今日係公司既ANNUAL DINNER,

因為喺屋企悶左兩日了,

所以搵左VV同我出去行下先上名都...

我地去左B仔HIGH TEA~~

我都係第一次去咋...

世貿中心裝修完都未入過去,

原來多左間兩層既B仔,

地下係SPORT B.,

上一層係普通B同埋B CAFE,

價錢又唔係貴喎...

同星巴克差唔多,

我地食左一個蝦蝦沙律, 同埋飲左杯HAZELNUTS LATTE,

好好味呢,

無星巴克咁甜, BUT都好好味呢~~

ANNUAL DINNER就極悶,

等收齊同事們影既相先再講吧...

總次係百無...咩都無抽到啦~

返到屋企附近去左OK SHOPPING...

唉也, 而家先醒起, 入去係想增值八達嘟架...SHIT...

因為一入去就係咁買狗哩熊既野,

買左個筆袋, 手袋仔, 印仔同一包糖,

仲買左兩本雜誌, 買成百蚊....

唉, 都未試過入便利店會買野過百蚊呢....超大洗...

專心撈沙律既VV...

 

OK戰利品

星期四晚睇左套電影...

係玉木宏既"現在只想愛著你"(ただ、君を愛してる)

好好睇呢,

當然有千秋師兄做男主腳當然好睇啦,

呵呵呵~

不過故事都唔錯架...

BUT因為係ONLINE睇既關係...

唔係好清...有時仲起格仔添...

明明有D景係好正架,

都起晒格仔...

不過唔駛錢睇,

我唔應該太高要求...

大陸好似改左名叫"只是愛著你"

如果想睇既朋友仔...就打"只是愛著你"去SEARCH啦, 呵~

今晚同左久違的雯雯同貞姐食dinner~~

好開心呢,

因為好耐無見雯雯了,

另外貞姐就係第一次同佢食dinner...

雯雯既身體好似比之前好少少了,

希望可以keep住身體健康啦...

無野俾身體更緊要...

有好既身體, 先可以實踐自己想做既事...

今次我地去左一生食飯,

由七點食到九點三,

食既野唔係真係好好好多,

不過就食得飽飽同好開心呢...

期待下次既飯聚,

同朋友食飯, 真係好開心,

but我發覺近年都少左了,

由其係公司既同事,

朋友都係bear最多...

其他都少左, 因為無辦法去搵佢地,

又怕麻煩到其他人去打無數既電話,

所以唯有人地一搞, 我就盡量去join吧...

食完飯,

去左sogo買零食,

全場九折...

勁sss多人...

好似唔駛錢咁,

so, 我都中左伏, 買左一百二十蚊,

明明褲穿燶, 都要買野,

我都唔知可以講咩好了...

 

唉,

今日計下條數...

真係窮到褲穿燶...

換左新手機, 千七...

俾人sale左買搽面野...又千七...

明明淨係想買支精華,

都可以買到千七蚊先返出來...

shit~~~

上星期六,

去左黃大仙求籤,

話工作而家唔順利, 做得唔係咁好,

我要防小人, 未係轉工既時機...

小人, 不嬲都有架啦,

可以防得到咩????

成日都話我唔係轉工既時機,

我都明而家呢d時勢唔係轉工好時機,

but好景時唔係好時機, 唔好景時又唔係好時機,

唔通做死一世咩...

不過我覺得都幾靈,

最衰係落雨,

如果唔係就可以做得足d...

希望, 另外問既野都會靈...

以解困惑...

近來同bear既飯局都多左呢...

星期六去完黃大仙, 就去唱k...

無細房, 俾左個party房我地...

勁ssss大...

之後唱完在同一building食dinner...good

不過成日出街, 令我更窮...

我又唔想返屋企...對住果d人...

what can i do?

 

終於睇晒呢套韓劇了,

真係好好睇呢,

初初睇, 覺得好好笑呢,

不過越睇就覺得越好睇呢,

男女主角相差九年,

BUT都有HAPPY ENDING,

覺得男主角...好專一,

我估世界上都未必有一個男人會咁愛一個女人...

始終都係拍戲呢,

上左韓國官網...

好多相呢...

呵呵, DL左好多...

最鐘意呢張, 個感覺好正呢~~

 

21次, 我估如果真係自己鄉下都無返得咁密呢, 呵呵呵~

今次同媽媽去玩,

如果同自己屋企人去玩,

請自備足夠的彈藥, 耐性, 忍耐...

EQ真係要好高先得,

因為有好幾次真係俾佢搞到發脾四呢~

今次四天行程如下:

DAY ONE:

香港 - 桃園機場 - 華泰王子飯店 - 環亞(台北公司) - 永康街(午餐@永康階) -

士林捷運站 - 伍角船板(晚餐@HERE) - 士林夜市(路經) - HTL

第一日唔係去左好多地方, 因為好多時都係用左行去搵路既狀況~

由其果個永康街, 真係好強烈地建議, 一定要去到附近捷運再轉的士,

因為我同老媽子真係行到腳斷...

DAY TWO:

HTL - 瑞芳(轉的士上九份) - 九份 - 平溪 - 台北 -

敦化忠孝站 - 豚屋(DINNER) - 明矅百貨 - 台北車站(的士TO HTL)

上到九份去左一間九份茶坊食LUNCH, 黑店一間...

