到今朝起身就死了, 因開始喉嚨痛,

跟住去窗口邊借D太陽光睇下,

再加入數隻手指"LIU"下,

差D搞到嘔~~~

見到喉嚨裡面左手面腫左一舊,

仲有一粒白色既野,

相信係含左膿,

不過想睇醫生都唔係易事,

星期六好多醫生都放晒工.....

所以唯有觀察住先啦,

星期一亞姐又放假,

貓奴都無咩機會去睇醫生呢..

唉.....

好想射波呢, 好攰哦..

之前去台灣同欣怡影左D相呢,

睇完D相, 好建議佢買一部防手震既相機..

出完團之後,

好多野都記唔起,

連最好既朋友仔生日都差D唔記得左,

好在今日再約佢食飯佢都OK,

好在佢未俾人MARK左咋...

想起生日, 今個月都有3位人兄生日,

大出血,

好在有出團,

不過貓奴都要好好控制一下支出,

希望買到一份啱人地心水既禮物,

最怕買左人地又唔鐘意,

所以而家都好怕人地在貓奴面前拆禮物,

因好多人都隱藏唔到唔鐘意既表情,

而且貓奴既內心係好碎弱架咋....呵呵