今次好快就出完團返來了,

估唔到咁快就四日,

返到來仲放左半日假,

所以精神都好好,

今次都係拍我最愛既小曹,

本來有機會拍刀手符妹的,

不過我有D驚, 而且見我同小曹熟D,

所以都俾返小曹我, 多謝你哦, 中符...

大家都係去台灣,

不過好多同事都唔多撞到,

所以我頭兩晚都寂寞地在酒店過,

不過我都無所謂,

因為返到去有個五星級的家真係好唔錯,

坐坐下在床上都瞓著左,

住左三個晚上都係第二朝先沖涼,

大家一定覺得我係好污糟了, 呵呵...

不過我點都有洗頭同沖涼的啦...

今次去台灣都有個小任務,

就係將媽媽織既冷衫仔俾小小曹,

曹太太收到好開心, 仲叫小曹打俾我, 專登在電話多謝我, 呵呵

曹太太實在太客氣了, 仲話下次請我食飯,

真係好想見到美豔既小曹太太真身...聽聞身材好勁的, 呵呵....

跟住最尾果日去西門町買野,

為左悭錢, 所以都係搭捷運,

平時去親都係打的既,

在西門町見到好可愛既小貓,

一叫佢就行埋我度,

痴實我, 不過點都唔肯望鏡頭,

跟住買完野再行去搵佢, 佢又痴埋來, 呵呵

真係好想帶佢返屋企呢....

 

各位,

本線路既包機係早機唔係凌晨機,

過左十二點就係第二日,

請搞清楚,

做旅遊業都可以搞錯....

唔好再叫我下次包機唔好再做凌晨機,

因為果隻根本就唔係凌晨機,

果隻係早機, 係飛5點,

而各位出機場已踏入左21號,

橫跨兩日先叫凌晨機的啦....

我都知咁早出機場係好辛苦,

不過如果各位唔願帶都可以推團,

條線唔係我既...

我只係一個幫手而已....

有意見請向本線主管反映...

 

唉也,

今日收到了22號既資料,

小青同LING可以拍住住三晚一樣....

仲要住基隆咁遠,

不過果間係都OK既,

不過就係離市區遠一D啦....

仲想三日都出去食野添,

咁我一定要悶足兩晚了,

第三日先可以同佢地去食野了...

不過第三日都可以玩夜少少既,

因為第四日都可以晏少少起身,

第四日都可以約埋一齊去行下街丫

好想食MOSS BURGER哦....

好想食度小月哦.....

仲要買六包黑橋牌.....

唉也,

希望今次唔好再要我做咕哩了,

咁多人出, 唔好再搵我了...

都唔好搞我D好姐妹,

食咁多年, 食厭啦,

唔好搞我地呀,

今日收工前去左四面神度,

求大家出團順順利利,

保佑大家平平安安....

 

又出團了,

又係台灣,

一定係覺得我份人好悶吧...

不過今次係同小青, 小LING, MUI MUI佢地去既,

係有D唔同既....

呵呵

而且我今次係想帶少少禮物俾小曹B既,

好似係5月就出世了.....

好想知佢BB係咩樣啦,

如果我按原定計劃,

有可能要去旅行先可以見到佢BB了,

因為我想出完呢團就唔再帶了....

因為夠了,

真係好攰同好大壓力呢,

次次出團都會有D身體唔舒服,

又會有壓力壓住自己幾日,

基本上年幾兩年以來,

應該係考到牌以來,

每逢旺季都出團,

都無真真正正地休息過....

而且我覺得太多不公平事件了,

好似好多不公平事件都發生在我身上,

而且我近來都成日都做錯一D唔應該錯既事,

我估, 真係有D到左我既極限了....

所以而家係一掂到張床就可以昏迷咁....

我覺得

我係時候抖下了....

另外希望今團可以拍到小曹吧...

希望可以順順利利,

唔好再肚痛.....

大家搵到錢.....

 

星期一放左工無聊聊就打算去fancl買下野啦,

因為我個九折只係到月底咋,

而家d yen係咁升,

在香港同日本買都差唔多呢,

雯雯叫人在日本買左兩支卸妝油都係比我平十幾蚊...

所以我就在香港買囉,

反正月尾前一定要儲夠六十分先可以續個九折,

點知我係想買兩支卸妝油架咋---最初....

不過

點知...

衰左,

我買左一大堆返出來...

買左千八蚊....

真係......

出血....

未出團先出血.....

返到屋企亞媽又話佢無做,

炒左人地魷魚....

搞咩呀........

琴日又話公公入左醫院......

今日返工又要對住個未瞓醒又要聲大夾惡兼無準,

且堅持自己d白痴無聊意見既人,

你想點咪點囉,

我做細既仲可以點...

真係要努力一d.......

搵出一條生路俾自己....

 

琴日終於可以放假了,

因為真係無咩力去做野了,

所以亞姐都批左我一日假,

不過今日返來,

亞姐又話佢明天要放...

最忙既星期五.....

由佢啦, 唉...仲可以點丫....

放假前一日出左街,

星期二放工同左小PINK, 小青同小LING一齊去CB食BKK野,

都唔錯呢,

最騎呢係個炒麵囉,

所以只有果味餸食淨左,

跟住就去左睇戲,

睇左一套史上最爛既片"賤狼300"

個戲名都夠爛, 套野仲爛, D劇情仲爛, 不過都好似係無劇情既.....

仆佢個街, 真係好狠爛....

睇完真係覺得蝕死我, 俾左50蚊佢,

點解二家姐話好睇呢?

我今日問佢, 我以為二家姐睇左,

點知佢話佢未睇, 而且佢唔會入戲院睇....

PK丫, 早知睇套恐怖片仲好...

起碼有個效果睇下丫.....

返到緊企好鬼眼瞓, 就瞓左喺廳,

仲瞓到四點, 沖完涼已5點,

之後又唔多瞓到, 就睇下錄影帶到六點再瞓到旁晚六點,

十二個鐘, 叉足電, 呵呵呵.....

好充實既一天....

唔返工真係好好,

而家覺得返工真係唔開心, 

唯一好處就係可以見下自己鐘意既同事仔,

同避開最討厭既家姐...

如果自己一個人住, 我估我會好痴家...

星期一收到小青既手信,

真係好可愛呢....

我都未收過呢類既手信...

個韓國公仔令我想起前幾個月同事SEND俾我既兵馬俑,

果位同事仲叫我一定要放係公司台上...

我係放係公司,

不過放左係櫃筒囉....因為........

P.S 仲有在小LING度打劫返來既公仔LOGO擺設(我估係用來放萬字夾, 同夾MEMO既)