| Queenie's profile涼QQ & 小柑柑的世界~~PhotosBlogLists |  Tools  Help |
|
June 30 大頭~~大頭, 係前HT同事,
係一個頭大一點, 好可愛既同事..
好鐘意同佢玩架, 因為同佢一齊玩會好開心,
佢離開左HT之後, 就去左日本讀書,
佢而家D日文好好呢...
在港時佢已在日經學日文的了...
我本來都報左學日經架,
不過又F.C左出來, 好灰呢...
而家我又另有計劃,
所以學日文都要HOLD住先....
唔知我有無機會去學呢???
咁講返大頭先,
上個星期五佢返左來,
咁我就第一時間捉佢影張相先....
好開心....同佢都有好多野想講,
不過29號又飛返日本了...嗚..
希望佢返來會再搵我啦,
好想同佢食飯再詳談... June 25 打風了~~琴晚同左CANDY仔佢地出去食飯,
因為係補祝CANDY仔既生日,
去到果間必勝客,
嘩, 冷氣壞左, 熱死Q.....
琴日我講出左對一位同事既感覺...
講完大家都唔知俾咩反應,
可能覺得我太偏激啦...
因為我覺得呢個人有時我唔太LIKE佢,
可能做朋友OK, 同事就真係麻麻地...
就算琴日去食飯既人係佢D親密好友都好,
我都會照講, 我唔會怕佢囉...
琴日OVER ALL來講都幾開心啦...
跟住大家都趕返屋企, 因為打風了....
琴日放工時已係三號,
跟住11點就掛8號,
今朝七點起身仲掛緊8號,
就開左電視睇下會唔會落波啦...
睇睇下瞓著左, 瞓瞓下返左入房瞓...
發夢見到電視落晒風球, 都幾搞笑...
11點幾亞媽叫醒Q返工囉....
我就決定搭巴士到CB再轉MTR去金鐘...
好在無塞車丫,
返到去去左星巴克買左杯大MOCHA同一個肉卷做LUNCH...
高餐標, 成50蚊...貴到丫...
不過一出左MTR就聞到咖啡香, 都好難唔走去買囉,
返到公司, 係咁做野, 做到有D透唔到氣,
點知琴日俾晚飯錢既同事搵我,
好日都唔會行來搵我, 肯定想收錢啦,
雖然無講出口, 不過一睇佢以往既做法都係啦,
百一蚊, 驚我走左你咩, 見到人地忙仲死埋來...
下次, 我一定會即場按返錢俾佢...費事煩...
點都好, 都賺左半日假, 都好丫, 瞓多幾個鐘...YEAH....
June 23 唔好敷衍我丫~~今日個人好燥,
一早就俾人好似迫咁緊,
我想食個早餐O者,
問完我果頭都係錯...
咁不如唔好問丫...
仲要錯...
敷衍我...
細心D可以嗎?
記住我講既野可以嗎?
燥底中,
真係怕有日忍唔住鬧人架啦~~ June 19 太多了~~琴日坐坐下睇緊電視.....
媽媽問我地下果粒係咩來既....
一睇之下就係Q既無聊野玩...
因為我太多無聊既野玩...有出奇蛋果D野玩啦, 有扭蛋啦....
好多野...
所以我唯有搵樣野集合佢地....就係.....月餅盒.....
點知多得滯, 爆開左, 跌左D出來....
因為我間房都未執好....(我知, 都裝修好成年....我都未執好係好失敗既....)
所以我就放左在廳度,
跌出來果粒係膠雞蛋, 仲可以打開佢, 有個膠做既蛋白加蛋黃...
好Q架....
我實在太多呢D野了....
我估如果我搵晒出來, 都有一大箱... = ="
上個月尾扭到新野,
係蕉蕉公仔,
仲有一邊蕉皮可以打開架, 好好笑.......
不過而家又俾我放在雜物中.....
我真係好三分鐘熱度呢.... June 18 下雨天~~近來成日都落雨,
搞到個人都無晒生氣,
思想越來越灰啦...
本來想去屋企樓下跑下步,
日日都落雨,
日日都唔可以跑步,
出團痾瘦左果幾磅,
以極速返來我既身上...
肥真係好易呢...
可能我呼吸都會肥...
出團前同左班舊同學食飯...
個個都無咩點變,
最勁我估係有個男同學整左個曲髮...
講真, 有D頂唔順, 唯有唔好正面望佢,
因為我怕自己忍唔住笑...
