終於完左四天既行程,

今次真係比上次好好多,

起碼貓奴緊張既時間少左好多,

因好多行程貓奴都已去過了,

只係貓奴記唔到車程要幾耐,

D客人一問貓奴就口啞啞,

而且今次係CHEAP團, 無咩行程,

個心已READY好唔係搵好多,

不過可能就係有左心理準備,

所以一搵到就好開心,

而且仲勁過上次果團豪華團,

所以呢團過後, 貓奴體會到一句

命裡有時終需有, 命裡無時莫強求...

不過今次因多左D負擔,

搞到買唔到各同事愛食既鴨舌回來,

真係覺得好對唔住大家,

真係好內疚呢,

不過聽聞同事們去台灣都要有負擔,

貓奴真係覺得好辛苦,

返到去要貼上"殺"隆巴司先可以止痛,

都有好耐未搬過野啦,

感覺好受罪,

本來今次再拍呢個T/G都OK,

團友又好人,

又搵到食,

點知個ENDING係咁,

成就唔到一團完美既台灣團,

唯希望下次奇蹟再降臨貓奴身上...

晴天霹靂~~

前日都知道會出呢一團,

點知READY好印出來睇下D團友既料時,

發覺~~~

三個大男人一間房,

換言之係入錯左房...

咁就變左單左位男團友出來...

不過今早亞姐返來都拆掂左,

貓奴要出呢個全台灣最CHEAP既團...

去體驗一下三星級既生活...

好擔心, 好怕瞓既地方唔乾淨...

有D唔開心, 一年只有四次機會,

貓奴又用唔晒, 點解都會俾D咁差既團貓奴...

搞到貓奴都唔敢下次再出團,

因如果又係住三星,

咁就不如唔去算了...

而且CHEAP團都搵得唔多,

雖然貓奴主要目的係去探親,

不過有額外既BONUS當然係最好啦,

貓奴都係唔好想太多了, 專心一點,

希望今次做得比上次好,

希望團友個個都鐘意貓奴, 樂也融融...

琴日同IVE既舊同學聚會,

去左假日食自助餐,

去到先發覺貓奴係去過一次,

因之前做反嘔城時,

老細覺得我地D同事太辛苦,

就請我地食自助餐作慰勞,

不過當然唔係晚餐啦, 因太貴啦, 貓奴記得好似係宵夜自助餐~~

跟住呢, 在酒店工作既SUKI覺得貓奴好似有D唔開心,

原來貓奴係咁唔識隱藏自己既情緒,

咁佢用過來人既身份教左貓奴好多野,

貓奴真係獲益良多,

首先要令自己開心D,

去改變自己, 唔好想太多, 唔好想太灰,

只有自己係最錫自己既,

心結既野, 只有自己可以去解,

其他人都好難幫到手,

當自己開心左, 就做咩都順心好多,

仲教左貓奴好多野, 真係不能盡錄,

另外其他朋友仔, ANDY, RITA, 同L....(唔識串)

都俾左好多寶貴意見俾貓奴,

貓奴真係好開心架, 琴晚仲好似放低左D野,

所以今日瞓過龍, 好在有媽媽叫貓奴起身,

貓奴真係好期待下次既聚會,

有人關心自己既感覺真係好好,

咁耐無見, 大家都對貓奴咁好,

搞到貓奴琴日都有D想喊, 好在忍住,

近來都變得好眼淺呢, 呵呵~~真係無鬼用~~

好先走人, BEAR BEAR在CB等貓奴,

星期一再見了各位....

雖然啱啱星期一放左假,

但係而家又想放假了,

個人覺得好累,

想既並唔係只放一日,

而係換個新環境,

預計過左2006年就會實行,

因駁佢俾份dbl pay我地,

都唔係好貪心o者,

貓奴覺得辛苦左成年,

應該係應得既成果,

不過公司未必係咁想,

所以而家都係駁...駁...駁...

有就攞完先走,

無就即走,

因年尾應該就可以擺脫負資產,

貓奴覺得係自己既性格唔適合去做呢d工,

決策性工作太多,

超出左一個普通文員既範圍...

