貓奴終於決定8月再出團,

應該會係23或24號出發,

要睇下收客如何,

唉, 好緊張呢,

貓奴一緊張就有D肚痛,

唉, 真係好無用呢,

所以上次都無咩點食台灣既美食,

不過今次希望可以出一團輕鬆一D既團,

咁就應該會開心D,

而且台灣美女會喺24號生日,

希望有機會同佢食下飯, 行下街啦,

最好行程唔多, 早D返酒店,

不過貓奴今次想自己一間房,

因經過上次一役後,

都係覺得如果夾其他人會好辛苦哦,

而且私人空間會大D,

如果唔想做貓奴既團友,

就唔好報23或24號出發既團哦, 呵呵

希望今次平平安安, 唔好再做錯野...

為左錢, 為左快D脫苦海,

貓奴一定要努力架....

 

P.S.多謝各位同事及朋友既意見,

      令貓奴可以下定決心去出團,

      多謝各位...

琴日LUNCH同仙女LING講起出團既事,

點知下午同事們已開始填FORM申請出團,

OH, 小青同我講"殺到埋來了"

貓奴突然覺得好緊張,

雖然貓奴未決定出唔出團,

因貓奴只識得同貓玩,

唔識去做一個專業既領隊,

唔好提專業了, 做一個合格既領隊都不如,

所以貓奴既友好同事填好晒,

貓奴再決定去唔去,

點知, 話咁快, 張FORM好快就又再到貓奴手上,

只剩下一個空格,

咁貓奴填唔填埋自己個名好呢,

好煩惱哦,

但係貓奴之前誓神劈願唔出團架麻,

而家又反悔, 會唔會太衰仔呢??

 

P.S. 朋友B, 貓奴無嬲哦,

       只係貓奴自己唔好彩之麻,

       可能個天都覺得貓奴太多錢了,

       所以就唔俾貓奴訂平雜誌囉, 呵呵

點解, 點解,

仲等貓奴滿心歡喜地打電話約朋友,

今日放左工之後去書展時,

點知朋友B同貓奴講,

收六點喎, 你去到咩, 我去左了, 仲去左兩次,

呢位無心肝既朋友B,

因為我無打電話搵佢去,

以為我無"性趣",所以就無叫我,

查實我係好有興趣既,

唉, 仲想去訂雜誌,

聽聞入去訂會平D,

咁又可以悭一筆囉,

點知, 個天都唔俾機會貓奴,

而家已為時而晚,

嗚.........

今日有D唔開心,

可能要以後唔可以咩咩,

可能要我地買外賣先得,

佢響,

我都無辦法,

人只有一個,

飯唔通唔食嗎,

你要食飯, 我要食飯,

而家係唔係太大壓力先,

而家係唔係包埋飯,

可以唔駛出去先,

食, 都會食出禍,

係, 係遲左, 不過一次就罵,

總之, 冤枉...

今日食晏的時候,

當貓奴吔緊米粉既時候,

同事小X突然講, 做多個月就走人,

嚇到我眼突, 好突然囉,

平時只有我成日話會走, 都好少聽到佢成日講呢D話題,

自從上次之後, 我地感情都淡左D(唔知係唔係我心多)

所以我都唔係最早知...

不過都唔緊要,

好過佢走左我先知,

其實同好多人既感情都淡晒,

可能係..咩咩咩啦,我都知我係咩咩咩架啦,

唉...

不過我真係估唔到佢咁勇,

好叻,

希望佢有新既新活,

比而家更快樂,

第時我有機會出國, 唔知寄明信片去邊呢?平時我都係寄回來公司,(雖然上次去台南寄唔到)

佢係小虎既舊主人, 見我見到虎虎流口水,

佢就割愛俾左我,

貓奴成日麻煩佢幫我過相,

佢就買左CARD READER俾我做禮物,

出團又寄貓貓咭俾我啦, 去玩又買貓貓POSTCARD俾我,

好少有人對貓奴咁好,

呢度既同事好好,

令我心中有愧, 因我對人唔好, 脾氣又唔好

今日聽到你話, 初初見我覺得我黑人憎,

可能果個先係我真面目,

可能第一眼個感覺先係真既,

好多人都覺得我個樣好串, 好黑面,

多謝你地做我既朋友, 忍受我既唔好既脾氣,

有你地, 係我既福氣,

講真, 只有係呢度做野先有真朋友,

以前做既工, 都無真朋友, 大家不停地亙相利用, 做人好假,

唔知轉左工會唔會再搵到咁好既同事呢?

貓奴而家先發覺,

自己係一個超被動既人,

其實心底裡都知自己唔係會主動既人,

因本身係懶鬼一個,

朋友唔搵我, 唔打俾我咩,

我可以唔理,

等到幾個月都可以無聯絡,

而且有時面對面,

同幾熟既朋友, 都可以無野講,

可能呢D就係唔夠主動,

點先可以同朋友維持一個良好既關係呢,

真係好難, 我都唔知去邊度學好?

而家既感覺係好LONELY,呵呵

不過呢D野都係自己攞黎既, 呵呵,

其實都係怕自己講多錯多,

點點點算好...

不過而家既狀態,

俾貓奴一個好好既機會, 好好既時機去做好果件事,

因而家可以話係無咩...........

小柑柑...

