附加新年團友仔送既相, 團友仔用既係好正既相機, 影出來好靚呢,

仲見到我件行李...仲有果箱餅...呵呵呵...我係大盜......

唉, 呢兩日都好攰呢,

公司又多野做,

自己返到屋企食完飯又死去上網...

我太沉迷了,

唔怪得之佢地在FB都TAG我做沉迷電腦者...

我要唔好晚晚都上先得...

日日都對部腦九個鐘啦,

返到屋企又玩幾個鐘,

我唔想有近視呢,

本身副尊容都唔係好果D來架啦,

仲要帶埋眼鏡,

一定嚇死人,

呢幾日, 唔係整電腦就係在公司OT,

又唔係旺季, 今晚都要七點八先可以走....SHIT~~

係我手腳慢定係咩呢,

D野做極都好似做唔完咁....

日日俾人吹入名...

我邊入得咁多丫,

唔通要我帶返屋企入咩...

我報左gym都未去玩過,

雖然係幾廿蚊一個月o者,

不過都唔可以咁浪費d野架麻...

唉, 我要加油...

我要做野快手d呢...

唉, 我唔要再ot...

今日終於有人上來整上網了...

我覺得香港寬頻既人都幾好丫...

服務都唔錯丫,

所以我填佢俾我既問卷時我都填十分滿意...

不過原來我都係買漏左野,

就係router係一個發射既功能,

 我要買一個野去接收...

早知我問清楚啦, SHIT~~

今日晏左少少放工,

因為俾亞姐見到叫我做埋亞皮蘇先...

反正我估我會好快手既,

所以都無所謂...

今年, 真係無驚喜...

而且個市咁差...

都唔會有咩可以俾到我地了....

今年重點竟係我既出席率...

想起有D人, 由其話我果個...

同我既遲到次數都差唔多...

好似專登挑D野填落去咁...

有D唔甘心囉...

佢唔算係有資格討論我出席率既人...

自己都唔係一個好既榜樣,

不過我想到有幾負面都好丫, 都無用...

因為只係得個想字...

呢度...永遠都要正面D...

早晚涼...車程長...帶乾糧...錢要唱...

星期六同左BEAR及媽媽去飲茶...

好開心呢...

因為我都好耐無同媽媽飲茶了...

而且都有一排無見亞BEAR了...

飲完茶,

亞BEAR就陪我去買野, 媽媽就返屋企...

我去左298買高清手指($399)同無線上網ROUTER($299)

都好貴呢,

洗左好多錢...

本來想買埋OFFICE架,

不過我自己心大心細...

又無買, 點知買完手指之後果檔野就走鬼閂左...

好黑仔,

唯有返學時過去買左先上堂啦....

麻鬼煩~~

不過買左果D野返去, 完全都唔識整...

好在ROUTER會有整上網既人幫我整,

BUT高清手指真係難到我呢...

因為無個窿啱插~~SHIT~~

插呢家野, 我真係唔識, 呵呵~~

跟住我地買完野就上左山頂...

有D失望呢...

因為天氣好差, 好大霧, 又有雨粉...

好在有著長袖衫咋...

落左山之後,

就去食POKKA CAFE...

因為太攰了, 食完就返屋企了...

我覺得自己既體力真係越來越差呢...SHIT~~

希望我快D搞定部腦...

快D有得用啦...

其實琴日已駁好左D MOUSE同KEYBORD果D野...

突然覺得自己好叻呢~~

呵呵呵呵~~

好耐都無見過太陽了...

仲要係可以用肉眼望住都唔會睜唔大眼...

琴日起左身,

搽面時見到好大個太陽...

不過煙蒙蒙...

成個天都灰灰地咁樣...

雖然我大個左都盡量去做好D環保...

不過一個人做都唔夠力...

十個人做都唔夠力...

根本而家係同個地球鬥長命..

你會唔會生仔女出來丫...

生左出來, 佢在世, 可能就會見到地球滅亡...

好似好嚴肅咁...

不過好多野, 唔好咁浪費...

我信, 下一代會生活得更好囉...

唔知係唔係真係空氣差左...

我既皮膚都差左...

琴日好可怕,

喺公司已成日都出面油...

又紅又痕又敏感...

好灰架, 次次轉天氣,

或者一焗就出事...

