本來想一返來就打今次第一次帶短棍既感想架,

不過真係攰到PK...

明明八點多返到屋企,

點知睇睇下電視又在廳瞓著左,

再起身已經係凌晨四點半, SHIT,

沖完涼, 瞓左粒零鐘又返工....好攰呢...

今次短棍我既T/G係叫鮑鮑,

都好好笑既T/G,

全程大家都成日講笑,

可能係只得兩日啦,

大家都好輕鬆,

而T/G佢又唔多在意入站搵幾多既,

所以大家都係零壓力帶團...

佢又對我唔錯架,

仲有跟車學師既海寧,

佢既廣東話唔係好好,

而且又唔太有自信心, 你要加油,

希望你學滿師, 之後我地可以拍團哦~~~

今次帶團最麻煩就係雞...

就係OPTION泥燴雞,

因為雞, 係先送去我房,

再等D客浸完溫泉再去我度攞,

最快攞雞既係同我夾房既客, 10:30...

之後我等到11:20多...忍唔住去左沖涼...

一沖就大檸樂,

第二個PARTY既客按我門鐘...再打我房...我沖緊行唔切去聽,

再按我門鐘, 今次我估佢一定再打我電話,

一聽, 我就唔好意思啦, BUT, 呢個客, 一聽到我房有關門聲, (因為同房既客返房)

就即再按門鐘攞雞,

係唔係真係咁急呢,

算啦, 搞定左...仲有一隻雞係另外一對女仔未攞,

等到12:30都未見人, 就去瞓了,

點知點幾鐘, 電話響, PK客打來攞雞..

雖然T/L係24HR ONCALL, 但係我都係人丫,

我都要休息架,

第二日問佢點解咁晏, 就係因為溫泉加左個親親魚池(有魚食腳死皮既池)

所以就玩到咁夜,

我心想, 你兩條PK去左換皮咩,

我仲暗串佢, 慳左錢啦, 而家好HIT換腳皮果D用品都要兩舊水,

你地玩左成晚, 慳左唔少啦...

唉, 麻煩既客, 仲要去到邊都係咁影相...

正職係做攝影師既咩, 咩屎都影一餐,

不過呢團既團友購買能力都好強...

兩日入五站都站站買...

唔駛錢咁...

好在T/G搵到錢啦, 所以我食佢隻泥燴雞都無一點點既內疚...

呵呵,

OVERALL, 行程順利, 客人好, T/G好, 多得C+既幫忙...

希望下次有機會再帶短棍啦...

次次出團都撞瘀既, 今次都唔例外...

真係唔知撞左去邊, 又無幫客搬行李...應該係話無行李...SO SHIT~

今晚同左BEAR去左食日本野....

今次就約左喺佐敦等,

咁佢公司就喺附近,

咁應該我到左就CALL佢,

點知, 七點半唔夠到左....

勁打俾佢都係飛去留言...

等左半個鐘有多, 打左咁耐都係留言,

終於佢打俾我,

原來佢根本都唔知佢手機無電,

仲以為我未到,

激死左...

仲要話等陣佢無電用手機聽歌,

真係當堂吹漲左...

雖然之前我成日都遲到,

BUT, 都唔係搵唔到丫,

不過佢原來去左亞頭度,

所以打唔到俾我...

SO BAD, 好黑仔,

今次我地食間叫金田長壽司,

D壽司有八吋長架,

好好味, 下次一定要再食過,

LL整既狗哩熊COOKIES, 好可愛呢, 而家都未捨得食...


HENRYさん 喺日本北海道帶返來既白色粟米, 生食的, 好感動, HANRYさん發現有好野食都會買俾大家食~~

九號波既星期日凌晨, 都未瞓, 見到個九號波LOGO, 忍唔住影低左, 勁無聊...

呢份工, 每隔一段時間都會令我好唔開心,

令人覺得好沮喪,

可能我應該一早聽人講,

快D搵工快D走...

係自己懶, 係自己無用,

係自己無讀好書,

係自己太軟弱,

係自己太無能,

今早因為要請教一位別人既好上司,

所以行左埋去,

一行埋去, 自己都不受控地去指責果個人,

都唔理其他人係唔係聽到,

講講下,

人家的上司話, 要合作合作....

我點去同佢合作,

做左快五年了,

我真係搵唔到一個好既方法去合作,

我EXPECT我既上司係一個有領導能力既,

至少, 做野一定要比我好,

因為佢係我既上司,

而唔係成日都要俾屎我踩,

同唔知幾時會背後篤我屈我....

我都承認自己都有做錯野, 都會唔細心,

但我既理念係,

無理由由一個細既去糾正上司既...

個人谷到上頂, 因為近來出錯既比率真係高左好多,

仲要有人撐腰, 真係覺得呢個世界好黑暗....

