| Queenie's profile涼QQ & 小柑柑的世界~~PhotosBlogLists |  Tools  Help |
|
February 28 攰~~今日真係無咩野做呢,
本來想一起身就請半日假,
因為真係好想瞓呢,
不過我係一個極度有責任心既好員工,
所以再賴床左一陣就起身了,
真係眼都爭唔開....
好耐都未試過咁攰了....
我由18號開始, 到而家都未放過假,
去旅行都好攰, 最早返酒店果日都八點幾,
最夜果日都十二點幾,
真係去到我盡呢.....
所以我要等到今個星期日先可以休息一下呢....
TOTAL就好似返左13日工先可以放假咁,
真係好羨慕LING LING可以放多一日先返工,
真係同人唔同命呢,
不過都係自己唔敢要求咁多,
因為要人地幫我做野已唔係太好了,
唔通自己玩完仲要人地幫你做野咩....
總之好攰啦,
食LUNCH時睇左一D貓貓既短片輕鬆一下....
好可愛架....
February 27 台北旅/累程~~終於玩完四天台北了....
真係好攰呢,
因為要自己搭車行餐死....
一落機就好快搵到機場巴士了,
不過落左車就賴野, 因為原來要行好遠先返到酒店,
我又唔多識路喎, 又落雨喎,
果一刻, 真係深深地FEEL到, 連個天都唔鐘意我囉...
第一天
機場 - HTL - 故宮 - 士林站(葱抓餅, 喵喵館) - DINNER(鼎泰豐小籠包) - 明曜百貨(義美) - HTL
返到酒店都想唔到邊玩好,
咁就想...故宮囉,
好多人, 好多人, 仲見到符妹添...
媽媽同我都亂來, 因為大家都估D寶物用來做咩既,
見到個罩形既玉器, 就覺得係以前皇帝既何B保護罩....呵呵呵....
跟住就搭左公巴去士林站,
一落左車就食左個葱抓餅, 跟住入左一間叫"喵喵館"度血拼,
再坐捷運去食鼎泰豐....再買義美就返酒店了...
第二天...
HTL - 淡水 - LUNCH(冬甩) - 美麗華百樂園 - 家樂福 - HTL - DINNER(豚屋 - 芝士豬扒飯)
- 士林夜市 (小食 - 豪大大雞扒加白肉蜂蜜苦瓜汁) - HTL
淡水真係好多野買囉, 呵呵,
買左鐵蛋啦, 冰梅啦, 跟住食左芭樂, 一個必食既鹽酥菇, 炸完都有汁既菇, 好好味,
仲有食左花枝丸哦, 好好味,
本來打算去樹屋餐廳, 不過因為趕唔切就食冬甩就算了, 改左做DINNER,
不過去到行完街都只係五點.....
太早了, 所以棄行程返酒店再出去食DINNER, 改餐...
好有帶團既感覺呢.......
DINNER就同LING跟KIKO一齊食, 食完再走去士林.....
不停地食食食......
第三天
HTL - 康是美 - 瑞芳(九份) - 十分車站 - 十分瀑布 - DINNER(信義區上閤屋) - HTL
呢日要出去九份,
我見食完早餐咁悶就去買MARKS啦,
點知買完就十一點半,
死啦, 約左LING十一點九........
自己又買左十二點車飛......好在都趕得切,
小LING, 對唔住哦, 要你等....
九份都係行果D地方, 不過最可惜係無嘆茶,
媽媽最鐘意飲茶架....唔知點解咁趕呢??
跟住就去搭小火車去十分, 不過原來班次係好狠疏,
要等差唔多成個鐘....衰左....
跟住就搵左間CAFE飲野.....
坐左好耐, 到左十分, 係舊車站囉....
去十分瀑布就行左好狠遠, 真係好荒蕪呢, PK丫...
出返來已天黑了.....真係批中左, 玩呢兩個地方要成日....
跟住就去食上閤屋,
質素比在上次另一間分店差好多,
小LING, 唔好意思, 真係唔知會唔好食既,
我覺得魚生真係幾唔錯既....
