| Queenie's profile涼QQ & 小柑柑的世界~~PhotosBlogLists |  Tools  Help |
|
May 29 剪髮~~琴日放工去左剪髮,
剪髮前打俾親愛的,
點知原來佢都係去剪,
不過下奏佢已剪左,
如果我早知佢又會去剪,
就約埋一齊剪啦,
有D唔開心, 因為好耐都無見佢了,
同佢實在太無緣了,
不過好在有親愛的教路先去到咋,
因為幫我地剪髮既美女髮型師既舊公司摺左,
轉左新公司,
我都唔係好識尖沙咀D地方既,
不過其實都好易搵架,
在尖咀A2出口既佐丹奴隔離既文遜大廈3樓搵TORI小姐就可以了.....
我覺得佢剪得唔錯架...
大家有性趣就去幫襯下丫.....
不過我麻麻地個洗頭仔...
因為只可贈佢四個字.....
軟弱無力.......(唔好想邪野~~)
成程都無力, 只係按摩時出盡奶力,
其實好憎洗頭時俾人按....
因為按到我又頭赤又毛管棟.........
妖佢.......
跟住洗頭仔仲問我做咩唔合埋眼休息下...
唔鐘意合埋唔合囉, 又關你事, 洗好我個頭啦....(心想)
剪完都八點半先走......
有D肚餓,
返去金鐘搭車前就去買左杯星巴克MOCHA飲, 好味....
我成日都覺得套住杯果張野幾靚,
所以今次就專登留起佢,
有時一D節日佢都會換款架........
May 27 Annual Dinner~~上星期六係我地既annual dinner,
唉,
又係去左名都酒樓搞,
我都知去會展搞會好貴...
不過我覺得咁大間公司,
去公司樓下既酒樓搞係好CHEAP囉,
本來我係約左小青七點鐘在公司樓下等架,
點知我六點鐘出門口都出事.....
真係估唔到會塞車既.....
SORRY小青,
我出到CB仲要轉地鐵,
最終係遲左好似15分鐘....真係好SORRY.........
跟住一上到去, 我都唔想周圍走....
坐低就等開席,
成晚都抽唔到獎......
第一年入來抽到個數碼相機之後,
就無再抽到獎了...
今日仲知道左, 老細加碼既30萬,
都係無我份,
不過,
好在同部門都有抽到,
佢地會請食TEA,
都好, 有餐食下...
完左ANNUAL DINNER之後
我就返屋企了.....
年年我都係返屋企....除左有一年同左姐妹們去茶餐廳飲野
因為呢, 佢地既下場我都唔係太啱參與,
可能係玩伴唔啱咀形吧.......
搭車時撞到一個好麻煩既T/L小虎....
唔太LIKE佢, 佢坐上層我就坐下層.....
我果時在想,
唔通佢同我都一樣無下場???
感覺有少少寂寞呢.........呵呵 May 23 唯一辦法??近來長肉真係好易,
點解唔係冬天長肉D,
反而係夏天先長肉咁利害呢?
聽到有個朋友話開始食醫生開既減肥藥...
價錢都唔錯,
而且好明顯見佢瘦左了.....
講真我又懶,
我估除左食藥,
真係無咩野可以幫到自己.........
不過見人地食藥都好似食到唔多健康,
健康流失左就係流失左
係救唔番既.......
好矛盾.....
星期一有個MT俾我地DEPT.....
好煩...
最唔LIKE教人做野....
仲要係在我最討厭既經理對面.......
三個月........
我捱得過嗎?
會唔係真係如自己所言...為一個MT而"咪DUM"????
真係好唔開心.... May 21 一個星期~~上個星期三,
走左去買左個ipod仔仔......
三百幾蚊真係好平呢,
買來緊有目的...
因為我想在屋企樓下跑步時可以聽住歌....
but,
我足足買左一個星期,
佢有佢擺,
我有我肥.....
根本都無去跑步........
脂肪一天一天增長,
我覺得自已既恆心係負指數,
下下都係得個講字,
我係一個無恆心, 無性格, 無目標, 無前途既人.........
好灰......
p.s 而家既ipod既packing真係好靚, 仲有兩張蘋果貼紙
May 20 母親節~~近來真係忙到PK,
都無時間上來UPDATE下....
上個星期六放左工之後,
就入左赤柱,
因為要補祝母親節,
原本正日打算上山頂架,
不過自己又懶,
瞓到日上三杆.........
真係無鬼用........
咁媽媽由屋企出發,
我就由公司出發,
我落到街先知手提就快無電,
不過我估好快就會到赤柱, 所以約定左媽媽就OK,
點知原來我上左賊車........
兜到我想嘔都未到赤柱,
我又無錶, 不過我估OVER左半個鐘以上都未到.......SHIT,
好在我去到搵到電話亭咋,
就可以同媽媽團聚了........
