今日, 個個都好忙, 我叫親人地幫我手做野, 都托晒我手"爭", 大家要合作先可以出到晒D機票丫, 我又唔係只係同你做野, 我自己都有好多團, 有好多機票要對, 打親去叫人幫手, 快手D, 佢地都話, 今日好忙, 今日只有自己一個, 頂, 我琴日都係自己一個人撐哦, 我都要去應酬你地咁多位大爺哦, 之前D亞姐已講左, 只有一個人返工唔係一個藉口, 幾多個人返工, 都要做野架啦, 真係好憎D人再用呢個藉口, 佢地做得仲耐過我啦, 都應該一個人OK, 唔OK都要OK, 唔OK都要死撐住, 個個都求輪其, 就係呢個時候, 我亞姐又發表佢既偉論, 就係佢應為我太好人, 唔夠強硬, 所以PUSH唔到D同事做野, 佢又唔想下, 我只係一個文員, 人地理我都傻啦, 而且之前又係亞姐你叫我唔好講野咁挖, 講野要態度好D, 佢之前又話有D分行同事打俾佢, 同佢講我同佢地講野態度唔好, 講真, 你地唔俾麻煩我, 我當然對你地好啦, 但係你地打緊邊爐, 我都對你地好嗎, 我真係無咁好氣囉, 做人真係好難, D人事咁麻煩, 我都唔想做了, 唉.....

       

         琴日終於去左做尖了, 一個人, 真係有D悶, 而且第一次去, 我覺得唔好去到咁盡, 如果唔係抽筋抽死,  所以我只係選D簡單野做, 就係踩單車, 踩左成個鐘, 因為係咁睇人跳健康舞, 睇睇下就踩左成個鐘, 對腳又唔係好累, 不過個PAT就有D痛, 因為果張櫈唔係好好坐, 有D"銀", 所以而家都有少少赤赤痛, 呵呵, 所以各友好同事, 今日唔好攻擊我個PAT住, 呵呵

         做完尖, 行過間麵包店SIMPLY BREAD, 都無想過入去買架, 因為知佢係好貴下既, 買一個, 等於出面買兩個, 不過都忍唔住入左去睇, 見到有個叫"笑笑虎"既包, 即刻想起屋企既虎虎, 所以想都唔想, 買左3個先, 一人一個, 呵呵, 好開心, 搭車都唔敢瞓, 費事壓餅佢, 不過我買既時候佢寫住係芝士檳, 但今朝食既時候就變左做栗子涵, 有D失望, 不過都好Q, 似我, 所以咩涵都唔緊要啦, 呵呵

          P.S. 小LING, 小PINK, 我都想再抽果個盆栽哦, 不過我去開果檔都已經無晒了, 不過呢, 如果我再見到, 我一定抽幾個俾你地, 呵呵, 小PINK, 我果棵黃牙白我都唔敢去掂呢, 而家等緊勇士去掉左佢, 我怕一揸上手就有虫"標"出來, 呵呵....

         今朝秘書來搵我, 同我講出FAM TOUR既野, 我因為做唔夠3年, 要賣身俾公司, 仲要賣半年, 即係話我要出呢個FAM TOUR, 就要半年內唔可以走...不過我知呢個世界係無免費既午餐既, 所以我都覺得都幾值丫, 而且佢話如果我要走, 只係扣我假, 又無話要賠錢, 如果真係頂唔住先算啦, 呵呵..

         琴日食左D中藥, 個喉嚨係好左D, 今日再去買多3劑, 佢話飲埋呢3劑, 應該都會好返架啦, 不過我次次病親, D菌都好叉毒, 成日都要好耐先好番, 希望可以快D好番啦, 我無咩錢再去睇醫生架啦, 嗚....

         之前我去扭蛋, 抽左個小盆栽, 奇連都有抽, 不過佢果盆好似已雲歸天國了, 我果盆就好壯, 緊係啦, 我用柑柑既童子尿種既, 係與別不同D, 呵呵, 仲有之前我以為棵黃牙白已經掉左, 點知俾我在廚房既角落再發現佢, 真係好嘔心, 因佢好似開始發毛, 希望亞媽唔係打算用呢棵黃牙白煲菜乾湯啦...

         我上次出團, 好白痴地帶左D野返來, 就係我既車頭紙, 因我覺得我既第一次有好多野都要留低, 因都唔知仲有無第二次, 不過張車頭紙都幾靚丫, 好值得我去珍藏.....

