| Queenie's profile涼QQ & 小柑柑的世界~~PhotosBlogLists |  Tools  Help |
|
April 30 no photo 的 gathering~~好耐都未出去食過dinner了,
仲要係同一D好耐無出街既朋友仔,
有個朋友仔就成日都打來吹水,
不過就有一排都無見過了,
呢位朋友仔好變態,
好鐘意打來聽我講粗口,
琴日先俾R經理話我粗魯,
咁又係既, 我又講粗口, 又無禮貌.....
因為有位我都無叫既舊朋友無去,
有D話怕佢見到我地影既相會呷醋同嬲,
所以一張相都無影到.......
仲等我帶左兩個相機......
我見到佢地出去無叫我,
影咁多相, 我都無話嬲啦........
雖然覺得都有D孤獨.........
不過我知道, 道不用不相為謀,
而且個人覺得唔啱咀形, 而且根本唔同TYPE,
唔係討厭, 係唔想同呢類型既人接觸....
總之..
我以後同呢班朋友出去都要偷偷摸摸.......
淨係我先係唔見得光........
有D心酸同灰..........
不過琴日都幾開心既.......
仲有飲左一杯野飲, 飲完我覺得好面紅呢......呵呵 April 21 長大了~~上個星期五同左VIAN, CAMAY, 小AZURE食飯,
之前去過雅蘭中心食過一間阿詩瑪係唔錯,
不過唔想食同一樣既野,
咁就食一間叫"碌冧"既法式越南野,
上次食阿詩瑪時已見佢有好多人排隊架了,
我地叫左個二人餐, 再加左個咖哩,
埋單一人$140, 都好抵, 味道都唔錯架....
囡囡AZURE, 大個左D哦,
不過都係瘦左少少, 不過不過, 瘦總好過肥啦,
睇我就知啦,
長高左, 不過就笑少左了,
上次見佢, 咩都笑一餐,
今次見佢, 好多時都灑手兼拎頭,
因為佢唔想食飯呢,
只係想食D脆口既包包,
都幾似時下既小朋友,
都係鐘意食D脆口野, 同熱氣野,
AZURE仲有個妹妹架,
不過太細了,
唯有下次上佢屋企探下佢丫, 呵呵
有機會既...
April 17 追星~~April 16 手信~~April 14 8籠~~好耐無同媽媽去飲茶了,
自己就有同D同事星期六長週飲下茶既,
不過就好少同媽媽去了,
所以我平時星期六都瞓到好晏架,
果日媽媽一叫我就即刻起身了....
我地點半就出街,
去到就要等位囉,
等左我估有半個鐘掛,
都算叫做快架了,
因為話晒都係星期六丫,
跟住我地叫左八籠點心,
有燒賣啦, 奶黃包, 珍珠雞, 咸水角, 綠茶雪影茶棵, 腐皮卷, 叉燒酥, 煎鑲雙椒
好多野食丫,
我地仲要食晒無帶走,
好勁呢,
跟住我就拉左媽媽同我行MUJI,
見到好多野都好想買呢,
由其係D衫,
不過我估好多我都唔啱著囉...
因為我好似又肥左D....呵呵....
跟住我買左對鞋返工著,
個款可能有D土,
不過勝在好舒服,
同鞋頭夠大,
一D都唔夾腳,
好舒服, 不過今日著左就覺得
好大陣.....
皮味........
April 08 熊痴~~好似好低能咁,
咁大個人都玩公仔...
事由係而家七仔開始換緊隻英國熊公仔, Paddington Bear...
仲要係有衫著架,
實在太可愛了,
平時我都好少咁熱衷去換呢d野架,
今次真係中晒招了,
都係狗哩熊衰啦,
佢話想要個fd, 所以我就係咁買野,
儲夠印花死去換啦,
買親既都係可以送多一個印花既野食,
所以好快就儲夠去換了,
不過點都好,
又咪要駛錢去買野先有印花囉....
七仔係奸商.....怒........
前一排媽媽去買左一套床單俾我,
真係靚爆燈架,
不過都係超低能既....呵呵呵
April 07 旅程~~出親團都會儲起D BOARDING PASS,
不過放得太耐,
原來係會退色既,
好多都唔係太睇到個日期了.....