最慘係令你食左麻麻地既BUFFET後仲要發生左果件事,
好在都解決左, 如果唔係你一定極唔開心......
媽媽都好擔心你, 因為你喊得咁緊要....
第四天
HTL - 誠品信義旗艦店 - LUNCH(渡小月擔仔麵) - 西門町 - HTL - 機場 - 香港
打書釘, 我最愛,
不過媽媽打打下話見頭暈,
咁就係咁易買左兩本COOK BOOK就走了,
去食LUNCH, 都好好味的哦,
擔仔麵, 又唔貴, 又可以睇到人地煮麵, 都好值得去食呢...仲有日本人在拍攝佢地呢...
跟住去西門町, 買左少少黑橋牌...同埋買左一盒鴨舌...
跟住就返去HTL了, 因為D野實在太重了.....
在LOBBY個BELL BOY叫我打的出機場, 我真係想, 關你叉事,
咁我費事俾佢煩就去等巴士,
因為行去巴士站都要兩條街, 媽媽, 辛苦你了, 我無錢打的哦, 呵呵....
坐左呢架長榮機場巴士好後悔,
因為唔係走高速公路, 係走D鄉下地方再去機場,
足足差唔多兩個鐘先出到機場....
我平時出團, 頂多四十五分鐘.....
LANDING十一點....
返到屋企12點35分,
瞓覺係差唔多3點....
SO, 而家好攰....... February 22 去玩去癲去TAIPEI玩~~明天就要出發去台北玩了,
真係有D緊張,
好似出團咁呢,
呵呵
因為今次我都有團有既,
就係Q媽了,
只有兩個女人仔,
希望唔會迷路啦,
順順利利,
開開心心,
仲有我訂左D維格,
希望可以極優惠既價錢買到啦....
唔FREE都平D丫..........
希望可以同LING去食野,
希望可以影好多好多相....
February 20 HAND LETTER~~琴日同左亞哥AND ANGEL出左去食飯,
因為我食左D藥個人好攰呢,
所以全程都好靜....
希望唔會悶到佢地啦,
我地去左泉張居度食野,
一人一百蚊,
好抵食, 食到要打包拎走,
野食又好味喎,
又唔會趕你走喎,
真係好唔錯,
跟住出到去, ANGEL俾左D佢出東京團時買既手信俾我,
好開心,
有最愛既狗哩熊....
正斗......
仲有超可愛既WINNIE THE POOH,
勁開心呢,
之前亞哥去北京, 就買左福娃俾我,
仲有我同佢講佢住既威斯汀既MEMO紙同匙咭都好靚,
佢都幫我班左一套返來...好開心呢,
跟住小青去BKK又買左我最愛既椰子糖,
好FRESH, 好軟哦, 好味, 以極速食晒,
跟住雯雯就買左D北海道野食,
都勁好味, 勁有食神....
之前在台灣痾瘦左果幾磅,
幾日內極速返來我身上....
不過都好開心呢,
好多謝大家出團都記起我,
真係好感動呢,
我星期六到台灣玩, 都會買D大家喜歡食既東東,
我會盡量買, 反正都係打的返屋企,
希望可以買到所有大家想食既野....
開開心心最緊要.....
February 19 我個朵~~請唔好再隨便響我個朵,
琴日發生左一件事,
令我再睇清一個人囉,
本想同呢個人冷戰左好耐,
亦無打算再同佢做朋友架了,
不過見都過左年了....
咁就無謂將上年既野帶到今年啦...
咁就都照同佢講野,
不過唔會再交心囉...
見佢行百萬行, 就支持佢50蚊,
我見佢只係得咁少錢,
咁行百萬行當然係為左善款丫,
如果唔係行來做咩丫,
我就提議佢應該出去行下去募捐下,
點知佢就邊行邊同人地講係我叫佢出來,
人地聽到都唔知會唔會以為係我叫佢出來收大家錢...
我心想, 人地係支持你既,
你唔駛撻我個朵出來囉,
聽到佢係咁周圍同人講,
就覺得你大男人一個, 咁講野, 好CHEAP,
唔好將你募捐既責任卸左俾我...
