今日我攞左本RECRUIT,

上車睇到差D瞓著左,

因好多工都係過海返工,

荃灣, 土瓜環, 尖沙咀, 牛頭角...

駛唔駛成日都去到咁遠呢,

不過睇完之後真係幾好瞓,

呵呵...........

我都見到有一兩份工有興趣既,

不過呢, 都要講流利既英語,

只係請一個CLERK,

都要流利英語??唔知點解呢,

如果有一口流利既英語,

你估果D人會唔會甘心做一個文員仔丫

而家大學生真係周街都有,

原來坐我對面既暑期工都係大學生,

我就係擔心唔夠人地爭.....

但係我擔心既野,

係多餘丫, 定係事實呢??

近來好多同事請食TEA

因好運既同事將在ANNUAL DINNER既獎金,

同我地分享,

第一日我食左魚肉碗仔翅加涷O水,

琴日食左西多加龍眼茶...

(龍眼茶好甜, 飲左一啖杯底既漿漿, 有D似川貝XX膏既感覺)

本來我好有決心去實行我既計劃,

不過我係人馬座既, 齋講唔做,

而且又成日向美食, TEA低頭,

唔知何年何月何日,

先至可以變靚D呢, 呵呵

 

今日終於記得帶名牌了,

我其實有儲名牌既懚,

我儲左一個快餐店既, 一個反嘔城既, 如果佢唔係收我五十蚊, 我就一定儲個旅行社既....

有病....唔係我

係日日見既人

情緒似過山車一樣

不受控制

最叻既係...罵完人, 發完癲

就扮一隻死X,

好難睇,

請當控制唔到自己既時候

深呼吸, 想清楚先好講,

我嚟搵飯食,

唔係嚟專受你氣,

叫我唔好介意, 唔好放係心上,

掉轉角色, 你可以咩?

放假..

真係好爽, 咩都唔駛理,

天光等天黑...

天黑又等天光...

唔駛返工...

同柑柑玩, 真係好爽...

原來....

退休都係唔錯, ....

我同左佢講

我想唔做了, 佢都話搵到好既可以唔做,

我都想....只係想.....

想.....

想.....

想爽......

         好開心, 琴日為左同舊同學仔慶祝生日, 所以搞左一次聚會, 一行七人, 好開心, 好多人都好耐都未見過, 我地去左食日本野, 一人百幾蚊, 仲要任食, 地方OK, 野食都唔錯, 真係好抵呢, 不過呢, 唔知點解, 傾傾下我地講左去推油, 仲要用摧情香油, 超好笑, 不過我地應該太嘈了, OR係我太嘈了, 走既時候, 壽星女紙巾話後面張枱D人好似覺得我地太嘈, 唉, 嘈就係代表我地HIGH, 我地開心之麻, 咁都唔得, 搞到有D唔開心呢, 不過OVERALL來講, 呢次係一次好好笑, 好開心既聚會, 真係好希望再嚟多幾次呢D聚會啦!!呵呵

好, 今日教大家整既係...糯米糍

材料有:糯米粉...1杯               工具:搞麵粉野一"轆"

             水...........半杯                     

             椰汁.......半杯

             糖...........3/4杯

             椰絲.......適量

 

將所有野搞"雲", 搞到無粒粒為止

不過以貓奴經驗, 加多少少水OR椰汁會好少少

跟住就要攞去蒸30分鐘

蒸好就放涼少少

可以加入你鐘意既夾心, 如士多啤梨果醬

跟住包埋再加椰絲就OK

**冷藏後風味更佳**

 

版權為華華航空金鐘霞姐擁有...

P.S, 我被總舵主升格為砵蘭街甜品小霸王, 呵呵

         今朝一坐低, 想放個手袋入櫃, 跟住閂極都閂唔到個櫃, 我都知應該有野夾住左, 點知隔離位既二家姐就見到原來係我個IPOD既耳塞夾住左, 攞佢上來睇, 已夾到變晒型, 爆開左, 好邪, 好黑囉, 好唔開心囉, 跟住如果我要買過新既都要3百度, 好黑, 唔知係唔係暗示我今晚抽唔到野呢??