所以做得耐, 絕對係身心疲累,

枕食難安...

今日請教左日本部甜小姐,

原來貓奴一直鐘意既狗哩熊既真名叫...

鬆弛熊...

初初以為叫RELEX熊, 點知原來叫....

好怪既名,

不過貓奴鐘意,

就好似貓奴個奴腩一樣,

一樣地鬆弛,

今日放完假回來, 工作都不多

之後食完午飯後, 亞姐話佢明天要放假,

UM....我放左假, 人地都可以放假, 當然...

BUT, 點解成日都係要放假之前, 唔夠24小時通知我呢,

次次都係咁

而D高層又唔會話佢,

真係有D奇....

呢D就係某D人既特權,

就算係開會果日要放假都OK,

只要你得寵,

我真係好想去一個自己鐘意既地方工作,

我知度度都有不公司既待遇,

不過我都想係一個自己鐘意既地方有不公平待遇,

起碼自己係心甘命抵,

而後日就係小P既LAST DAY,

真係好唔捨得,

明晚我地會為佢歡送, 希望大家都能盡興..

琴日睇報紙, 見到有隻好可憐既貓咪,

無啦啦火燭, 而佢又俾人困左喺鐵籠,

差DD就燒死,

皆因係公司既報紙, 貓奴又唔可以剪落來,

就唯有叫背後既女人TIFFANY幫貓奴用佢既CYBER SHOT手機影低佢,

果然係成4千蚊既手機, 影出來既效果真係唔錯,

之後貓奴再用小畫家改下張剪報,

用左來用MSN既相, 貓奴覺得自己既小畫家功力好深厚呢,

不過都有TIFFANY既幫忙先會整到咁正斗,

話說前幾日夾爆左個耳塞,

貓奴忍左好耐(應該唔夠兩日),

就忍唔住走左去公司附近買左對耳塞,

佢個PACKING好差, 好似係流野,

不過貓奴都就快山窮水盡,

SO, 係流野都頂住先啦, 而且係白色既, 都好襯個IPOD丫,

有總好過無,

好耐都未影過相了, 點知一影, 就係影D耳塞既屍體~~嗚....

 

等左好多個星期, 貓奴終於可以放假了,

星期一貓奴將會放假,

um...貓奴想過一個充實既假期,

希望唔係瞓同瞓同瞓啦,

希望係去行街, 做運動, 執下屋啦,

希望出完團會搞定d咭數,

咁貓奴就可以買個電腦,

呵呵,

咁就可以升級做IT版貓奴, YEAH,

如果有電腦, 好想自己砌一個網頁,

以前學左都無機會用呢...

想起讀書, 今日係會考放榜,

想起第一次, 都估到自己一定升唔到,

SO, 就走左去REPEAT,

第二年, 太搏, 發住燒去考,

不過無病都應該考唔好架啦, 都係衰左,

最後都係入左IVE,

IVE都無咩野學, 之後讀IVE既夜校先至係學到野,

如果有朋友係升唔到既,

我都係覺得讀IVE好過明愛果D,

起碼師資係比出面好D,

教D野係好D, 而且讀完H.D, 又有可能升大學,

見到班學生放榜, 搞到貓奴都想再讀書,

讀書, 一定要襯後生, 記性仲好既時候去讀,

SO, 總之想做咩都好, 就要睇下今次出團既成績如何,

必勝~~~

剛剛貓奴出去食飯,

食飯前緊要從荷包攞錢,

點知...天有不測之風雲,

又係咁, 貓奴又俾個櫃夾爆左個耳塞,

之前正牌既ipod原裝耳塞夾爆左, 我又唔捨得買個新既,

死搵爛搵, 搵到個恆x銀行既贈品,

透明既耳塞, 都幾襯我個ipod丫,

點知都係俾我夾爆左,

我真係以為唔會有第二次架啦,

點知d黑仔光波都係"痴"住我,

真係好傷心,

成個人都down晒了,

down晒.......