不過果次都夾埋我都係得七個人
如果下次我地可以約到多D人就好了...
我地幾個食完野仲去左影貼紙相,
好多年無影了....
影得好白好靚呢,
仲好搞笑...
期待好天氣, 期待下一次跟舊同學既聚會...
期待下一次他會出現.... June 17 情緒好波動~~自從果日我想攞半日病假俾人"得"左一大輪之後,
我就真係對呢度心死了....
咁辛苦為咩丫,
雖然係自己亂食野中左招,
不過我都做晒所有野先問你架...
又大我入左醫院做手術都無放假....
喂, 你都好似放左星期六同日丫.....
果D都係假來架, 白痴...
火都來埋...
我又唔係玩, 又唔係射波,
當時覺得自己好慘...
第二日一句屋企有事, 自己又攞假...
隔幾日又攞,
咁你自己既事就係緊要事,
其他人死人"冧"樓都唔係緊要事...
雙重標準....
見到你就想嘔,
好想快D脫離你既魔爪,
唔駛你扮好人....
好嬲....
好嬲.....
好嬲....... June 13 ITE之行~~今年全人類都要去ITE旅展,
本來我都期望可以喺展中撞到一個半個識既人丫...
即係AIRLINES或者係觀光局既人丫,
點知一個都無,
反而撞到個舊同事,
感覺佢好似矮左咁, 呵呵,
個展覽真係無咩野好睇,
又無咩野派喎
吸引力真係麻麻地囉,
我地自己公司個COUNTER就好入,
都唔當眼既...
我地成班人有GARY, 日本MT囡囡, 少爺, 韓國K小姐, 泰國靜...一行六人
去程同回程既的士司機都唔識路,
最離譜係回程既, 仲兜左去中環添, SHIT...
我地成班後生仔仲周圍影相, 真係好開心呢~~
不過返到來,
亞姐一團飛都無對,
我同GARY係咁做,
真係覺得好心淡,
少少事都唔幫下手,
自己又唔係忙, 睇D無聊REPORT都唔幫我,
咁我仲值得幫你做野嗎?
June 12 第十五次台灣行~~今次出團,
出團前真係做到想屎...
好多野做啦, 做到想喊架.......
個人散晒...
第一次拍呢個GUIDE...
出發前好擔心架, 因為唔係拍開既GUIDE...
我都明, 我要接受一下新人事新事物既...
不過佢個朵真係麻麻地架喎,
又不過, 中符話無得換, 咁唯有頂硬上啦...
希望順利, 唔好有唔開心就OK了....
今團既團友都好NICE,
雖然係人少少, 勝在唔ER, 又幾肯聽我講野...
第二晚同左小曹去NEO19既上閤屋食野, 食到點幾鐘先返酒店, 真係好飽加好開心呢...
小曹B好可愛, 一出世就有好多頭髮,
仲要係表情多多架....
好耐無試過對BB呢種生物咁有性趣...呵呵呵
小曹好好笑, 係咁叫我有機會有BB要點做點做....
小曹呀, QUEENIE都無人要, 點"BIT"個B出來呢, 好好笑...
而且要自己生, 聽到好辛苦啦,
何況我又怕小朋友既...
玩人地既就好, 自己就無能力去生了......況且無人肯啃我喎, 呵呵
跟住第四日一起身就死了
係咁痾,
痾第二次, 都未回氣, 就即嘔...
好耐未試過嘔, 嘔返晒之前果晚飲既葡萄味蘆薈比菲多.....
我仲打算試完買俾青青同LINGLING飲添...
飲到嘔, 緊係唔買啦....
不過琴日睇完醫生, 都係話我腸胃炎....
醫生仲幫比菲多平反, 話唔係比菲多令我痾....
我都無食街邊野, 咁即係團餐出事吧.....
唉, 廿四個客都無事, 唯獨我有事, SHIT...
尾咪時個GUIDE幫我夾TIPS, 仲同客講因為我唔舒服,
雖然佢夾TIPS, 不過我都有揸咪講機場注意事項同賣下廣告既....
之後到左台灣機場好多客都問我有無事,
到左香港SAY BYE BYE時又問我有無事,
客人真係好NICE, 都未試過咁多個PARTY都咁關心我....
好開心, 我估俾小曹帶, 可能搵既錢會仲多添哦,
不過今次我都心足了........
多謝團友, 多謝陳導遊, 多謝兩位師傅...
台灣, 希望我地會再見丫....
|
|
|
