雯雯已離開左HT都有一個星期了,

我到而家先有時間去UPLOAD下D相...

因為真係好忙忙忙,

同埋又唔舒服喎,

亞姐又要搞佢個仔果D野,

又放左幾日假,

只係我無得可以休息...

佢叫我攞假...

咁多團, 我一放, 佢會唔會發癲呢?

因為我都做到發左癩...

又同亞哥吵左咀...

俾人話做野唔好細路女...

根本, 果單野, 連聽到我對話既GARY都話我係無態度問題...

唔明點解果條友要搞大佢,

又唔明點解好似要用我來借題發揮,

你地唔小心又唔係我錯,

好唔開心, 想起都唔開心,

咁就直情唔聽果D電話,

就可以令自己個心開心D...

我估, 你都想我開心既...所以唔好再煩我了...

到左某一日, 我地就可能好似以前咁...或者唔會都唔頂...

因為你信人地都唔信我...

總之, 雯雯離開左HT,

我都無日得閒....

唉..

好多野煩...

今日又傳紙出團了..

我依然想去台灣...

悶都係咁話, 因為快靚正囉...

其他地方都想去, 不過好掛住台灣呢...

不過都未過亞姐果關...

都係到時先算啦,

UP埋D相先...

琴日同左各東南亞同事去同雯雯FAREWELL,

有ROBERT, CARMEN, LINGLING, 青青, WINGWING, CATHERINE, 雯雯同我...

同LING佢地搭一架的士出去,

點知上左賊車囉,

因為司機兜路,

ROBERT果架的士都係八十蚊去到目的地,

我地就要$174...好搵苯囉...

我地成班去左九龍城食泰國野,

真係好好味喎

食完又唔會痾,

不過琴日LUNCH去左喜萬年中左招,

成晚都肚仔痛, 真係痛到面青喎...

我真係第一次覺得泰國野可以又平又好食...

八個人都係九百幾蚊...

食到好似飢荒咁樣, 呵呵, 好多野食呢...

跟住仲去食糖水,

我見佢地叫左個榴槤飄香,

我咁大個人都未食過榴槤,

咁咪試少少囉, 真係好少架...

臭到仆街, 搞到想嘔,

好多人都話好好食架?不過我真係覺得好難頂囉...

琴日如果大家都唔肚仔痛就一定更開心呢,

散既時候只得我同ROBERT係住香港島,

所以就一齊走, 佢帶我一齊去坐車...

都未試過同佢講咁多野架,

原來都可以好NICE...

今餐飯真係食得好開心呢...

希望有機會再食啦...

琴晚同雯雯, 朱朱, 飛比, 志哥, CANDY仔一齊去食飯...

去左一個好遠既地方,

不過環境真係一流,

野食都好味道哦...

不過就係廁所差少少哦...

係在中環去離島小輪既碼頭上面...

食D燒烤好左既野食,

味道真係幾唔錯,

我同飛比仲叫左杯叫SEXY ON THE BEACH既野飲...幾好味,

飲完仲大家叫左八支青啤,

泰國既啤酒...

佢地話味道麻麻,

不過呢支係我第一次飲成支既啤酒...雖然飲唔晒...

大家都好開心,

不過我覺得主角有時有D靜, 可能真係攰了...

食飯時都係成日都講果D話題...

雖然我都唔MIND...

不過無新話題了嗎?

有男人就一定要講呢D野...

雖然我真係都可以講呢D話題,

希望下次可以玩其他話題啦...

唔好再講第一次啦...........呵...

希望雯雯有新開始有新生活會更開心更健康...

柑仔真係好肥仔呢,

因為媽媽要抹地,

而我地又control唔到佢,

所以就先綁住佢在門口位,

佢又好乖, 係咁玩公仔,

自得其樂,

估唔到佢俾人綁住都玩餐飽,

佢唔跑定下來, 覺得佢肥左呢..又肥左...

好似隻豬咁,

佢既身型好大, 唔似普通貓種...

如果唔係三角形耳仔同長尾巴,

我估好易會俾人誤會係金毛尋回犬....

好難得捕捉到佢定格樣, 所以影左d相..

<----勁似外星人, 好好笑

訂下左目標,

成日都實行唔到...

你問我點解,

我真係唔知道...

有人歡喜有人愁...

愁的必定係我...

人生好灰暗,

我有搵一條新血路俾自己,

無奈人家睇唔起我...

工作經驗都抵唔過我學歷不足...

老媽子唔夠銀用...

我何嘗又夠銀用...

唔返工唔搵食就唔會有銀...

人生既定律...

無例外既...

唔好再令我既人生更灰, 可以嗎??

好多人都覺得我唔冷靜又衝動...

好多時如果你唔決斷D係唔可以架...

BUT我又好易俾人動搖,

而家都動搖緊同猶疑緊...

好煩囉,

如果成日都抱住一個有後著先做決定既心態,

可能成世就係咁樣無得變囉...

要決絕D,

就算要冒險都要做,

唔係咩??

我又唔係跟風,

我一早就決定左架啦,

不過係得個講字之麻...

而家去做既時候,

就叫我冷靜D?

不過我都知大家都係關心我...

我都有疑慮既...

不過真係想有個新景象囉....

點先好??