今日終於"的"起心肝唔係口"行行"

走左去買NDS,

都好開心架,

因為我地一行有七個人, 敏仔, 車車, 朱朱, BILL BILL, CANDY仔, ERIC契爺...

好多人好似劈友咁, 好疊馬呢, 呵呵~~

咁行左灣仔188都有一陣

都係未決定到喺邊間度買,

所以決定食左野先,

去左BILL BILL有VIP既日本野度食DINNER,

好抵食架, 每個人都係85蚊, 超抵,

而且我地食飯既時候超好笑,

勁講咸野, 好好笑,

最後決定襟左錢就買機,

去IT部同事一家大小介紹既鋪頭,

係一入188就見到既第一間鋪,

我真係唔太識去殺價呢,

BILL BILL佢地勁幫我壓佢價,

我就好似傻仔咁, 呵呵

好似無咩買既動力咁, 似人地買多過自己買, 呵呵

買完先發覺好有問題架,

個硬膠套同部機唔多MATCH, 有D離罩,

唉,

跟住琴晚差完電,

今朝想"蚊"左佢既時候,

插住部機個位"蚊"唔到,

我出盡奶力都"蚊"唔到,

唯有帶返公司搵同事仔求救,

救左之後先整GAME, 整左又未玩到,

總之好多波折,

講真去百X匯果D買都唔會出咁多事架,

係唔係我條命生成咁,

命該如此,

貴叫你自己貪小便宜~~~

差幾個月就做左三年了,

今朝一坐低就好似俾人仆醒左咁,

發現自己做錯左野,

做左咁耐,

最基本既野都做錯,

真係好抵打,

跟住亞姐用佢自稱既人脈關係幫我搞定左,

之後,

句句都有D單單打打,

我都唔想錯架麻,

你做錯野既時候,

我都有幫過你架啦,

我都無再提再單打你丫,

不過我又係蠢左D既,

今個月以來, 已經係第二單,

無可能錯既野, 都錯埋,

我真係工作能力下降左添,

點算好呢,

算啦,

可能自己近來心不在焉,

心不在公司,

點會做得好丫,

心煩~~~~~

今次老貓燒"蘇"

令我真係.....無地自容~~

前一排同亞媽一齊行街,

佢人有三急,

就賴低我喺CITY SURPER度, 佢就去佢既急,

我勁無聊地狂搞人地貨架D野,

菜啦, 魚啦, 肉啦,

對住人地D魚生狂流口水,

小時候, 識風水命理既契嫲買左D魚生俾我地食,

食完, 即痾左三日三夜,

而家大個左, 肚皮都厚左,

勁愛上食魚生呢D架仔美食,

所以呢, 一見到, 自然就口水流流流流流流流流流流流流流流流流流

之後見到貨架上有D一盒盒好靚既花花,

仲有好多款添呀,

原來係架仔既食用花花, 誠惠$52...= ="

好屎貴,

想起我上年去台灣FAM TRIP,

有一晚係食花宴, 成枱都係花花, 全部都食得架,

D餸係唔係都加D花入去,

最印象深刻既就係一個類似粟米"根"既物體,

但係就上面浮住好多朵小粉紅玫瑰仔, 好靚架,

之後行行下又見到D柑仔, 一個要六十蚊,

睇左好耐, 都唔知點解會咁貴,

仲有好多好多生果蔬菜都好新奇,

下次大家行過都可以摸下索下,

或者好似我咁影下相都可以,

當然影相就要鬼祟D啦, 因我都唔知果度可唔可以影架~~

近來真係對其他人好無耐性,

本身缺乏耐性既我變本加厲,

平時對住d人,

佢地將同一樣野講N次我都可以忍佢一陣, 真係一陣, 多少少都唔得,

不過琴日, 我終於頂唔順,

頂左亞姐幾句,

基本上,

我都定期地頂我亞姐,

由期我忙既時候,

唔該唔好煩我囉,

唔識都唔好問我,

由期係問一D白痴無聊既問題囉,

點忍丫,

佢都有同我講,

佢知我拍佢係唔開心,

你知就好啦,

咁就唔好煩我丫~~~~~

亞姐,

對住你, 我真係無晒氣

琴日終於派左彩了,

好奇怪地,

派彩同我EXPECT既差唔多,

之前我自己講過, 如果派彩同自己既EXPECT差唔多,

就會繼續做,

而派彩亞姐就話,

希望我地會滿意,

講真, 做呢行, 我以為會好高薪水架,

點知, 原來好多野都唔係你所想既,

另外呢, 今次派彩雖然有唔錯既RESULT,

不過派彩亞姐話,

咩人問你都好, 都只可以講"好滿意",

而唔可以講彩金有幾多,

不過算啦,

我估大家加既RANGE都係差唔多架了,

所以唔講都估到有幾多囉,

做左兩年八個月了,

講就講明年會有好既機會,

不過就算係升左,

又可以代表咩呢,

都係文員...

算啦, 媽媽話,

搵到啱心水既, 就轉囉, 老掉牙既金句,

仲有, 媽媽一知我加左人工

問左幾多之後,

第一句係...

"咁加家用啦~"

媽媽, 我都想儲個錢呢, 加晒俾你

咁我同無加有咩分別呢~~

又再去台灣了,

有D厭悶囉,

不過因為想去一個熟D既地方,

諗住出錯既機會都會少D丫麻,

不過有九位年青人,

唔知係唔係報唔到自遊行,

所以就報團掛,

成日都問我D唔係團既野,

講真, 我又唔係成日都去台灣,

我點知邊樹有最近既捷運站丫,

咩都問我, 又唔問個GUIDE,

真係當我係萬能咩,

而且呢九位青年人係好黑人憎,

只有一兩個係會友善少少,

其他都係西口西面既,

當初以為年青人好易話為,

點知最能麻煩就係佢地,

我估佢地有好大機會都會投訴我,

身為OP, 俾人投訴, 我真係覺得自己好失敗~~

唉, 今次呢個GUIDE都唔錯既,

手咪幾得, 又幾照顧我既,

不過就竟然叫我買餅,

我平時都係攞餅之麻, 邊要用錢架, 唉

算啦,

影左D靓相, 大家睇下啦~~

前一排同以前住大埔時既小學同學食飯,

佢而家好好呢, 之前上左大陸讀新聞系,

而家返來香港既都X日報實習,

做晒我好想做既野,

因我之前一直都想讀同做D同雜誌有關既野,

好羨慕呢位舊同學,

既然撞到位小學既舊同學,

咁我就拉左佢上去玩具反嘔城,

來個重拾我地無咩既童真,

呵呵~~

見到有D舊同事,

最開心係見到之前好照顧我既掃把,

而家升左做經理,

不過佢見我唔到, 咁就由佢啦,

反正佢見到我都唔會認到我啦,

之後我地又去左我最鐘意既活動--扭蛋~~

不過今次扭埋D都係D怪既野,

明明係想扭狗哩熊, 點知扭左隻做緊體操既怪狗,

果一刻, 真係噴"銀"晒血呀~~

仲要俾佢扼左廿蚊, 頂丫......................................

可能個天都唔鐘意我掛,

定係我無扭蛋命呢?

除左扭到隻怪狗之外, (真係好怪架, 仲要係三角形既袋仔, 可以用來做咩丫~)

仲扭到個好死"嗱"既粉紅海豚手機袋,

都係果句, 可以用來做咩丫~~

再度噴血~~