| Queenie's profile涼QQ & 小柑柑的世界~~PhotosBlogLists |  Tools  Help |
|
August 23 第九次去台灣了~~琴日終於派左名,
28號又去台灣了,
雖然成日都去會好悶,
不過今次係有目的既,
因為今次已暗地同左中符講,
想搵小曹帶我呢團,
而中符都答應左, 如果OK都會俾小曹我,
我當時心想,
唔係OK哦, 係要一定俾我哦,
我又唔係成日都落來,
你就俾次好野我啦, 中符,
今次出團, 想緊要唔要買D月餅過去,
問左台灣小妹, 原來傳統既月餅佢地都有,
反而潮州既月餅就無,
我想起什麼和記隆既潮州芋泥月餅好好食架,
咁我應承左台灣小妹買一個俾佢食,
因為之前買左D日本和果子俾佢地食,
中符唔知係唔係攞左返屋企食,
無攞俾台灣小妹食,
今次拍小曹, 就可以叫佢攞返公司,
雖然台灣小妹有時唔夠醒,
不過佢都好夠幫忙的,
感情方面唔及欣怡,
不過佢都係我既PARTNER,
我覺得點都要買D野食俾佢,
無理由次次麻煩完人地,
人地都係白幫我,
係唔係先,
好麻煩,
每次出團都覺得好緊張,
真係出團前侯群,
每次都痾痾地,
希望今次可以順利D,
有邊個可以教我講好D個尾咪呢,
聽到小LING完團時有讚信,
真係好羨慕哦,
唔知我幾時先有呢,
呵呵~~
期待ing~~~ August 20 我的頭髮~~星期六屎忽痕去左剪頭髮,
點知就出事了,
剪得太短了,
而家好似有D怪,
又翹喎,
搞到有D唔開心囉,
唉,
點解個個髮型師都鐘意剪到人地好短呢?
你剪到我咁短,
咪有排都做唔到我生意囉,
定係你根本唔想做我生意哦?
唉, 搞到都唔知點,
本來想剪靚個頭出團架麻,
而家個頭唔知點咁
而家好低落, 好低落~~
August 15 他媽哥池~~近來迷上左他媽哥池,
因為NDS有個他媽哥池商店既遊戲,
有D似人地玩煮飯仔咁, 呵呵
我覺得都幾好玩,
而且之前已打爆左佢既第二個版本,
而家玩佢番轉頭玩第一個版本,
都OK既,
不過有人話好無聊,
我就覺得佢又會有同我既對話,
雖然來來去去都係果幾句,
不過我就覺得好有人性, 呵呵
好似真係有人同你做PARTNER做生意咁,
而且小朋友時代都流行過他媽哥池既,
不過果時一部機炒到成幾百蚊一個, 有D什麼限量版仲要成千蚊,
所以老豆當時就買左個養恐龍既機俾我同家姐養,
都成舊幾水,
不過呢D野, 過左個潮流, 又咪放晒係度無玩到,
好在無用成千蚊買果D日版咋, 呵呵,
不過而家有呢個GAME玩仲好過玩舊時果D丫,
起碼係彩色先丫,
簡直係你我的童年回憶~~ August 11 帕布急轉彎~~帕布,
唔知點解又會番轉頭既,
仲要係急轉彎,
之後又唔係登陸喎,
搞到好快地掛左8號,
之後又好快地落波,
本來3點度就走得,
不過我都搞到3點半先走,
走左落街先後悔,
因為真係好死春多人,
咁我決定返公司再坐下囉,
不過見到星巴克就走左入去買左杯野飲,
最愛既朱古力咖啡, 呵呵
仲要什麼八號風球免費UPGRADE,
呵呵, 買大變左特, 真係好抵,
返左公司就打俾最愛既導遊, 小曹,
麻煩左佢幫我搞D野之後,
佢問我幾時去台灣,
本來我Q左去SEL架,
見佢咁問我, 真係好想去台灣會一會佢呢,
今次, 又去台灣好唔好呢???
之後今日出出門口,
見到屋企樓下公園棵樹都連跟拔起, 都真係好大風
跟住巴士站D站牌都吹到跌低晒,
亞媽琴日只係望左窗邊既盆栽講左句, 無跌落街丫, 就算,
我心想, 咁大風, 好在無跌咋~~
August 07 哈利波波~~今日終於可以去睇哈利波波了,
星期六睇完佢既上一集既重播之後,
D波波懚又再返來了,
威迫之下, 終於叫到家姐同我去睇了,
既然人地同我去睇,
我都唔好意思收返佢錢啦, 呵呵
算啦, 星期二睇都平左,
不過原來而家上網買飛要收六蚊一張,
食水好深哦,
之前睇變形金剛, 都好好睇,
有架車叫大黃蜂,
我記錯左人地叫做小黃蜂,
仲記錯埋英文名, 改左人地個名叫HONEY BEE,
俾CANDY仔話我改到人地個名似咸書名,
咁順理成張, 我幫佢改埋中文咸書名啦,
興之所致,
HONEY BEE = 甜蜜的何B/甜心, 大何B,
真係好勁,
我好有創作天份哦, 呵呵
好想將佢出書,
以何B第一身去睇呢個世界,
想起都想笑,
而M同事已答應我佢會負責畫畫,
而我負責去度橋,
有錢齊齊搵, 呵呵~~
August 06 轉角遇到愛~~琴日同家姐一齊追緊一套台劇,
叫做轉角遇到愛,
係大S同小豬做既,
劇情都係老掉牙既劇情啦,
都係有錢女落難,
然後遇到窮既仔就一齊左,
不過大S既皮膚真係好正斗,
又瘦喎,
佢好似拍親戲都扮一D好硬頸, 好堅強女仔,
對人歡笑, 背人垂淚咁,
我估係男人見到佢喊,
都會咩都軟晒,
近來大家都追緊好多劇,
又14歲老母, 又歲月風雲,
不過睇來睇去,
我都係覺得韓劇好睇D, 呵呵~~
唔打了, 又係咁"姪下姪下"了~~唉~~ August 01 3年了~~今日已經係在HT呢度既第3個年頭了,
3年既青春,
3年既汗水,
3年既憤怒,
3年既回憶,
3年......
女人有幾多個3年?
喺呢度,
最大既得著係識到一D好同事,
仲有係可以搭飛機又可以搵下錢,
有人話過我好假,
做人有時就係要因時制宜,
如果唔係根本生存唔到,
有無喺我既角度睇下我點解要假丫,
我只係想生活得開心D,
唔通你唔想我開心嗎?
我覺得只要我唔係對你假就可以了,
有時有人覺得好多人都信唔過,
咁你自己本身係唔係都係一個令人信得過既人呢?
好多疑問...
近來做左魚檔老板, 成日都搭咀,
不過可能搭得太多了,
有人好似唔開心,
見到一句"多言者得罪, 不言者不罪",
令我好有同感,
突時覺得, 唔講野都係一個令人覺得開心既方法~~ |
|
|