灰晒,

唔通真係連個天都唔鐘意我,

負面既情緒籠罩住貓奴....

近來真係好攰,

成日都想瞓, 上車就瞓,

返到屋企睇睇下電視又瞓,

不過晚晚無一點都唔瞓,

星期日就瞓到5-6點都唔起身,

係晏奏既5 . 6 點,

天昏地暗, 日月無光,

可能貓奴真係要好好請一日假, 好好叉電,

計劃係下星期一放假,

皆因星期六OFF,

咁就可以制做一個LONG WEEDEND,

WEEDEND到WEEDHEAD, YEAH

真係會好爽, 不過唔知會唔會俾貓奴放呢,

上次放假之後, 回來就俾亞姐為左D濕碎野罵,

仲要係狗血淋頭果隻,

所以貓奴都有D放假恐懼症,

貓奴發現, 如果有D野係貓奴放假期間, 佢係搞唔掂既,

到貓奴返來時一定插死我,

SO, 大家應該我放假好, 定係繼續捱到出團好??

如無意外,

貓奴仲有唔夠20日就會出團,

真係越來越緊張,

見到打風令到好多團都受影響,

貓奴真係擔心出團既時候都受影響,

而家都仲算係雨季, 真係好擔心呢,

打完風都一日了,

今日走既團都仲有影響,

呢個風真係好勁,

聽同事講, 呢個風既勁度係可以掛八號風球既,

但係唔知點解天文台唔掛,

係唔係唔想自打咀巴, 所以死撐,

因之前佢地係好肯定唔會掛八號波既,

不過算啦, 都過左去了,

為左打風, 貓奴同亞姐都差D開片,

因為佢做咩都要跟住其他部門,

自己明明叫我做好晒, 跟住因為人地部門同自己想既野唔同少少,

又要貓奴再重頭整過,

我都唔明, 自己對自己做既野都無信心,

咁點睇一個部門呢??

唉, MSN個SPACE又換左新衫,

都唔靚既,

貓奴既青蔥竹林, 變左地獄竹林,

黑成咁, 趕走晒D柑球粉絲,

咁貓奴就想緊, 不如換左個主題背景啦,

點知, "簡"極都"簡"唔到心頭好,

唔係太花巧, 就係D顏色古古怪怪,

貓奴不嬲都好專一既,

如果唔係就會去YAHOO開個BLOG,

呢個SPACE都伴左貓奴年多,

貓奴真係唔想放棄,

貓奴而家真係見識到咩叫新不如舊,

不嬲MSN MESSENGER都會有新既VERSION,

貓奴會次次都UPDAT, 點知有一次搞到部電腦中左毒,

仲要係大大劑, 一上網就係咁彈D限制級既WEBSITE出來,

嚇死人囉,

跟住要I.T部既同事幫我整過成部機,

SO, 新既未必好,

而家貓奴見到個SPACE就好頭痕,

究竟換咩背景好呢？？？唉．．．

估唔到可以喺呢間公司做到咁耐,

初初貓奴估自己過唔到試用期既..

點知就做到今時今日,

呢份工有好多既第一次,

第一次做得最耐既工,

第一次既全職工,

第一次用打字機,

第一次玩MSN,

第一次出國,

第一次搭飛機,

第一次帶團,

第一次有份工有咁多好朋友,

第一次有同事幫我慶祝生日,

第一次收同事送既生日禮物,

第一次可以做到喊...

其實呢份工有苦有樂,

好多野都好難忘,

真係唔知自己會唔會有第三年,

貓奴唔似某D人, 可以在工作上事事順心,

不過呢份工總有值得留戀既地方,

所以貓奴先會留到今時今日,

有幸做大家既同事, 係貓奴既小小福氣...

 

P.S.琴日去左動漫展,

      撞到好多人, 都未試過去一個SHOW可以撞到識既人

      撞到人士包括:IT部既BRUCE, 酒店部既ANTHONY

                               舊同事加舊同學脫髮傑, 仲有舊同事尖米

      而貓奴既戰利品係一個SONY貓既証件套....