以前都無咁差...

不過呢D野...真係好難控制

喺香港, 都無一口新鮮既空氣!

有時去到台灣...或者第二度...

我覺得空氣都比香港好多...

好似越拉越遠....

今日同亞BEAR同媽媽去飲茶,

再睇下會唔會同亞BEAR上山頂...

不過一定要去買電腦既野...

好忙碌既星期六呢...呵呵呵

琴日早上已送左部電腦返屋企了...

本來想早D返屋企執下書枱放好佢...

點知喺屋企附近撞到舊同學仔紙巾~~

佢個樣真係十年如一日呢...

都無咩點變...

同佢傾傾下,

又撞到上年結左婚既同學仔同佢老公~~

琴日好涷呢~~

下次吹水,

真係要搵D室內既地方呢...

吹左成個幾鐘

返到去都好攰呢~~

都無心去執枱,

是旦求期推埋一邊就算了...

咩都未買,

又要買ROUTER...

又要買高清手指...

不過而家有個CONCEPT係買咩牌子...

同知道大約咩價錢就好好多了...

多謝飛比同少爺同豆腐既幫忙...

好過公司果D所謂IT人好多...

果DIT人答左等於無答,

好能廢, 唔想幫手就答我唔識就算..

唔好答D勁廢既答案唔該...

希望今個星期可以買好晒D野同搞埋上網啦~~

加油~~~

 

琴日係親愛的生日...

我請左一日同佢搞生日...

本來想下午去睇戲,

之後再行下街再同大脾食晚飯,

點知大家都遲左...

MISS左奇幻逆緣既時間...SHIT~~

咁就變左, 食完LUNCH,

過左海行尖咀...

行完就食日本燒肉...

我買左一隻PETER RABBIT公仔同鏡仔做禮物...

燒肉就食左一千...

有D出血...

不過我問左佢一個問題...

令我真係好失望...

整日都串串共...

仲要咁失望...

我估佢有一個開心既生日...

BUT我就得出一個失望又嬲嬲地既假期~~

有時未必想一定付出=收獲...

不過都唔好相差太遠,

好嗎???

咁打會唔會激嬲人?

都驚SSS

不過屈住我又唔舒服~~~

PETER RABBIT...好可愛呢~~

我覺得食日本燒肉既碟好靚呢...仲有DOT柄既筷子套, 呵呵

大脾從北京帶俾我既手信, 好可愛既貓公仔, 仲要係HANDMADE, 多謝大脾~~

好開心呢...

因為已買左電腦了...

由入來HT做,

已想買部電腦了...

講都講左好幾年了..

終於琴日買左了...

本來想打去問清楚先買...

問問下, 就想到...都睇啱左個款架啦~~

咁就唔再想了...

內裡係咩功能,

我都未必識用啦...

總之係可以上網就OK了...

不過呢, 原來要用來睇電視要另外買好多野架...

又要買個野FOR無線上網...

如果要睇高清又要買高清手指...

好多錢要洗呢~~

好似我未有足夠金錢準備咁呢~~呵呵呵

 

今日好攰哦~~

因為琴日同左親愛的去睇<遊龍戲鳳>,

成一點先返到去, 三點先沖完涼瞓覺~~

不過套戲都幾好睇哦, 我覺得舒淇好瘦, 腳好長呢~~

華仔好型仔呢~~仲有好多笑位添

仲有睇完好想去澳門玩下呢~~

不過我得個想字...

親愛的一定唔會同我去MC...

佢又會同D同事去沙巴...

好似都無咩機會同佢出國玩咁~~

唉...好失望呢~~

上星期六放工去左整頭髮~~

都係去做下TREATMENT...

髮型師TORI仲私底下幫我夾直左D陰添~~
因為我成日都嫌D陰唔夠直, 成餅野咁~~

好開心呢~~

而家好似整齊好多了~~

不過今次去見佢,

都係叫我快D減肥呢~~

呵呵呵~~

我都知我太肥了~~

TORI覺得我瘦左會好睇好多架~~

我都深信一個人瘦都比一個人肥好睇好多既~~

所以,

我已BOOK左星期四先上一堂GYM,

之後就可以自由去做GYM...

又平, 又近屋企...

希望我可以KEEP住呢團火...

今年希望可以瘦下來~~

希望人可以健康D...