 

         今朝亞姐俾左個好好既建議俾我, 就係去健X工房度買D中藥飲, 因佢個仔之前都病左, 飲左幾劑就好返, 咁我就好聽話, 12點就鼠左落去買左3劑, 都好抵, 3劑都係50蚊, 不過要食左LUNCH先飲得, 我食完LUNCH之後就叮熱來飲, 小丫, 難飲到仆X, 飲到手都震埋,我亞姐見我飲到個死樣咁, 就醒左粒嘉應子俾我, 不過我都飲完先俾我, 呵呵, 佢心情都唔錯, 佢對我咁好, 唔會有咩野預謀吧, 防人之心不可無呢..

         今日日本文返工了, 有佢係度, 大家既情緒都高漲D, 真係開心D, 少左是旦一個都無咁好玩呢, 而且佢幫我買左D B仔野, 真係平到死, 平到爛, 好可惜我無睇啱任何野, 真係好失望, 我想買手錬架, 不過想到自己成日都係兩手空空, 有幾何帶手錬丫, 唉...搵到都唔可以亂洗, 都係要找咭數, 人生真砍呵.....

         P.S.仲未有人搵秘密同我交換嗎, 呵呵??

 

         平時病呢, 我都係食D咩野傷風素就由佢, 而家呢, 今次真係大單D, 連做野都唔多做到, 都集中唔到精神, 工作效率跌得好緊要, 真係無咩力, 一上車, 一返到屋企就係瞓, 瞓左都有唔舒服, 估唔到我咁大隻, 都會病囉, 去台灣果幾日都無事, 係返來果日先出事, 我又咁無左100蚊, 賺左回來又攞來買藥, 有D唔"老黎", 呵呵, 不過算啦, 我相信, D錢係要洗左你先會去賺返來, 個人咁先有D動力去搵錢既, 呵呵

         返左來香港都有幾日了, 個心都有少少仲係台灣, 台灣真係一次玩唔晒既, 所以我地都仲有穩定既收客量, 呵呵, 我真係好想再去多次, 而個天都如我所願, 我下個月既26號再去台灣, 不過今次係考察團, 唔駛錢之餘, 仲可以補假添, 正, 又唔駛做野, 真係開心死貓奴哦, 呵呵呵, 不過今次去既係台南, 全部去既都係農場囉, 激死貓奴, 不過都好, 當去RELEX下都好, 如果佢去台北就好啦, 起碼可以去搵我既台灣妹妹欣怡丫, 又可以搵我既第一個...GUIDE LEO哥丫, 我麻煩左人地咁多, 點都應該要請佢食餐好既, 不過今次既考察團十成十都見唔到佢地了, 而且, 今次帶呢個考察團既airlines staff都唔熟, 好怕會悶死, 不過唔打緊, 我可以同d牛呀, 羊呀, 豬呀, 打下交道, 話唔定可以識到新朋友

          琴日收到個客send俾我既相, 今次出團我無帶相機, 話晒我都係T/L, 都唔可以好似D"劇"係咁影, 咁就索性唔輪帶囉, 呵呵, 不過呢個客D相好大, SEND唔到出去, 有D失望, 唔知佢點SEND俾我既呢??

         好..以下就係貓奴四天既行程:

         14/04 香港-->台北--> 野柳-->九份-->廟口夜市-->酒店

                    野柳: 公園一個, 係海邊既, 超大風,

                              衣衫單薄既貓奴感受既只有---涷

                    九份: 以為係好靚既地方,

                              點知因天雨同帶埋班"劇既關係,

                              貓奴只係停左係入口附近, 咩都睇唔到,

                             嗚...咩野係悲情城市呢?

                    廟口夜市: 係住既酒店後面既夜市, 放低左班"劇",

                                       就同帥哥導遊(嘔)LEO

                                       及佢既同事去左食宵夜, 呢日係LEO既生日呢,

                                       真係慘, 生日都要對住我,

                                       一定激死佢囉, 呵呵

                    酒店: 住長榮桂冠, 都唔錯, 房好乾淨,

                              又有海景, 係夾房既人麻麻地

      

          15/04 故宮-->珍珠-->LUNCH-->小人國-->六福村

                    -->西門町-->龍山寺-->華西街-->酒店

                    故宮: 睇呢個玉做既白茶同肥豬肉,

                              都真係好Q堅既, 有亞LEO哥既

                              生動講解, 去到咁悶既地方都覺得有趣,

                              (咦, 我好似變左做"劇"咁)

