又又又又又又出團...

今年09年, 第三次出團,

二月, 四月去台北,

六月今次就去北京,

仲要係EDT,

真係識嘆呢, 呵呵呵,

不過今次去, 好多地方都改左呢,

想起兩年前去, 連個鳥巢都未起好,

只係在隔離個未起好既體育館度遠眺鳥巢,

今次去, 可以入鳥巢同埋水立方呢,

好開心, 仲有好幾個景點都未去過,

希望唔會俾客覺得我無能啦,

因為我一定係好多野都唔識,

唔似返鄉下咁勁,

十問我都識答八丫...

唉, 好擔心呢,

仲要原來HTL會收証件COPY的...

真係煩呢...

希望可以順利平安,

搵到係BONUS,

搵唔到係我平安...

再唔好彩就是我黑仔吧...

希望唔會去到最壞,

我既T/G叫李岳,

叫小李, 呵呵呵, 令我想起飛刀...

聽ANGEL講, 對T/L好好, 手咪又掂,

我只希望佢唔好掉低我唔理我咋,

上次拍條PK八婆, 真係令我討厭了北京呢個地方,

希望小李會為我帶來美好的回憶...

近幾日都好無聊,

琴日同左CANDY仔, BILL玩紋身,

事源係BILL BILL手上既墨可以畫成八爪魚...

咁我手上咁多紅痣, 就一定好有地方可以發揮,

點知, 畫上我既生肖...PIG...呵呵呵, 好好笑...

而CANDY仔亦在手上既疤痕畫上PANDA...

不過唔係好似,

下次, 下次一定要再玩過, 勁SSS HIGH~

今日終於見到PAUL PAUL了,

出完團琴日LANDING, 今日就返工, 明天又放大假...

好GOOD呢...

放工時無啦啦攞口罩當BRA帶...

勁好笑, 夾硬俾我叫佢擺SEXY POST...

今日放工又有多一個好消息,

就係可以出團,

因為D領隊要去考保險,

咁有BKK, PEK, 昆明...SEL...

SEL當然係小LING踩線啦,

BKK有D性趣...BUT俾人選了,

淨下PEK, 緊係北京啦,

出既團種係我兩年前出既團,

派左名, 即去OPS Q T/G,

希望係男T/G, 有D期望係北京小馬帶...

不過唔知會唔會咁LUCK呢...

下星期一才FINAL, 希望收多幾隻吧,

話晒點都係扣團丫, OFFICER, 應該大團D吧...

希望順利平安, 賺多D去日本玩, YEAH~~

又又又又同BEAR食飯了,

近來真係見多左好多,

呵呵呵呵,

好在KEEP住都有野講O者,

而且今日我仲收左佢做我既學生, 呵呵呵,

因為佢工作上有野問我,

我乘機就屈佢叫我做老師,

今日其實係主要想攞D餅俾佢,

其實我做左咁耐, 都好少攞野俾佢,

次次攞餅, 都只係記住攞俾D親戚,

都好少攞俾D朋友,

今次LAND AGENT DINNER,

小符同符妹兩人攞左四大箱, 加一小箱, 加兩大袋野過來,

聽聞仲要行李超重罰左錢添...

唉, 真係辛苦兩位老板了...

不過好在有兩位做苦力,

令我地TPE DEPT爭光....呵呵呵,

因為東南亞同事每人都有一盒鳳梨酥,

而我又有可以帶俾亞BEAR,

而家真係好少攞野俾朋友了,

因為知道要俾錢, 另外,

朋友, 真係要係好老友先想攞俾佢囉,

其他豬朋, 真係唔多想理佢...

我自己都有餅,

不過今年全部都係細盒既...

仲以為我要都會係大盒添,

唉, 算啦, 貪埋都食唔晒...

總之, 有拎來就好好的了...呵呵呵,

多謝晒身心康泰~~~

附加肥柑一張相, 好難先影到佢呢, 過度活躍既小朋友...

星期四同舊同學食飯,

有VIAN, CAMMY, 同KARTRINA...

三位都係美少女,

而且都有好好既男友/未來老公...

好幸福呢,

話題都有講及各自的另一半...

我...搭不上咀,

唔係唔鐘意聽呢d話題,

而係...根本無....所以就搭唔上咀...

聽到佢地既幸福生活,

覺得好羨慕呢...

佢地都勁SSSS瘦.....

其中一位, 係畢業後都無見了,

前陣子在FB重遇,

難得地可以約到出來食飯...