因為上咁多之九份都未試過嘆茶, 所以就試下啦, 點知就中左招,

入左去, 要行落去好遠先到食飯既地方,

食既仲要係素, 都算啦, 仲要上菜極慢, 又熱...又貴...

跟住趕火車去平溪...

平溪, 真係唔駛去囉, 無野可以行,

唯有放個天燈...影左幾張相就走人...

SHIT, 仲要搭左咁耐車去...O徙時間,

本來想再入D去埋青銅,

但怕又係行好多時間都唔到, 又係無野睇既地方..所以就搭車返台北算了...

DAY THREE:

HTL - 淡水 - 淡水星巴克LUNCH - HTL(小休) - 台北101 - DINNER W/小曹@101日本自助餐 -

HTL

今日仲無行程, 本來想行埋新光三越, 都因為等小曹而無去,

BUT多謝小曹請我食飯, 好感激呢,

送完機返完公司咁攰都出來請我地食飯, THANKS小曹~

DAY FOUR:

HTL - 新光三越 -  誠品信義旗艦店 - LUNCH@誠品 -

西門町 - 成都路蜂大咖啡 - 黑橋牌 - HTL - HK

第四日真係更加想唔到去邊到好,

可能我自己去過太多次了,

而且我又無PLAN好去邊度玩...

好多野都係去到先想玩咩食咩...

今次都好似無上次自由行咁好玩,

下次再有機會同媽媽去玩,

我決定都係跟團了...

自由行, 真係太辛苦了....

 

因為要去台灣,

所以要開左儲左兩年多既錢箱,

好唔捨得呢,

BUT因為機票要俾CASH,

又要唱台幣去玩...

SO都一定要有一定既CASH先可以出發~

本來以為個錢箱都有好多錢...

BUT開左有少少失望,

只係得$2xxxx...

零頭就會去旅行用...

其餘就要儲起佢,

因為我唔想開左就用晒佢呢,

我仲要買返個錢箱仔,

再儲過,

唔可以開左就唔儲...

要儲多D錢,

如果樓下百佳請PARTTIME就好了,

可以搵下外快...

補貼下D NOPAY LEAVE,

SUMMER都唔知有無團出添呀,

希望個市快D好番...

如果唔係, 連花紅都未必有呢~~

加油~

後天就出發去台灣了,

今日麻煩左OFF緊既霞姐幫我出飛,

真的十萬個感謝,

亦都好多謝開解我既小青, TORI同BEAR,

多謝我既好朋友...

我會珍惜大家對我既愛護的...

今日放左工同左BEAR去剪髮,

因為佢入左黑店, 剪左薯仔頭,

所以要搵我既TORI搞好D個頭,

我覺得TORI整得唔錯呢,

無咁薯啦, BEAR, 放開懷抱呢~~

已好好睇呢~

加油留長佢呀...

 

本來, 星期三會同親愛的去玩,

仲要係返我鄉下台灣...

點知今早收到佢既MSG,

話可能開唔切飛...

佢PLAN留港,

SHIT, 我攞晒假了,

明天個LAND又覆我房,

住新酒店喎...

咁開唔到你既飛...我公司都有飛賣架麻...

咁好似都唔想去咁...

令我好灰...

咁啱媽媽轉新工,

有幾日OFF,

如果佢CFM唔去, 我同媽媽去...

雖然有伴係唔錯,

BUT, 我真係唔係好夠錢俾兩個人既洗費加機票...

可能要開左儲左好耐既錢箱先夠錢去玩...

BUT我真係唔捨得開...

儲左咁耐...

仲想2010年先開呢,

如果話, 點解唔CAN'X,

因為我都好怕同佢攞假,

難得佢咁順"灘"

我真係好想去得成呢~

今日SEND左兩個MSG都唔覆我,

真係唔知佢想點,

去定唔去, 開唔開到飛,

都同我講聲,

唔好等我搵到人同我去,

又話開到飛囉...

好煩呢...

星期五

放左工同左BEAR去睇戲...

好少遲到既佢都遲到...

我仲以為遲既一定係我添...

呵呵...

好在都趕到睇戲,

睇左套四片, 好好睇呢,

男角好靚仔呢,

BUT去睇戲之前,

因為我個手提甩左粒制,

諗住痴好佢啦,

點知攞左人地支閉塞既AA膠,

一喞, 成部機中左一半...

D制硬晒, SHIT~~

好黑仔呢...

唉...

我同BEAR睇完戲, 就去左大戶屋度食DINNER,

都唔係傳聞中咁好食丫...

可能係就收工同埋我都唔太餓吧,

不過都可以再去食多次既...

呢套戲真係好好睇,

鐘意睇笑片同靚仔既, 一定要去睇哦~

真係好耐都未試過放三日假了,

因為次次長假都會出左去帶團~

今次唔夠團, 所以都無得去...

仲要佢地專登留左小曹俾我呢...

唉, 唯有下次再去吧...

琴日就咁用左一日假期了~

都係在睡眠中度過~

發左好多個夢...

有一個夢超唔好...唔好變真呢...

另外又夢見左柑柑...

同柑柑在夢中係咁玩....

可能平時無咩同佢玩...所以佢走入我夢中同我玩吧...呵呵~

之後兩日都唔知做咩好,

唔通又瞓?

ANGEL送俾我既超可愛手信, 真係唔捨得用呢~

星期四行CB時見到有伯伯賣, 所以就買左, 好香, I LOVE IT~