          想換手機好耐了, 琴日執舊雜誌時見到呢部手機, 個型都唔錯, 而且有貓奴最愛既大大MON, 真係愛死了, 不過再上網睇, 原來都仲未出既, 不過我估一定好叉貴, 因佢係N系列既手機, 同事小青買左同係N系列既, 都差唔多好似係4千, 咁呢D仲未出既, 一定仲貴啦, 唉...睇中左都無望, 除非喺星期六抽到D現金獎啦, 如果真係抽到就正斗了, 呵呵........

         星期六終於去左做負離子, 好開心呢, 因我都恨左好耐, 雖然係好窮, 但係我都係去左做, 因窮就係必然既, 反正都窮, 就窮到底啦, 整完再去搵同事打邊爐, 去到, 佢地都差不多食完, 初頭我都唔打算去架, 不過應承左人地, 唔去, 佢地一定會嬲死我, 去到仲慘, 見到我最唔想見到既野, 就係大家都係在洗筷子, 明明有個"大陸哩"都唔用, 個個係咁洗, 仲問我做咩唔食, 講真, 我覺得好嘔, 而且有d係完全唔熟既人一齊打, 我真係唔想食佢既口水, 而且你地都打到尾聲啦, 所有既精華都喺晒果度, 好嘔心, 之後亞媽放工, 我就同佢一齊搭車返屋企啦, 跟住仲係有d肚餓, 所以媽媽就煮左d米粉俾我醫肚, 下次真係趕唔切就唔去了, 費事再食人地d口水...嘔....

          跟住果日都留左係屋企, 事關無洗頭, 都唔敢出街呢, 捱到今朝, 就即刻彈醒死去洗頭, 我都未試過一大早就洗頭, 係廁所入面打左無數咁多個"乞痴", 好在無涷親o者...

          今日係好可愛既candy生日, 係呢度祝佢生日快樂, 年年都咁青春, 日日都咁靚, 身體就健健康康, 時時刻刻都咁快樂, 不過俾佢玩死, 佢要不停地去錫人地, 我唔制, 我蛇左入廁所, 點知佢就襯我行開左, 就哩左入我枱底, 想嚇下我, 不過我行埋去時大家係咁笑, 我都唔知咩事, 不過佢出來既速度唔夠怏, 如果佢係在枱底衝出來, 我就一定嚇死都似, 好好玩....

         近來D情緒好似好有問題, 開工係位既時候就無咩野, 如果一走開自己個位, 就會覺得, 路口位果位新同事駛唔駛坐咁出呀, 我既上五吋下五吋已俾佢張櫈撞左無數次, 我都知自己唔係瘦既一族, 我都醒水坐埋D俾條路俾人行啦, 點解越瘦既人就越坐到無晒腰骨呢, 耐何貓奴要不停出出入入, 唔忍都唔得, 好憎呢D人, 個個都知條路唔多位, 仲要咁坐既人係超自私, 如果FEEL唔到阻住晒既就係XX, 費事講呢D人, 越講越興, 可能佢地覺得係佢個位就大晒啦, 哼哼...

         跟住呢, 有好多野都睇唔順眼, 野野都俾人頂到"痕", 好無引囉, 真係講左野得罪大家的話, 真係要同呢D朋友講句"對不起, 我愛你", 因我真係忍唔住, 長X航空既AM都覺得我咁既性格, 唔應該做呢間公司, 應該去東X遊, 因人地既制度係FEEL D, 而且係果度D人真D, 唔駛下下都忍, 又要帶面具做人, 所以我都覺得佢講得幾有道理, 不過都係果句, 如果我真係走, 我一定唔會做番呢行囉, 一D都唔好做, 要帶晒面具做人, 唔啱我, 我係有果句講果句, 得罪晒大家都唔知既, 所以希望大家都體諒我哦, 希望我既情緒會好D啦...

         聽左呢句野好耐, 而家係好多同事既口頭禪添, 講真, 貓奴真係覺得喺香港生活真係好大壓力, 好多香港人都唔開心, 做人做到咁, 為咩呢, 呢個罵人既亞叔, 係有d問題, 但係有問題既都應該唔止佢一個囉, 貓奴成日都搭巴士見到d有問題既人, 有個大姑好鐘意係上車入錢果個位又上又落, 總之後面想上車既人一定上唔到既, 如果有人阻住佢, 佢會等人行開左再黎過, 直至佢攰為止, 跟住有一次又遇到個亞嬸, 佢見到坐佢對面有一家三口, 小朋友就帶住眼鏡既, 呢位大嬸就不停罵果對父母, 罵佢地無好好教小朋友, 搞到小朋友咁細個就帶眼鏡, 又話個小朋友咁細個就帶眼鏡, 大d就會好快瞎, 講到呢到, 果對父母既爸爸就出聲, 首先問候左果位變態亞嬸, 之後就講, 個小朋友一出世就係近視既, 仲警告呢位亞嬸唔好再亂講野, 貓奴當堂係心裡面為呢位爸爸鼓掌哦...

