| Queenie's profile涼QQ & 小柑柑的世界~~PhotosBlogLists |  Tools  Help |
|
August 31 超級特等無陰公至尊豪華團TTA新低...智慧型團友患上荷包強烈乾硬化只做出六蚊, shit~今團, 真係好慘淡, 好少帶TTA係兩巴都無...
得六蚊...
分得二千蚊台幣...
仲要係唔夠數, 小曹俾多我...
好在有個客佢好好, 俾左三千台幣TIPS俾我...
不過我都洗得七七八八,
又買書又買衫, 又買野食,
出台灣真係可以用光光D錢架...
都係返大陸果D好,
一蚊都唔會洗...
返到屋企, 先發覺個喼個轆個位係爛左,
唉, 唯有下次出團先去CLAIM啦...
希望下次可以成功換一個新啦,
個喼有好多寄倉既貼貼,
就好似我出團既戰績,
無左都有D傷心,
不過個轆又就快甩了,
一定要下次搵AIRLINES整架...
陪左我四年多, 個喼終於頂唔住了,
鬼咩次次去台灣都塞爆佢先返來~
返來又又又再撞瘀隻腳了,
成日都撞瘀晒返來,
仲要返到公司又又再撞到D櫃, SAME PLACE...SHIT
痛到丫,
黑仔~~
又搵唔到錢, 又撞到瘀Q晒, SHIT~
返到香港果時, 收到MSG,
公公走左...
好似無咩感覺,
因為出團前已入左醫院了,
好似估到佢都係時候離開了,
因為都年紀大了,
我同公公講野好少,
以前都係過時過節先會見到面,
真係無咩感情可言...
所以今次白事, 自己都唔太想參加,
因為自己無咩感覺, 你要我喊都喊唔出,
老人家老了去了, 都係好自然既事,
如果話我不孝, 我是吧...
對生生死死都睇得好開...
要去既, 留都留唔住...
  August 23 又出團了~頭先打左一大篇BLOG, 點知SAVE唔到, 而家從頭來過SHIT~
出團前都好忙呢,
忙公司既野, 忙私人既野,
星期五同左青, 小粉同雯雯食DINNER
@朗豪坊既SUZUKI,
野食都幾好味哦,
小粉佢就快做新娘子了, 發晒光咁, 勁幸福呢,
雯雯佢就蜜運中, 對象好似唔錯哦,
而且佢健康好左, 面色都好左,
小青就有米米同CALVIN,
大家都好幸福, 埋晒岸呢,
唉, 唔知幾時我又可以好似佢地咁發晒光呢?
星期五出左去食飯,
咁星期六就返公司執料囉,
因為出團D野, 咩都未整, 連FORM都未填,
早早派名都無時間去整, SO BAD~
由十一點返到去, 出左去食LUNCH,
最尾要六點先走得,
跟住去左剪髮,
今次唔知係唔係剪太多呢,
搞到有D堯, 我鐘意直直直直呢,
唔知又要留幾耐先可以直得返了, 嗚~~~~
明天又出團了,
希望可以順順利利,
幫小曹搵多D奶粉錢, 幫自己搵多D找咭數錢....YEAH~ 
August 20 偶像~~琴日大哥哥上左嚟,
因為佢之前去台灣打風返唔到來...
有D DELAY信打錯左,
CI既地勤真係低低地, 人地零晨三點LANDING, 可以寫左下午三點,
就係因為咁, 大哥哥走埋來問我,
我亞姐又搭咀, 係咁想趕走人地咁,
係咁要人地去ADMIN同第二度問,
又話人地錯左點解唔搞好先出機場,
又話而家無辦法幫佢,
根本人地都無問佢, 佢係咁搭咀,
搞到大哥哥都好嬲,
就話:"你收聲啦, 你夠啦, 你平時都黑口黑面架啦"之類,
因為我同ADMIN講緊,
搞到我都聽得唔係好清楚,
之後亞姐都有叫佢:吳天佑你都收聲呀,
仲要打去HR投訴, 唔夠人勁, 就打去HR, CHEAP DOG~~ 大哥哥吵緊時, 講佢唔會再帶我地既團...
唉, 即係佢都唔做啦, 之後都唔知有無機會見面了...嗚...
