| Queenie's profile涼QQ & 小柑柑的世界~~PhotosBlogLists |  Tools  Help |
|
March 27 4月7號再向台灣出發~~琴日已經派左名去台灣了,
想到無想到會出呢團,
所以都幾驚喜,
初初以為出死CHEAP團架麻,
無咩行程可以早D收工,
點知呢團都唔多行程, 都可以接受, 唔錯,
而且住一晚康記獨家既水都溫泉,
雖然之前已開過房,
不過今次真係住入去,
真係好期待,
希望係第一晚住啦, 咁第三日自由活動都會方便D,
不過今次咁細團, 都無可能會係FIT T/G架了,
希望唔係係F/L GUIDE啦, 真係有D驚囉, 唉...
最希望係搵到食啦,
咁我既萬元戶既夢想就可以快D達成架了, 呵呵,
本來今次想試下去新既地方架,
不過見亞姐又玩黑面,
咁就費事要求咁多了~~
只望今次順順利利~~ March 22 花展~~上星期六放左工同媽媽同家姐去左行花展,
一個月前媽媽已不停地問花展係幾時,
因佢要攞定假去行,
我記得好似上次新年出團前已不停地問架了, 唉~~
果日終於如佢所願,
丫, 我覺得今年既花花都好靚,
上年我地去到既時候已係水尾了,
好多花都謝晒囉,
今次D花花就開得好靚, 我用手機都影左好多相, 都有成百張, 呵呵~
我仲教埋媽媽影相添, 呵呵
幾好玩
我5點先放工, 我地由天光行到天黑,
成8點幾先走出去食飯,
我地買左好多花花,
查實屋企已有好多花花草草架了,
而家就再多少少囉,
唉, 不過買左D好耐都無種既野,
叫鐵蘭花, 唔駛成日都淋水架,
間唔時噴下水就可以, 好方便,
不過我記得之前我都係種死左一棵呢, 呵呵
果日我返到屋企發現左個手提MON裂左少少,
簡直係晴天霹靂!!!
真係好唔抵, 我咁少用, 都會裂,
去左問價, 換一換個殼都要用我一舊水,
又要帶單去, 真係好死煩,
今日俾文文佢地見到我裂得果少少,
就笑我, 不過我緊係想自己用既野係完美架啦,
話晒都係新野丫麻, 哼, 都唔明白我既~~
好啦, 俾大家睇下我N73影既靚相先~~
March 17 柑仔照~~好肉既照~~終於的起心肝同柑仔影下相...
佢真係無時停,
當你以為佢會停既時候,
佢就疾跑....
我真係年紀大, 機器壞,
無力再戰...
所以相既質素好極有限...
大家喺蒙郁鬆既情況下,
應該可以見到柑仔長左肉既....呵呵~~ March 15 脂肪天堂與牛的地獄~~近來真係好想的起心肝去纖一纖體,
因實在真係過份地肥呢,
自己都睇唔過眼呢,
咁而家試緊新招,
就係lunch時食沙律,
仲要係好菜果d, 我覺得似係牛食架囉,
所以我稱果種生活為牛之體驗, 呵呵
不過我都係忍唔住口食零食呢
雖然lunch係食d無咁肥既野,
不過依然無咩進展丫,
個腩依然係跟實我...
都係少做運動既錯呢, 呵呵~~
又食咁多零食,
不過喺公司真係好有食神架,
又成日都坐,
所以做就左我咁正既身材, 呵呵~~ March 13 近來火噴噴, 興合合~~近來都好難控制到D脾氣,
又或者講親野都係錯既,
我覺得自己少D講野會好D,
我覺得自己做一個聆聽者會好D,
可能仲會多D朋友添,
因我近來講咩都錯,
但係我又唔想谷住,
唔講, 又好似唔妥咁,
一講, 你就會得罪人...
做人都真係好艱難架!!
今朝拉開左廳既窗簾布,
見到大大個太陽, 可以用肉眼望到又唔刺眼,
如果好似呢個太陽咁就好了,
好似好平易近人咁,
見到就覺得好舒服,
我果一刻感覺~~人生充滿希望~~
可能講得有D誇張呢, 呵呵
不過點都好,
我用手機影低左, 我唔知點ZOOM近哦,
所以只影到好似粒豆咁, 呵呵,
雖然我係充滿希望(果一刻), 不過呢, 我又遲到,
第二日了, 連續果隻, TOTAL無左25蚊,
呢間公司, 真係吸血鬼, 無人性, 無天理,
殺人放火金腰帶, 修橋補路無屍骸!!! |
|
|