同呢位我鐘愛既人家上司講講下,

我哭了...

好無用...

在FB睇到位舊同事打既日誌問幾時哭過來...

心想, 大個女了, 而家都好少哭...點都會忍住...

BUT當有人肯聽我訴苦,

就流下來了...

唉...

真係無用...

我真係好想收埋唔開心既野,

同人家食飯時唔好再攞D唔開心既野出來講而令其他人都唔開心,

好想人地開心,

人地開心我都會好開心...

希望人地見到我都會開心都會喜歡同我做朋友...

但係呢度, 我好似唔多搵到真正既快樂去KEEP住我既開心...

無錯, 好多人都好錫我, 好多真心既好朋友,

BUT真係唯一既錯, 就係跟佢...

令我五年來都會過得唔開心...

第一份工係做I.T倉既PARTTIME, 有好多師奶, 個個都好錫我, BUT錢唔多...

第二份工係做MUJI, 同齡既人好多, BUT過左旺季, 竟然炒晒我地班PARTTIME

第三份工係做TOYRUS, 無咩人重視自己, 都有D唔開心, BUT半工讀, 無辦法,

第四份工係做SANRIO, 主管好錫我, 俾我自己做好多野...好開心既一個月...

第五份工係大家樂, 五日, 已俾個老處搞到我走左...極難頂...

第六份, 就係HT...五年...最長既一份工...都係令自己情緒最差既一份工...

成日都發炆...不過而家學識左去收口, 唔去駁咀...BUT係唔係真係自己想要既野?

我真係唔細了...快廿六...我真係好想搵到一份自己想做既工...

唔想再遇到令自己痛苦唔開心既人...

我真係想大個女唔好為左工作而喊...

係度識左HT既T/L同內部同事, 中華既霞姐, LAND小妤, 中符, 小曹, 豪仔,

真係好開心...

死啦, 好似打到想走咁...

車, 走得郁咩?

不過我會努力架,

好想將唔開心既野打出來,

唔理會唔會有爽蝦睇到...

我要發洩一下,

我先可以KEEP GOING UNTIL...

真係好想知有D人做錯左野,

會唔會去認真去反省下,

我都明無人係會無做錯野,

小錯大錯個個都會錯,

最緊要緊係唔好搵N咁多個藉口去擋囉,

咩都賴呢樣賴果樣,

一D就快三張既係咁,

四張幾係咁,

廿幾歲出頭果D都係咁,

自己做又唔敢認丫,

咩都賴,

又唔見你去性賴?

好多人都好污糟,

最憎人係咁剪呢樣剪果樣,

屋企又唔剪丫,

咩都帶返公司,

係公司, 唔係你屋企,

就算係屋企, 除非你一個人住...

如果唔係...都要衛生D...

成日都有陣"UP"味,

又唔梳頭, 又露呢樣露果樣, 睇到都眼即瞎...

真係好憎呢D人,

我都忍左咁多年...

幾時先會完呢...

好煩...

有D人真係好難頂...

真係聽到佢把聲都想錬死佢...

如果殺人係可以無罪...

我估我殺左佢N次...

真係好燥,

好想自己一個人靜下...

好想自己一個人.......

第一次整whole cake呢,

因為青青要整俾honey生日食,

咁我又跟埋去整,

雖然我唔係有咩特別理由去整cake,

不過我覺得應該會幾好玩,

所以就跟埋去啦,

250蚊, 就包晒材料, 整一個一磅半既朱古力三重奏既蛋糕....

都幾抵丫,

我見整既過程, 用左勁多用具,

又唔駛自己洗,

亞sir又搞笑, 佢又會講你知要幾多份量,

所以整既過程都好易...

真係一d都唔難整呢,

不過見到有其他女仔整芒果蛋糕,

好似好難整咁, 兩個女仔整, 都係俾媽媽食,

佢地都好孝順呢,

整完之後,

最痛苦係拎返屋企,

因為我要飛van仔飛屋企,

話明係飛...就一定係勁掟彎,

真係勁驚整散個cake,

係咁保持佢唔好撞得咁緊要,

but最慘係勁眼瞓, 差唔多到屋企我竟然瞓著左,

好在個cake無事咋...

返到屋企, 個cake無事,

我就坐下抖下,

勁熱囉, 可能因為打風啦,

我坐係廳, 個風扇離我好遠...

坐坐下瞓著左, 勁出汗, 又無風,

濕晒, 成身臭晒,

好似就快中暑咁, 見天都黑左就忍唔住開冷氣...

因為d PK友係度, 都怕會話我嘥電費架,

不過真係熱D好唔舒服, 有D頭痛, 所以都開...

媽媽見到同食埋我個CAKE都話OK..