                    珍珠: 入站, 果D SALES亞姐好利害, 而且好叉煩

                    LUNCH: 去左水龍吟, D野食真係幾OK,

                                   團餐有呢D野食都好唔錯

                    小人國: 睇D袖珍既野既, 不過LEO哥無興趣入,

                                  所以我又唔好意思話想睇下

                                  所以都唔知佢內裡係咩來既,

                                  只係知D"劇"覺得唔係咁好玩,

                                  上到車, LEO哥話係FOR3-8歲既小朋友玩既,

                                  所以D"劇"當然覺得悶啦

                                   成車人只有一個3歲既o靚仔

                     六福村: 又一個樂園, 有多d機動遊戲,

                                   啱大人小朋友玩, 又係在門口放低班劇,

                                  上車瞓覺, 真係好爽哦, 呵呵

                      西門町: 食亞宗麵線就係呢個地方了,

                                    係LEO哥請晒成團人食,

                                    唔知佢會唔會開工數呢??

                      龍山寺: 係一間廟, 都幾靚架,

                                    LEO哥教大家拜晒咁多位神像,

                                    仲有籤求呢, 好似好靈架,

                                    不過我係T/L, 唔可以求

                                     好失望哦, 下次去, 一定要求下既, 呵呵

                      華西街: 入都無入去, 所以都唔知係咩野樣,

                                     不過好似係同西門町果D既夜市差唔多囉

                      酒店: 住康華, 好嬲囉, 尾房唔緊要,

                                電視開唔到, 搵人整,

                                一整, 就跳左制, 電都無埋,

                                 係房門口呆等左差唔多一個鐘

                                 大堂M上來, 先至肯換間房俾我,

                                 唔通T/L就唔值得酒店既人尊重?

                                 同房既"劇"無啦啦帶外人返房,

                                 當然俾我"烹"走左啦,

                                 有無帶腦出街架, 咁鐘意帶人返來,

                                早就補S/S啦,  咁就唔駛煩到人地啦

 

                      15/04 "皮優"-->中正紀念堂-->LUNCH-->

                                 深坑豆腐街-->台北101-->

                                 山地-->溫泉-->餅店-->士林夜市-->酒店

                       "皮優": 又一個入站點, 都有"劇買囉, 一"巴""巴"咁黎,

                                    LEO哥真係好勁呢, 呵呵

                       中正紀念堂: 睇到換兵儀式, 唔錯, 不過走失左,

                                             好在可以打俾LEO哥求救, 呢幾日麻煩你了,

                                             不過都係果句,

                                             公司對你既恩賜, 你邊可以避得到呢, 呵呵

                       LUNCH: 去左食火鍋燒烤兩食自助餐,

                                      食完之後呢, 都有D喉嚨痛

                       深坑豆腐街: 成條街都係賣D貓奴最憎既野--臭豆腐

                                             好在, 又係LEO哥帶左我去食豆腐花

                                             D豆花真係好味道, 多謝LEO哥請客, 呵呵        

                       台北101: 大廈一座, 係外形比較出D,

                                       都係香港既IFC 2期靚D

                       山地: 又入站, 駛唔駛入得咁密呢,

                                 不過D"劇"照買

                                 呢個站應該係最多"劇"買野既一個站

                       溫泉: 去左水都, 係公司獨家既, 

                                 絕對唔會撞到D花花, 華華旅行社

                                  環境唔錯, 可惜我無得入去睇下

                       餅店: 我係度攞左好多餅, 多過D客,

                                 多謝中符, 下次我一定

                                 一定唔會咁狼死啦...

                       士林夜市: 因貓奴約左小青去飲野,

                                         所以就跟客返左酒店,

                                         完全係入都無入過呢個士林既

                                         不過我估同其他夜市都無咩分別

                        酒店: 今日係最後一晚住呢間酒店, 返到去,

                                  個廁所塞塞地

                                  同房客叫左人來通, 通晒, 呵呵

                                  不過無啦啦同佢傾偈, 令到貓奴少左時間瞓,

                                  個黑眼圈既直徑又增大左

              

                        1704 自由活動-->茶葉-->香港

                        自由活動: 去左環亞百貨等台灣既同事欣怡,

                                          佢帶左我去食LUNCH,

                                          不過都係食FOOD COURT,

                                          雖然食既野唔特別

                                          最重要都係同我食既人,

                                          跟住上左中符既公司, 不過人影都唔多隻,

                                          原來佢地公司只有咁少既人手呢,

                                          唔怪得D野出得咁慢啦

                                          跟住我打的去左西門町既黑橋牌掃貨,

                                          要碌咭呢, 嗚....