咁鬧鬧下, 長線既八卦佬過來調停,
咁我見靜左就帶大哥哥去ADMIN搞,
搞完再返位做野,
做完野, 亞姐就叉我, 話我出團出晒四個WORKING DAYS,
又話我自己Q左唔同佢講之類,
咁我出團緊係想出團好既, 多人D, 搵得一百得一百啦,
我又唔係衰到係想留返晒D野俾佢做,
係真係前後既團都麻麻地...
佢係咁好似好偉大咁話如果我出24號既, 就自己執生,
車, 有咩要你擔心,
你擔心下你自己啦,
眼又盲, 耳又聾,
連一個做左咁多年既F/L都頂你唔順...
好心就自我檢討下啦,
有朋友仔話, 佢係俾人鬧完之後,
無處發洩, 就搵我出氣,
真係好八婆呢,
我Q出團紙, 都有寫24號既,
唔係無通知佢而出呢團,
佢咁PK, 我跟著佢都覺得好辛苦,
好在九, 十, 十一月都NOPAY,
可以少D見到佢,
最好佢唔好成日都返工,
放多D假, 我真係唔想見到佢呢,
呢份工, 好就好在同事好, 朋友會多D, 又可以出下團,
如果唔係, 應該一早就走左,
有D野, 我而家覺得我越來越唔值得去等,
虛名既野, 我唔應該太強求...
近來真係對住無水洗面既佢好辛苦,
成日都有D好想喊既衝動, 係自己衰,
無好好把握自己有既機會,
而家, 下個機會又係幾時會來呢? August 12 再戰棉花冰~今日收左工又再最愛的朋友BEAR食DINNER,
一出到去, 先先食左棉花冰先,
因為BEAR話怕會好多人等,
今次係食CB既糖百府,
我食朱力味, 佢食綠茶味,
都幾好味既, 比尖咀果間平D同好味D,
之後就行下MUJI同UNIQLO,
再去食CALIFORNIA PIZZA KITCHEN,
又係食果D野, 食左沙律同PIZZA,
多謝BEAR聽我訴苦,
希望你快D考到T/L牌,
我地一齊出團丫, 呵呵~    August 09 短棍古兜兩天團 08 AUG 2009又再出短棍了,
呢團都幾勁...
勁在我派左名之後收客勁...
最初開團12隻...
星期四派米班主打俾我時14隻,
隔左一陣, 18隻...
放工前 24隻...
星期五開工無耐 31隻,
食完LUNCH, 42隻...
平時出飛機, 係落左名都唔會點再收到既...今次真係有D奇蹟
D NUMBER可以用來買六合彩呢...
收到咁盡,
就打俾ABBY...
因為我都覺得咁大團,
係唔係真係可以俾我呢...
佢都回覆要睇下先...
最後FINAL都係我既, THANKS GOD~搵錢去也...
今次既T/G叫金鐘, Admiralty
OH, 就係大家總行同事開工既地點, SO FUNNY...
大家都有好多搞笑既話題...
好啱咀形呢...
係一位有胸肌到連佢老婆都話佢大, 佢個女都會叫"食奶奶"既T/G....
人屎都好好, 好HELPFUL,
BUT好多我既野佢都做埋, 我怕D客片我....
事源今團我無編車位,
就係咁, 大PARTY既團友就話我好懶,
唔編佢12個一定坐散既...
不停話我懶, 又話之前D T/L都會編,
唔明點解我咁懶,
我沈默是金, 無想話短棍都會俾客話...
我行前去上車先睇佢地點坐, 一個個PARTY上來, 一個個PARTY坐...
無事, 你12位PK都可以一齊坐啦...
我頭手咪再問最重要既車位大家有無問題,
緊係無問題啦, 你班大PARTY PK都坐埋一齊啦,
其他客都唔會似你地咁ER,
不過好怪, 今日發覺有個5人PARTY坐開左, 都唔講, 有D怪...
今團有好多人都係跟開我地公司去短棍玩,
有D都會跟下飛機,
不過唔會因為成日都去短棍而習慣成日入站既模式囉,
次次入站完左之後都怨又買野...煩....