星期六我同媽媽捉左佢去洗白白,

上次買左一次honey口味既沖涼液俾佢,

每次沖完都好香噴噴,,

日本部貓痴C君之前問我,

會唔會想咬柑柑,

我唔會囉, 我唔想成口毛, 搞到連自己都要食吐毛膏,

今次沖涼都幾順利,

柑柑係怪貓一隻,

我地會漏一盆水, 好似BB咁俾佢浸住, 當然係好淺水啦,

咁佢會自己行落盆水度,

真係好怪, 好似好鐘意沖涼咁, 不過呢,

今次就係咁叫, 之前沖都無架,

可能隔得太耐了,

之前唔夠一個月就沖一次,

今次都隔左個幾兩個月,

睇黎要密D同柑柑沖涼先得了...

琴日同朋友仔食飯,

三人行, 我覺得好悶,

因我都無咩點講野,

插唔到咀, 好悶,

之後近來同飯腳食飯,

都係有D悶,

因又係唔知講咩,

好悶,

唔想講野,

想講既時侯, 人地又唔想聽,

所以我覺得有D無"引"

可能係我已經同現實脫晒節了,

可能只係能夠同柑柑做朋友,

不過我近來見到柑柑都有D炆, 又有D火滾,

唔通我真係注定無朋友...

要孤獨終老???

唔知係唔係天氣太熱呢,

周身毛既柑仔,

學人咁大字形瞓係度,

露出佢既神秘三角,

小柑...

神秘三角係唔可以亂咁俾人睇架...

教極都唔曉,

仲要瞓係路中心,

玩攔路,

真係好熱,

不過柑仔你咁索地氣

會唔會風濕架,

見你咁爽,

我都想瞓地呢....呵呵

呢兩日亞姐都放假,

做到我死得咁滯,

好在佢聽日終於返工了,

希望我無做錯野,

要俾佢罵啦...

聽聞佢個仔升到唔錯既中學,

心情唔錯,

不過要成千蚊學費,

我果時讀中五先要九百幾學費,

而家讀中一原來已經係咁貴了,

好懷念讀書既日子呢,

果時都唔會煩無錢用,

日日亞媽都會俾25蚊我返學,

後期好似有30蚊,

中一既時候貪玩入左銀樂隊,

玩下長笛,

我好深刻係自己學極都學得唔好,

而果個亞SIR就當住好多人問我,

"你識唔識吹得圓滑D, 順D呢?"

講真, 可能我音樂底子唔好,

所以我真係GET唔到佢既意思,

所以呢, 好似升上中三果年就唔玩了,

雖然有D可惜, 不過我都總算試過丫,

而且而家我有D想再學, 不過如果要自己買長笛

就應該要二千幾蚊, 好耐之前已有呢個念頭,

不過都係果樣, 唔知幾時有錢去實現呢??

我又抽到公屋了,

佢地既工作效率真係幾快,

不過又係抽中左秀茂平,

又係九龍區囉,

如果我係住開九龍區一定會好開心,

不過要我過海,

真係唔係好掂囉

原本係同家姐一齊抽既,

點知佢既收入增加左,

OVER左公屋個QUOTA,

所以而家只有我一個人輪,

好煩呢, 而家我又唔想要,

又要我打電話去同人地講,

我都唔識講大話,

人地一定以為純粹覺得LOCATION唔好唔係理由,

人地一定以為我係玩野啦,

講真, 我又唔識煮飯, 又唔識買餸,

自己一個人住一定餓死,

對上一次, 又係抽中左秀茂平, 我又係唔要,

不過上次就大單D, 我掛住出團, 搞到無去睇樓,

人地搵唔到我, 就覺得我係玩野,

可能我個RECORD唔好, 所以又再俾秀茂平俾我吧,

不過我希望陣間打去講唔要呢個單位時,

果條友唔好罵我啦,

呢次好似係最後既機會,

如果我唔要, 就要等唔知幾多年之後先可以再申請呢....

近來同各飯腳, 各老友,

都有D疏離感,

唔知點解,

可能貓奴做錯左D野自己都唔知,

令到大家都無咩野講,

個人好DRY,

有D低落,

好悶...

可能已無人鐘意貓奴了...

可能已經討厭貓奴了...

可能已經....

嗚....

 

琴日有新既突破,

同家中既佢冷戰結束,

仲要有講有笑,

佢仲請我食野,

不過唔知會好幾耐呢??

唉....

上星期日去I.T買左對新既平底鞋

攞來返工著

好奇怪

同一個款

唔同顏色都唔同價錢,

算啦, 咁我買左對貴少少既,

不過呢, SIZE比平時既細一個碼,

因為39號好似太大了, 一行就甩鞋,

咁就買左38號,

不過今日著著下,

就覺得有D窄,

唉,

都好耐未買過對真真正正舒服既鞋,

貴又好睇唔好著,

平既就好著BUT易爛,

有無D可以合併兩種類型既鞋呢.....

 

P.S.添仔, 我都想果檔流浪貓雜貨我都有份

      如果我都有份, 就唔駛日日都返工啦,

      我一定會死守係舖頭"能"貓既....

嘩, 流浪貓雜貨又有新貨啦

呢間係專賣貓貓野既舖頭,

有好鬼多貓貓野賣既,

可惜丫, location唔好,

所以貓奴都未幫襯過,

不過佢web上面show既產品真係好正,

今次果d新貨都好實用呢,

我真係好想買呢,

可能買左都係堆係屋企,

不過我都好想買,

可惜真係得個想字,

因我真係好無錢呢,

今次D新貨仲有浴帽呢,

重點係,

佢頂浴帽係有條尾既,

真係Q死呢, 呵呵

大家可以上佢地個WEB睇下

在家生活好難,

同佢在冷戰中,

我請佢食野,

佢又會食,

不過又唔會講多謝,

雖則我係唔駛錢,

不過我都係唔開心,

明明係佢整死左我件衫衫,

仲要俾面色我睇,

間唔時又係度喃"磨"

好討厭.........

唔開心........