                                          去左誠品, 不過好唔舒服,

                                          所以無心機去睇呢D"嬴"

                                          再打的返酒店等班"劇"

                         茶葉: 又一個, 又一個站了, 不過亦係最後一個

                                   氣氛唔錯, 不過唔多人買野, 應該都無得分

                                   而且LEO哥係呢個站都俾左D分到既錢俾我

                                   不過我之前食左佢咁多野, 可能都唔夠俾呢,

                                   就算呢度有得分

                         跟住就出機場, LEO哥幫我挾TIP,

                         又幫我B客, 又幫我編機位

                         佢形容呢次既團係公司對佢既恩賜

                         而我亦應承佢會燒左個牌,

                         等我唔駛有機會再去台灣,

                         連累各位FIT GUIDE, 呵呵,

                         THE END, 真係好累,

                         呢篇野都要分左兩次打呢

                         貓奴要返去瞓了,

                         各位, 係咁先, 唔係咩呀, 詳情下回分解

         次次一旺季呢, 亞姐都會扮忙, 佢可能係想同我鬥忙啦, 次次都同人講, 好忙呀, 但係佢忙中又有時間去吹水啦, 剪指甲啦, 鬧人啦, 見人就鬧, 包團部同事啦, 分行同事啦, 我啦, 個個都鬧, 但係佢鬧完之後又怕人地會反面, 就死狗地同人講笑, 諗住人地就會唔記仇嗎, 哼哼, 真係好憎佢, 我都好少同d人咁唔夾, 有d人同我呢, 一唔夾, 就唔會講野, 例如中長部某同事, 一入來做, 大家已好唔妥大家, ok, 大家無野講, 我不犯佢, 佢不犯我, 呵呵, 唔錯, 不過呢, 而家呢個係我亞姐, 唔夾都要同佢講野, 不過有d野佢明知既, 佢都要問一大餐, 真係好叉煩, 唔忙, 我可以應你, 但係當我忙既時候, 請唔好煩我, 你一煩我, 又話我燥底, 算啦, 好煩, 真係唔想........唔講了, 呵呵......

         星期六呢, 超好瞓, 瞓到差D約左人地都唔記得左, 本來約左大脾同奇連去行街街, 點知變左去紅館睇金像獎, 坐61段既...35行, 去開睇演唱會都知, 35行, 即係尾二果行, 呵呵, 不過氣氛良好, 真係幾好笑, 好睇過係電視睇囉, 可能呢世人只係得呢次機會睇金像獎既LIVE呢, 呵呵, 跟住星期日我去左同媽媽同家姐買喼, 好開心, 好少一家人出去買野囉, 跟住買左好多耳環, 又去左新地方食晚飯, 係食法式越南野, 係世貿中心既, 都唔錯, 我仲俾個MENU撞"魚"左個咀, 都幾樣衰呢, 呵呵.....

          P.S.個喼買左$594, 真係好貴, 因亞媽叫我買個26吋, 好差大個呢, 塞埋柑柑入去都OK...

         好開心, 琴日同左大脾&奇連去左過料加飲野, 大脾真係一個老領, 佢既資料真係好詳細, 佢真係一個專業既領隊呢!!我地應該都由8點度開始, 講講講, 講到11點幾囉, 大脾不停地講, 真係好好, 好PRO, 好詳細, 仲要佢畫埋地圖呢, 另外奇連都有加少少資料俾我, 不過琴日講到11點幾, 都未講完, 都係講到分酒店房同分枱食飯咋, 真係好多謝各位對貓奴咁好呢, 今朝小青打左俾同我同FLIGHT既領隊MR.LEO, 叫佢睇住我, 真係好感謝各位, 出完團之後, 一定要請大家食一餐好好既, 貓奴講過就一定算數既, 呵呵...

         今日係我果團開茶會, 負責開茶會既MARTIN, 佢話我果團老弱殘兵多囉, 我個心即刻沉左一沉, 不過有大家過左咁多料俾我, 我一定會俾心機架, 希望可以做好D, 就算做唔好, 都唔希望會有出錯, 都唔希望有投訴, 總之我會努力的, 好多謝各位既精神上, 實質上同肉體上既大力支持呵呵....

          多謝晒..啜啜啜 

         琴日, 我最愛既金三珣終於做左大結局了, 好唔開心, 以後貓奴又少左套劇睇了, 嗚..., 真憲哦, 真憲哦...嗚...唯一既寄托都無埋了, 嗚...我覺得個結局麻麻地, 都無講佢地有無結婚, 真係想佢地有個好結果, 佢地兩個都幾襯丫, 唔知拍既時候有無傳過緋聞呢, 真係好想去韓國行一轉, 另外星期日先會做既果套王子變青蛙都OK既, 劇情都唔錯哦, 不過呢, 一星期先做一次就少左D, 之後無線又會播套新劇"女人唔易做", 好似又係講姐弟戀, 林峰做主腳, 都值得一睇, 不過佢好似係17號開始做, 而我果日仲做緊奴隸獸, 錄左佢又會無聲, 有邊個可以幫下我呢??