不過有D客人都幾好, 有講有笑,
FINALY夾大左130蚊...估唔到短棍都夾大呢,
係T/G同司機既辛苦錢, 緊係俾晒佢地啦,
希望金鐘同師傅都工作順利, 團團賺大錢~
 August 05 雪花冰~~一下子就打左幾篇BLOG,
因為呢幾日都好忙,
又掛住ONLINE睇戲,
都無心機去打BLOG,
想襯而家記得就打左先,
發覺而家越大, 記性真係越差呢...
今日打八號波,
不過阿哥叫我出去食DINNER,
我都捨命陪君子,
呵呵, 反正我都無飯食...
去左尖咀食中菜,
之後就去左我好想食好耐既雪花冰/棉花冰,
五個人(哥, 嫂, 猩猩, KA YEE, 我),
叫左兩款食, 一款朱古力, 一款係綠茶...
味道一般啦, 有D失望,
以為同台灣既味道差唔多,
點知差太遠了, 真係好掛住台灣既三兄妹冰冰呢~~
都係小曹好介紹呢...呵呵~~
猩猩同亞哥話人地糖水店好搵,
點知唔知點解, 亞哥叫猩猩開間涼茶鋪,
涼茶仲要有香蕉味, 晒乾D蕉皮去煲,
勁搞笑,
今日猩猩戰鬥力好似比較弱,
平時一定係阿哥俾佢串,
今日風水輪流轉,
好奇怪呢, 不過又好好笑,
好開心既一晚飯,
抵我等到八點先走人既...
呵呵呵~~
期待星期五阿哥生日飯局~~
  消耗品=護膚品?近來好多搽面既野都用完,
一下子都要買好幾樣野,
唔通真係塊面大D, 所以D護膚品都用得快D?
見到自己條咭數, 真係打個冷冷既尿震...
搞到自己都唔敢再帶信用咭出街,
就係咁出事啦,
上星期六, 放左工約左人,
行下PP買左SOFINA既防晒...用EPS...
之後行去買洗面, 點知張咭用唔到...
搞到要俾CASH...明明攞來食晚飯架麻...
都算, 等陣再按啦,
點知晏D去買洗頭水, 又再用唔到,
唉, 張咭真係死左了,
毫無先兆既底下死左,
WHY WHY WHY,
搞到食飯錢都唔到,
唉, 仲因為咁, 令我覺得有D野好灰,
唉...唔係無錢用灰...係...唉唉唉...
不過今個星期六再Q短棍,
希望搵D錢啦, 快D找晒D咭數,
咁再儲錢去玩丫,
死啦, 咁還完又去玩,
會唔會一蚊都儲唔到...
真係好想三十歲前有自己的家...
不過無休息地去出團, 令人真係好攰...
攰到我成日都瞓左係廳,
最離譜係, 一瞓瞓到六點幾, 沖完涼死去返工...
TOO BAD~~~
又要洗錢, 又要搵錢, 又要去玩, 又要想有家...
人真係貪念太多了, 無窮無盡...
P.S同事帶左狗狗返工, 好可愛呢...
八仙果供應商~~前一排,
打俾我最愛既T/G,
想搭佢買八仙果,
成日想買野都叫佢幫手,
無一次肯收錢...
我都唔係想佔佢便宜架....
BUT佢太好人了, 而且一定會幫我...
當我係朋友一樣...
我話要八仙果, 就SEND左十包俾我,
都無講要幾多包, 一下就十包, 多謝你哦~~
THANKS SO MUCH,
你是一位來貨充足的八仙果供應商朋友仔...
好開心呢...
如果我唔做, 你會唔會再供應俾我呀???
D出街亞姐身嬌肉貴, 再戰八吋長壽司 of KA YEE B'DAY 28 JUN 09又又又又再食八吋長壽司了,
因為一早約左壽星女,
所以好好彩可以在生日前一日同佢慶祝...
今次再去食壽司,
雖然對我來講係密左d,
不過真係好味道, 唔介意食密d 呵呵呵~~ 
影漏左個牛舌呢...香香既黑椒味架...
佐敦站既壁畫, 好美....不過影唔到好效果...
壽星女的cake, 好味的朱力味, i like it~~ |
|
|