事關我覺得自己出團揸咪越來越唔夠氣呢~~
我估都係關我越來越胖既關係~~

唉...

希望我可以努力加油~~

 

自從上次咳到甩肺之後,

我個左胸下面就成日都痛..

一用力就痛,

瞓醒起身果個動作會痛,

由梳化起身會痛,

咳會痛, 打乞痴會痛, 氣喘會痛~~

呢兩日, 仲要背脊都痛...

搽面時按到面上果D骨位都痛...

好驚, 我怕自己有暗病~~

跟住上網睇下骨膜炎既野...

原來骨膜炎無野可以即刻根治~~

食藥都係止痛同消炎...

女仔出現呢種問題會多D,

會由壓力, 情緒或休息不足等等而引起...

我中晒啦..

前一排旺季做到隻狗咁,

又咳到甩肺...

奉勸各位姐妹,

如果有病一定要睇醫生,

唔好病到好辛苦先睇,

少少開始起就去睇....

如果唔係就好似Q我咁...痛餐死....

又問左CANDY仔,

佢都話要休息多D先會無咁痛...

所以新既一年,

希望我可以爭取時間休息多D...

身體健康D~~

由琴日開始,

一入個BLOG就唔見左D日誌...

點搞都搵唔返...

要去封存左果度先睇到~~

都唔知搞咩呢....

煩煩煩

每次都同D客講下笑~~

同客講:

"如果各位客人真係好不幸地

喺呢四日內愛上左我地T/G小曹的話...

可以在意見書留下唇印...

我會轉交你地既愛意俾小曹..."

點知,

帶左差唔多十幾團,

終於有一位女客人真係印上唇印...

仲要同我講,

平時都唔搽唇膏架,

今次為左我地,

搽紅一紅再印....

好好笑, 多謝黃太~~

另外一個FAMILY,

因為係爸爸填...

唔方便印唇印, 就畫左心心俾我....

好開心, 我呢團真係好開心...

可能其他領隊都會有收過呢D信好多次...

不過我覺得太過引了...

所以掃瞄左...

呵呵呵

 

P.S.近日同個老友吵左咀...

      不過今日又同亞哥好返...好奇怪...

      我係一個壞人, 專搵人吵咀, 呵呵呵

今次去台灣,

都買左好多野,

首先買左16盒我的美麗日記,

真係攞到手都斷~~

跟住出發前買左兩本由領隊寫既書,

買呢兩本書係因為之前在七仔見到一本<團友, 這邊走~>既書....

所以就好有衝動去買, 因為知道機場有折...

不過機場無呢本,

反而俾書店既收銀姐姐SELL我買左兩本,

由第二D領隊寫既書,

因為幾晚我都疑神疑鬼,

成日都凝住房有D野咁,

都唔敢去沖涼同瞓, 咁唯有係咁刨書啦~~

兩本都幾好睇架,

跟住又買左D七仔既OPEN小將精品啦~~

次次落去都有新野既~~

今次去台灣都逗左好多利是,

站又俾, T/G又俾, 客人又俾, LAND又俾,

不過對某D野, 就好失望囉,

都係新人事新作風的關係吧...

下年, 都唔知有無機會去逗了~~

少許失望的一年....

本來想去日本, 都打消緊個念頭了...

因為親愛的又無假....

我又無咩錢...

唉.....

 

又出完團了...

總算順利丫~~~

又唔會有咩大鑊野...

不過就好塞車啦,

上九份都用左半日,

我都未試過見到九份咁多人架...

又多車又多人...

明明轉公巴可以十分鐘就上到九份...

足足企左四十分鐘先上到去,

落山好在俾小曹截到架公巴返去,

如果唔係又唔知要等幾耐先可以返到台北~~

上九份時團友見到彩虹...

我好耐都未見過彩虹...

仲要係兩條添....

都係第一次...不過我影相時佢仲係得一條,

影完先出第二條....SHIT~~

團友們話見到彩虹就會行運,

希望新既一年, 我會行運啦~~

今團有團友當我係佢個大女咁,

好開心, 因為佢有個細仔都幾靚仔,

如果我都有個靚仔細佬就好了, 呵呵~~

OVERALL, 今團好開心呢,

希望, EASTER再去台灣,

都係咁開心啦~~