| Queenie's profile涼QQ & 小柑柑的世界~~PhotosBlogLists |  Tools  Help |
|
May 31 番梘~~真係對而家住緊既明愛賓館有D不滿,
因為好多野真係要出聲佢先添俾你,
之前D廁紙成日都唔添俾我,
我又唔想下下都打去前堂問佢攞, 所以自己買左一條上去~~
因我發覺佢地係無HOUSE KEEPING既內線既, 唉~~
可能根本佢地無呢個DEPT.,
平時既清潔好可能係抄散來既,
咁話說有一日,
媽媽放假啦,
睇住個亞姐執房,
亞姐執完無添廁紙,
咁媽媽見到就打開門叫亞姐再加(當時亞姐仲係房門口~~)
之後媽媽去完廁所洗手,
發現又無番梘,
又叫亞姐加,
唔知亞姐邊度搵返來,
醒左舊大野俾我地,
好大舊, 到我地走都未必用得o徙
家姐見到都話受寵若驚,
不過好怪架,
都唔知亞姐係邊度走舊咁既番梘出來,
雖然感到有D不安, 不過我都係照用既,
影左D相俾大家睇,
對照一下佢地賓館平常既有幾細舊~~ May 15 柑豬豬瘦左哦~~柑仔入左去宿舍咁耐,
我都未去過睇佢呢,
家姐就喺上星期六去左搵柑仔,
柑仔見到家姐就痴住左, 呵呵
佢真係會掛住我地既,
我又懶, 瞓到3點先起身, (因果度閂四點)
所以我JOIN唔到去探柑仔,
柑仔初初唔多食野,
所以家姐一抱起佢就知佢瘦左,
瘦左2-3磅, 真係好多呢,
不過家姐話, 瘦少少就可以唔駛俾醫生鬧,
因之前柑仔太肥, 俾醫生佢話要柑仔減肥囉,
不過聽家姐講柑仔同果度既姐姐都相處得唔錯,
而且食野已食多左D,
已令到我放心好多了,
希望快D裝修好啦,
好想快D返自己屋企,
搬左入賓館, 都無覺好瞓,
晚晚老母同家姐好夜都唔瞓,
仲要係度嘈, 由其係老母,
前晚3點仲唔瞓, 搞三搞四唔知搞咩, 嘈到我都瞓唔到,
跟住六點佢個死人"尿"鐘又不停響,
佢自己又唔會襟停佢,
要人地鬧佢至會襟停佢,
根本個"尿"鐘都"尿"佢唔醒,
都唔知要來做咩,
TOTAL 我只係瞓左3個鐘度,
好啦, 返工完全唔夠精神, 做錯左兩團FINAL,
唉, 又計錯數,
總之係死晒,
琴日都好少少, 都瞓到5個鐘,
因為我鏟我老母去沖涼,
佢早D瞓, 咁我就可以早D瞓,
真係相處唔太好, 同住就更難, 由其住無間房既屋就更更更更更更難,
而家, 我只係想靜靜地瞓~~~
遠離我騎呢既屋企人~~~~ May 10 新居~~已經入住左賓館有一段時間了,
好多野都習慣左了,
之前攞左d衫去洗衣店洗,
點知今日著其中一件事發覺縮短左,
有d唔開心, 因件衫我都幾鐘意架,
今日返屋企既任務係check下其他衫有無事,
唉, 希望其他既都無事啦,
原來無洗衣機係咁麻煩架,
第二樣好煩既事就係廁所紙巾既問題,
我地三個女人,
好快就會耗盡d廁紙,
而清潔亞姐會等你精盡人亡先換過卷落去架,
咁有時用剩一格, 佢都唔會refill,
有一晚, 大家都愁緊既時候,
又用晒, 當我想打去攞廁紙既時候,
家姐就話"車立"口有架車仔有廁紙,
我就用九秒九跑左出去幫大家"撻"廁紙,
因為呢度d房務員既工作效率真係好.....高,
叫左佢地, n年後先上來, 可能佢地係行樓梯上來既......
之後做完d咁既野,
我開始後悔,
因為我怕我會俾閉路電視影到,
咁可能大家會在youtube見到我就樣衰死了~~~
p.s附上賓館照片 May 02 四月辛勞月~~四月真係一個忙碌的月份,
月頭就要忙EAS既FINAL,
之後又要出團,
月尾又要搞裝修既野,
本來以為屋企既野好易執o者,
因自己我都算係好少野既人,
好多野自己都係執好晒一盒盒既,
一搬就係囉,
但係媽媽就慢吞吞,
執得極慢,
激到我就快死咁滯,
唔踢佢都唔郁,
簡直係噴血囉,
好多垃雜野喎.....
唉, 總之係唔知前世做左咩野呀,
果仲感覺仲勁個"連個天都唔鐘意我~~"
可能係連全宇宙都唔鐘意我....
真係好辛苦,
都未試過執野執到通頂,
好在我都有沖涼同瞓左一陣,
因為我放左一日假, 同真係清晒d野無乜執漏囉,
所以如果要搬屋,
最好就一早執野,
唔好懶懶行囉, 緊記哦,
仲有勸大家一定千祈唔好鋪木做既地板,
否則你會後悔架,
除非你屋企過千尺,
而你有好多好多時間去打理你既木地板啦, 呵呵
琴日入住左明愛張什麼圖賓館,
講真, 房真係好唔錯,
好似我之前在台灣住過既日本酒店集團華泰王子,
不過當然係新好多,
因我睇住佢起既,
估唔到我都有機會入去住,
我成日都見到好多"賤訂"既團出出入入,
不過我住左一日都唔多見到其他既住客,
只係今朝見到3-4個咁大把,
不過仲好啦, 我都唔鐘意大陸人既, 呵呵
跟住返到來公司,
好開心, 因大頭去完玩之後買左手信俾我地食,
係我做左台灣線咁耐都未食過既老x祿鴨翼囉,
今次係食原味,
味道係唔錯既, 不過就無咩驚喜囉,
人地話辣味好食d架, 大頭, 你下次去買d辣味回來丫, 呵呵
點都好, 大頭有一番心意真的好開心,
都多謝之前小青食我食我最愛既蜂蜜蛋糕哦, thanks~~ |
|
|