不過都好值得儲既,
因為唔會再有第二張,
每張都只係得一張, 無DOUBLE既....
不過我第一團有一張BOARDING PASS唔見左,
忘記左係去程定回程了...
而家CX有新野,
係唔駛"MEET"飛既,
佢係好似掃瞄完之後就俾返晒成張BOARDING PASS俾你,
我覺得好神奇呢...
總結自己既旅程,
去左14次台灣, 1次北京, 1次泰國...
希望之後可以去下日本呀, 韓國呀, 歐洲呀, 英國呀....
好多地方都好想去呢,
聽到小青可以去日本玩, 真係好開心,
本來ANGEL都俾我加入佢既日本遊,
不過我既銀根真係好短缺呢,
所以都係無得去了....嗚....
不過我相信我總有一日可以帶媽媽一齊去睇櫻花既...
(咦, 我既旅遊玩伴好似成日都有媽媽咁既.......) April 05 惡夢~~琴日清明節放左一日假,
本來以為可以好好地瞓下啦,
點知就一直都發夢,
我真係祈求呢個夢唔好成真,
個夢係咁既,
發夢自己係出緊團既,
咁個團都好順利,
咁我近幾次出團只會用一個電話,
以前出團會帶多一個, 一個入台灣咭, 一個用番香港咭,
咁個夢我淨係用左一電話,
只係開左台灣個NO., 香港既就無開,
一LANDING左,
一開番香港咭,
就有一百五十幾個MSG,
自己仲笑,
駛唔駛咁多人搵我呀...
咁多MSG, 當然唔會逐個睇啦,
咁睇最LAST果個,
個MSG SEND BY家姐既,
內容係, 媽媽已經走了,
因為我無開電話, 所以連亞媽走左都唔知,
仲要返到來亞媽已入土為安,
頂, 成個夢係咁喊,
真人都有喊,
因為我中途有札醒左, 發現係真係喊左出來....
札醒左好幼稚以為個夢會斷,
不過都係繼續喊....
好不安既夢,
最後醒左我第一個感覺就係,
媽媽係我而家唯一一個親人啦,
如果連佢都走埋,
我都唔知點好了,
搞到成日假期心情都唔好,
而個夢就好似成日都纏住我咁,
我希望媽媽身體健康, 長命百歲.... April 02 HAPPY FOREVER~~前一排同左雯仔去食雪糕,
去左haagen-dazs食,
之前有位朋友仔話佢有個好多球既甜品超好味既,
所以我地就去左食了,
九個球賣$199,
可以任選口味,
好開心呢, 我地叫左哈蜜瓜, 朱古力, 牛奶拖肥, 綠茶, 甜酒, 冧酒提子, 士多啤梨, 朱古力曲奇, Tiramisu
我唔飲酒,
都覺得果隻新既百利甜酒都好好味,
雪糕好滑哦,
真係好好味,
而且真係會食到好飽架.....
兩個人食九個球,
真係好似有d大食呢, 呵呵
而呢個甜品既名叫happy forever,
希望食左之後,
真係可以好似個名咁,
唔駛forever丫,
happy一陣都好了.....
p.s 仲有兩個汁俾你點個雪糕, 係士多啤梨同芒果汁 April 01 台灣行回憶錄~~EASTER果團真係幾開心,
因為大部份客人好NICE哦,
又玩得又笑得,
不過都有一對兄妹係好COOL架,
有一個PARTY係5個人既,
其中一對夫婦已結左婚16年了,
啱啱又係佢地既結婚周年,
所以小曹就預備左個蛋糕俾佢地,
好在客人都好LIKE, 無嫌我多咀講左俾小曹知,
佢地開心之餘,
仲在走果日送左個禮物俾我同小曹,
好開心,
第一次收到客人送既禮物,
多數客都係買野食同野飲俾我地既,
好有心既客人呢.....
返到屋企搞左好耐先知
果套係一套香氛既野,
不過係薰衣草味既, 家中大小姐唔聞得.....
不過我都好LIKE, 因為好靚呢.....
跟住有客人都將美麗既回憶SEND左俾我,
就係同客人既合照了,
我見到....
我腰間(唔知係唔係腰...大約係果D位置啦, 因我都無左條腰好耐了...)
有一條肉走左出來,
呵呵, 真係好肥....灰... = =" |
|
|