         講真, 香港係幾好, 不過生活真係有好大既壓力, 因為生活節奏快, 所以你自己都要逼住去快, 如果承受唔到, 就會變左巴士大叔咁, 所以貓奴真係有d想離開香港呢...呵呵呵, 因我要靜, 我只係想要一個靜d既工作環境o者, 總之而家既工作環境只可以形容為差, 再遲d可能變成惡劣, 跟住我就喺公司變成巴士大叔罵人, 呵呵呵

         琴日去左杜咩莎夫人爉像館, 因為公司唔駛錢入場, 就襯最後一日就捉左小PINK同佢HONEY一齊入去玩, 佢地日頭要去海浪公園, 我喺屋企等佢地玩完, 佢地就再來接我, 好快就上到山頂, 超大霧呢, 大霧到前面有咩都睇唔到, 好在爉像館係在室內, 無損我地去玩既興致, 不過小PINK有D頭痛, 但都毫不減低佢既玩慾, 入到去都大擺誘人POST, 小PINK HONEY既POST都唔弱, 笑到我碌地,  唔覺唔覺我地都玩左成個鐘呢, 有D都無影到都玩左成個鐘, 今次係我第二次去, 之前去好似好玩D, 皆因而家佢成個淩霄閣裝修緊, 所以今次好似有D怪怪, 唔怪得之可以俾行內人FREE入去啦...

         P.S, 因小PINK唔想佢HONEY太公開, 所以貓奴特別為佢作出特別處理....

         我發現好多人都走了, 有好拍檔走, 有唔太鐘意既同事X3走人, TOTAL都有4個, 有D唔慣, 我份人係習慣左就唔想變, 所以俾人話我留係度"吽"泥都無辦法囉, 係賴死左係度, 真係無鬼用呢, 我覺得自己係因為做人無目標, 所以先唔願走囉, 不過講都係O徙氣, 估唔到從未聽過會走既人, 仲要比我快走更多, 我真係想學人地咁, 去外地工作, 呢樣野係我最想做野既, 我緊係首選去台灣做野啦, 台灣真係一個好地方, 不過果D街頭小食都唔係咁啱我食, 好似果次出團我都唔多食野, 咩胃口都無晒, 所以過去做野可能可以順便瘦身呢, 呵呵

 

          P.S.今日收到長形航空寄來既相, 影得好靚, POST俾人家睇, 睇下佢影得靚D定我果D靚D啦, 呵呵

         台南之旅終於完左了, 我覺得今次ok啦, 因同行既人唔係太好, 有d人好奇怪, 連搞手都好奇怪, 真係對呢d人不願置評, 最開心就係可以不停地影相, but好可惜, 去到第三日, 我部機就無電, 激死, 而且行程第一日就用晒d台幣, 我駛錢既能力真係奇高囉, 呵呵, 而且第二日已開始碌咭了, 都碌左差唔多二千蚊, 都唔知自己買左d咩, 不過就一定係成團人買得最多既人, 個個都見我帶咁大個喼去, 都好驚訝我咁快塞爆左個喼, 最後走既時侯, 我見到自己個喼過磅....20.5kg, 成45磅, 真係嚇死人呢, 好在我都平安返到屋企, 不過返屋企搭巴士時俾45磅夾到隻中指, 到而家都有d痛...嗚....

 

           今日又收到霞姐既美食, 好開心, 上次有"黃"豆糕, 今次有糯米糍, 真係大有口福, 另外呢, 日本文既和服返左來了, 真係好靚, 果晚我一定會爭住同佢影相既, 文文你要擺多d誘人既post哦, 而我呢, 搵左小pink一齊去買衫, 可能會買中國服啦, 身為台灣部既我, 支持一個中國既政策, so, 中國服應該ok, 而且我都無晒辦法了, 呵呵, 星期六小pink又陪我去臘像館, 正呀, 見小pink仲多過見屋企人呢, 呵呵