希望下次有機會再整啦~~

星巴克有新夏日野飲,

我覺得都唔錯丫,

好好味, 又有得儲印仔...(師奶病又發作)

睇報紙見到,

星巴克開左間特別既分店...好想去睇下呢...

半夜三更都未瞓,

就想打下SPACE,

點知一位舊同事+朋友仔既SPACE既野,

嚇左一跳,

不過, 都係時候了, 恭喜你,

你DELETE左, BUT SPACE都有D RECORD,

雖然唔係全篇, BUT重點都有RECORD...呵呵

RECORD如下:

各位有幸係度見到呢個msg既朋友, 小妹下年三月尾要變劉太太了我未有通知各位因為好似太早，還有八個多月呢不過既然預左請你地，所以事先張揚左先，等大家無藉口唔到！   收到帖既你地咪諗住唔出席，到時仲要早ｄ到添呀！事先張揚左喇，帖會照送到你地手上，唔到唔該自動入禮去我私己戶口喇   睇到呢個 space既人有限，..."

睇完真係嚇左一跳, 恭喜晒,

今年年尾至明年年頭都有好多人結婚呢,

真係幸福呢...

幾時先輪到我...呵呵呵...機會真係好"秒"茫呢~~

上星期5同candy, wing, teresa去左睇變形金剛,

勁好睇呢...

不過睇到一半亞wing既手機響起,

仲要講左一陣,

我好易就分左心了, miss左一小part,

跟住睇睇下, 又尿急急,

早知就唔飲咁多水啦,

搵到都集中唔到精神去睇呢,

不過呢套戲真係好好睇,

好強力推介大家入戲院睇呢~~

勁鐘意呢位男配角, 之前睇明珠台既劇集已覺佢勁靚仔呢...索...流鼻血呢, 呵呵~~

又出完團返來了...

今次出北京, 比想像中無咁攰,

以為出完今次會行到腳痛返來,

好在, 返來都無腳痛,

今次既導遊係李岳先生...

算係一位好好先生,

好錫後輩既, 都有教到我D野既,

每次拍到小曹以外既導遊都會學到其他帶團同做人既野...

T/G DAVID, 資料真係好夠,

比起上次果條PK八婆真係差好遠,

起碼DAVID會關心下D T/L丫,

客人真係好BUY呢位T/G,

BUT都有D客係勁PK,

去過好多次北京都要去,

去過都算, 唔好搞垮我地既生意丫...

真係未見過咁黑人憎既女人...

有客又因為個廁所門唔係拉得好順,

要求換房...

又話間房太細, 同PARTY既大D,

真係無野好講, 又俾佢換到, 真係搞野...

呢位T/G已四十歲了,

BUT佢既新婚太太係同我同年, 大我少少,

嘩, 相差十五年呢...

所以T/G都忍唔住問我有無男友,

我緊係無啦, 咁既質素,

BUT DAVID哥仲要問點解無...

DAVID...你老婆都係美女, 何解你會覺得你領隊我會有呢?

唔好因為我係OPS而奉承我吧...

今次既司傅係年輕既司傅...

人好好, 不過手車就辣左少少...

見我悶都會同我傾偈, 但我D國語真係有限公司,

所以都只係會答: "不是吧", "是嗎?", "對哦"之類...

聽係聽得明, BUT真係唔想攞自己果D國語出嚟獻醜呢~~

司傅好細心, 見我呆在車上會熱, 就教個風扇仔俾我涼...

其他T/G上車見到都話司傅有情趣...BUT點解係情趣呢???????

OVERALL, 今次拍既北京T/G同司傅都好好人,

又搵到少少錢,

真係幾開心, BUT唔知有無機會再見到佢地呢????

今次有客人回程時發燒, 出到境入唔到HK境,

令我好驚呢, 好在CHECK左一陣就放返出來,

客人又報左第二日即走既雲南八天, 好在退左燒照常出發,

GOOD, 其他團友都有打來問發燒既團友既情況,

除左一個肥臭八婆團友外, 其他團友都好好玩呢...

呢位八婆團友, 又叫其他人入站唔好買野,

又大大聲話"畢比特"

真係勁PK既客人, 希望佢下次報第二間, 唔好再害我地公司其他同事...

因為今次無問T/G借到錢,

所以忍唔住叫左我平生帶團既第一次ROOM SERVICE,

本來想食朱古力BOWNIE既, BUT賣晒,

變左ICE CREAM.....

仲食左雪櫃既朱古力添...

因為出面都無便利店同超市,

最重要係無人仔, 所以就唯有過得咁豪吧, 呵呵~~~~

 

P.S, 唔知點解返到香港發現自己D腳呀手呀都瘀左, 次次出團都撞瘀既, 搵既真係血汗錢呢....

去左按腳, 按完仲瘀D...SHIT