         今日俾台灣既妹妹串我係菜鳥, 原來菜鳥係等於沒有啥經驗的新手, 我係比沒有啥經驗的新手都不如, 可能係我係菜乾鳥都唔頂, 唉, 總之係煩啦, 你估可唔可以來一招, 技術性推團呢??呵呵...

         P.S.亞婷, 我俾人派左去自己既地頭---台灣呢, 你既迪迪尼手信幾時攞呢, 就快發毛了...

         今日真係心情好沈重, 因已經派左名, 仲要係多人數既, 整死我咩, 本來覺得23人都好q多, 而家仲要係28人, 仲要有幾個死o靚仔, 唉, 我最怕就係對住d o靚仔, 好怕去服侍佢地, 我之前做反嘔城仲未服侍得夠咩, 而家仲要黎, 不過真係好驚, 比我預算多好多人, 原來想帶d 10來隻就夠了, 都唔係為左錢, 想去睇下o者, 而家, 派咁多人, 我顧得d客, 自己咩都睇唔到啦, 唉...真係好擔心, 咁多人, 好多人, 駛唔駛咁多人呢??

         而家超緊張, 我而家可以做d咩呢, 等死嗎, 喼又未有, 屋企果個唔知可唔可以呢, 不過之前都係攞來去澳門, 而家去四日, 係唔係應該買一個大少少呢, 買拉錬既好, 定係???好煩哦, 好怕對住d客, oh.....貓奴煩死左.....

         今朝就有D唔開心, 因谷奶人近來成日都忘記左我同佢既約會, 可能我係佢心裡面既地位已變得唔重要了....... 話說大家去買左D谷奶既用品, 我只買左少量, 谷奶人為左谷"痕"佢, 就買左大量, 呢D就係有人睇同無人睇既分別, 因佢有佢HONEY睇丫麻, 話晒都叫做有用家丫, 呵呵, 我買左到而家都未開過個袋, 當初會買係因為人地咁熱情, 俾左咁多野我TRY, 我無理由運吉架麻, 咁我脆脆地都買左一個囉, 不過呢, 我怕洗左之後, 俾貓奴家人見到, 又有話柄俾佢地揸手, 所以仲未使用該產品住...

          今日谷奶人佢就提供左一個超好笑既方法, 本來心情麻麻, 但佢講完呢個方法, 令我真係開心左好多, 佢叫我"帶返公司洗, 晾係你枱底", 真係笑死我, 估唔到佢都幾押韻, 仲要改左個名叫"晒爸人", 笑死...!!!不過呢, 貓奴不嬲都係咁, 成日買完D野都唔用, 谷奶人, 如果有一日, 我好似你咁突然偉大左, 就即係我用左既提示, 不過你唔好成日都昅住貓奴, 貓奴會忍唔住去炳你既...呵呵

         今日又唔知醒了, 真係黑仔, 起身都係因為有朋友打俾我先知醒, 一醒就大檸樂, 原來已經係8點半, 我用左兩個字就出門口, 但仆在, 落到街都等左3個字車, 頂丫, 我又唔想搭車去CB再轉車, 唉...懶既結果就係要蛋(等), 不過我唔知醒都係因為唔記得教"尿"鐘, 跟住又成晚都發惡夢, 夢見自己係一個世界, 果個世界俾兩隻好叉大既大熊人襲擊, 好多人都死係佢地手上, D人都搵地方走, 我就俾人派左出去引開隻熊, 不過我好無膽, 我就襯隻熊行開唔覺既時侯就走左去, 仲有人問我, 你唔理D人啦嗎, 你就咁走左去, 不過呢, 無理由要我為左D唔識既人而去死既....我唔係偉人, 跟住就醒左(果時係5點幾)去廁所, 一瞓就瞓到8點半了, 呵呵

         星期四貓奴又會入去迪迪尼了, 好開心, 今次係同小青, 小ling一齊去, 一定會好好玩既, 希望今次自己唔好再買野啦, 因貓奴已經係超窮了, 仲有13日就要出團了, 雖然都仲未派團, 但我真係好緊張呢, 我都唔知自己會唔會做錯呢, 近來成日都環繞住呢個問題, 一定令大家覺得好悶, 呵呵, 唔好意思, 我個space不嬲都係咁悶既, 呵呵