我本來想帶佢去WILD FIRE食TEA SET架,
不過三點先開始,
咁就過左對面食德國自助餐,
都唔知幾錢, 就入左去, 因為話食到五點....好似好抵咁....
野食一般啦, 係甜品OK小小......
跟住我就聽到一對啱啱坐入來既ER情侶係度嘈,
原來三點入坐係平五十蚊一位,
不過野食就係一樣, 只係少左豬手同湯,
ER情侶覺得好嬲, 係咁嘈,
仲搞到要叫經理出來,
咁.....最後都係補左D湯俾對情侶, 因為佢地入坐左一陣就收左D湯......
咁我兩點幾入座, 都係蝕左,
所以同媽媽就坐耐D, 食盡D,
真係食左好多野,
不過佢果D即叫即做既意粉真係好睇唔好食,
又唔熱, 我怕食左真係痾餐死,
跟住食完行左一陣就去左買好出名既JENNY曲奇,
仲同我地講可以放一個月,
心想, 盒餅可以捱到一個星期就好好彩了...呵呵..... May 08 好耐無見了~~公司呢, 不嬲都有F/L既
有個係特別D既,
個人覺得佢幾型仔,
仲好有味.....
不過真係各花入各眼架,
都有好耐無見佢帶我地公司既團了,
琴日因為派米班主點都唔落我台灣D團既T/L,
咁唔憤氣睇下10號既團點解係都唔落啦,
見到落晒九成既T/L, 係我台灣無咩名...
小丫,
不過都見到呢位久違的型F/L既名字....
仲以為佢以後都唔帶添....
真人真係好正斗.....個人認為.....
有D同事就覺得不外如事又老餅,
可能我就係鐘意D老餅野啦,
以前親愛的仲係度時就會同我一齊去癲架,
真係好掛住佢呢, (琴日先同佢食完DINNER, 咁快就掛住了, 呵呵)
以前既日字好似係開心D,
因為有佢成日放工同我去WET.....
講返個F/L,
希望佢可以搵多D, 順利啦....
仲有.................................... May 07 圓方睇柴犬~~琴日放工約左雯雯去睇戲...<柴犬奇蹟物語>,
不過未買飛喎
亞姐話新果個圓方既戲院唔錯,
所以就上網買飛啦,
要去香港站再轉去九龍站上面先係戲院,
講真都幾方便,
不過由中環站行去香港站就好死遠囉,
去到買到兩杯好大既汽水同大爆谷就入左去了,
爆谷幾好味哦,
不過睇睇下,
我都無咩心情去食了,
因為我自己覺得好多喊既位,
不過自己又唔慣在朋友面前喊,
所以忍住忍住, 好辛苦呢..
睇完之後好想等佢出碟買返隻,
仲有好想養隻柴犬呢....
返到屋企,
見到柑仔,
我叫佢做柴犬柑, 佢又"喵"左好幾聲,
可能佢都想做狗多過貓呢,
因為我覺得佢本性似狗...
而佢既COLOUR都好似柴犬...
好想要柴犬呢,
感覺好忠心, 唔似貓咁獨立咁見異思遷.....
我要麻里, 我要包剪X<---唔識打
P.S.我同雯雯仲去左血拚啦,
同見到同事三分親果個大言先個仔....同關詠荷做情侶果個呢, 真人瘦同矮好多呢..... May 02 海洋公園遊~~琴日五一黃金週,
同媽媽兩個一齊去左海洋公園,
因為有人送左兩張飛俾我,
我見$208一張, 兩張都要四舊水,
無謂浪費左佢丫,
都無人想去, 唯有叫媽媽陪我去啦,
佢都廿幾年無去過了,
而我就讀中學果時學校旅行成日去之外, 都有至少八年無去過了,
果時差唔多年年都去果度旅行,
都唔知果D學生會果D人係唔係唔想用腦, 一年都去一次,
去到真係好多人,
而賤訂同港"劇"既比例係九比一......
多到你唔信........
仲勁過你返左大陸........
講真, 如果少D賤訂就真係會好玩好多,
記起讀書時,
去海洋公園係撞到鬼佬多,
而家真係唔同晒了,
你話唔通唔做賤訂生意咩..
又唔可以, 而家少左外國人來香港,
如果仲唔做賤訂生意就死了,
不過D賤訂真係做左咁多年人都無進步,
慶幸自己係香港人, 慶幸自己生於殖民地.....
同媽媽在園內真係不停地爆粗,
而且有時真係行到人都炆......
賤訂真係好黑人憎呢........
由十二點半玩到六點半,
多人到回程搭唔到覽車添.......
希望下次有機會閒日再去玩過啦... |
|
|