言談間, 講起佢讀書時竟然減肥...

因為讀書時佢已好瘦....

仲要係美女...

竟然讀書時無拍拖, 可能係轉來前係女校既關係吧,

在FB相認, 已轉左形象,

由學校時乖乖女, 變成而家既性感尢物....

真係勁SSS索,

而另一位準新娘子....(近來身邊既人都結婚呢....汗.... = =" )

都好索...樣子同實際年齡都唔太似.....

公司CANDY仔已係一個童顏既表表者...

身邊既朋友都好靚又瘦,

想起之前有位舊客來搵我,

令COUNTER既同事走入來同我講:

你朋友咁索...搵你呢D綠葉既人做朋友, 真係好啱...(好似係咁講)

令我想起, 我既美麗朋友, 有無咁想過呢....

同舊同學影相, 都好似周身唔聚財....

因為人家真係美女...我好似會破壞張相既構圖...

而且大家都好斯文,

我滿口粗口好似格格不入咁...

不過見到佢地又好開心丫...

好矛盾咁....

OVERALL呢次聚餐都好開心,

BUT又令我覺得自己很胖...

問題已纏繞左好耐,

解唔解決取決於自己..

工作又唔係好開心,

人生又好似唔多開心,

又悶又寂寞,

點先可以多姿多彩?

真係覺得自己都有d宅...

yahoo既知識+話, "宅女就是不喜歡出街,只喜歡留在家,還很喜歡開電腦,打機,MSN,見識不多."

其實我都鐘意出街,

不過係無伴同埋無錢...

鐘意玩電腦, 係因為除左電腦都無咩好玩...

打機就麻麻...

msn都ok, 不過都要有對手先可以玩...

見識唔多, 都算係,

因為有時見到d新奇野都會大叫...but d fd就覺得根本唔係新奇野?

總之, 而家一返到屋企,

唔夠一陣就開住部電腦...溫書...

溫咩書, 梁玲佢話呢本書叫"facebook",

好一本書...

令好多人都沈迷...

總之, 做咩都好似好宅...好寂寞咁...

點先可以令人生精彩d?

好耐都無見過親愛的了,

琴日佢OFF約左佢出來食飯...

雖然都係有DD嬲上次單野,

不過最尾自己都忍唔住去搵佢...

唉...

犯賤嗎?

今次我地出去,

我係想買個就既床仔俾柑柑...

佢個中秋果藍, 已梅梅爛爛...

好想俾D好D既野佢...

行左去CB既總統後面條街,

都睇唔啱,

親愛的一言驚醒左我, 叫我去宜家家私度買...

我之前都係想買宜家果個俾佢,

BUT我怕唔夠C服...

不過親愛的覺得, 如果真係污糟左或爛左,

都可以買過, 唔肉痛,

因為宜家果個都係一百蚊鬆D....

都啱既, 柑柑有得瞓就OK了...平平地都用住先,

BUT因為食飯時先想到, 都係未買到...

今次我地去左灣仔食新高麗院韓燒,

好耐之前同青青佢地食過一次呢間,

我覺得味道都唔錯呢,

又多款,

埋單都係$282, 一人百來蚊, 勁抵SSSS

近來都係慣左好夜先瞓,

日日起左身, 洗完面,

坐上床想搽面時,

就會瞓著左,

好在, 都係會識醒去返工,

前幾日, 星期一就係因為返屋企時,

搭車瞓過左龍...

去到總站先落車, 足足要行三個巴士站, 先去返原來要落車既地點...

SHIT,

不過由華富行落來,

見到好多野,

一落車就見到數碼港既豪宅,

應該係貝沙灣,

D樓勁靚, 好幾棟中間都空左個洞,

就好似淺水灣果座樓咁樣,

本來既無敵大海景就咁遮住晒了,

好在我住下面條村, 暫時都無礙我既SEAVIEW~~

今日係第一日上我既KICK BOXING,

亞SIR係一個後生仔....

好多STEP,

我左右都唔係分得太清楚,

呵呵, 人地叫右面, 我成日都相反,

真係有D遲鈍...

堂上好多都係瘦瘦既美女...

除左我, 只得一個肥妹...

有點點...UM...

希望我會再繼續完成餘下既堂啦,

唔好浪費...

加油~~,

對腳好屎攰, 希望唔好瞓到半夜抽根啦,

出面打雷中...希望星期六, LING既MR.SUN會出來同佢玩啦~~

數碼港

我既母校:培英中學~~