所以我決定唔會再同佢講野,
唔知下次我講咩野, 令到人地又可以擺我上枱,
所以新一年,
我要令自己小心D講野, 慎言....
我唔要再俾人擺上枱,
請大家自己要做既野, 人地只係俾意見你,
唔好下下都擺人上枱,
牛唔飲水襟唔到牛頭低..... February 18 去玩了~~今年新年都算係發左個小小的新年財...
所以就CFM去台灣玩了.....
坐中華去,
住我最愛既華泰王子...
希望可以玩得開開心心...
希望可以悭悭地玩四天,
希望唔好迷路,
媽媽個喼已送左來,
好大好大個,
我之前自己個喼都俾其他人笑,
唔似去台灣四天似去歐洲十天.....
媽媽既比我更大....
似去歐洲十幾天....
仲要係好浮誇既金色....
我怕人地以為我同媽媽去環遊世界呢...
兩個咁春大既喼....
希望唔好超重返來啦..呵呵呵
LINGLING好似會轉軑,
跟我去自由行,
我都希望大家玩得開開心心呢.....
最緊要開心....... February 13 失望~~真係好失望,
原本月尾係可以去FAM TOUR架,
不過呢,
唔知點解改左期,
改左期都算啦,
仲要因為近旺季唔可以去,
真係有D唔開心...
仲好想去果D行程架麻...
唉...
而家又要煩去旅行既野,
原本我係好想自己去台灣一次,
係自己去玩,
而家就有D怕會悶,
因為只有我同老媽子兩個,
如果我兩位亞姨都去就好了,
希望可以至少有四個人去啦.....
都未問亞姐可唔可以放25同26號....
希望樣樣野都順順利利啦,
我再問左日本部貞姐日本幾多錢,
月尾都要成差唔多六千蚊.....
好貴,
我都係縮返去台灣就算了,
真係好煩.... February 12 鼠年行大運~~咁快就出完團返來了,
我未LANDING前已知係會同小LING同日返來...
喺行李輸送帶正等緊客人時...又想打俾佢時,
佢就跑左埋來,
初初我都見我條LINK係有吉隆坡返來既FLIGHT...
不過FLIGHT 係BA,
點知原來就係小LING既機....
真係好有緣呢...
好開心地見到小LING...
所以我都忍唔住同佢影張相...
我估我班FLIGHT如果唔係DELAY左20分鐘,
我就會見唔到佢了.....
今日返到公司見到公司既老鼠公仔又坐左係度,
我就拉左佢出去影相, 超開心哦!!!!
講返自己呢團,
都幾順利, 客人都唔錯,
至少我無討厭佢地既感覺,
都係同之前咁多團一樣, 我都係受亞婆既歡迎多D....
D婆婆佢地總會覺得我好辛苦,
辛苦就辛苦,
係痾到好辛苦,
第三日食完個團餐已有少少肚痛,
再同我最愛既T/G小曹同自己既T/G豪仔去食宵夜,
之後返去就痾左一次,
第二朝肚痛痛醒左,
由八點痾到11點幾,
好在之後食左D止痾藥好好多咋...
總括而言,
我覺得今次個T/G同自己唔係好啱咀形,
佢覺得我好少同佢講野,
而我又覺得唔知可以同佢講咩,
四日來我覺得有D悶囉....
感覺又當我係普通既領隊, 又覺得我係好熟咩都識咁...
我係去左好多次, 不過有幾熟丫....
佢係一個公正既人, 唔會因為我係OP會對我好一D...
不過佢份人係幾好既,
我見佢對其他人都好好, 對我就.....
我都係鐘意小曹多D,
佢真係當我係女咁, 好照顧,
好開心...可以同佢食宵夜, 仲逗到佢既利是...
不過今年最差既係,
連老板既利是都無....唉......
而家個肚仲有少少痛....
快D返去休息下先.....
祝大家鼠年行大運.....!!!
February 06 新年快樂~~又到年三十了,
咁快又新年了,
覺得入左呢行,
時間就過得好快...
一個旺季接一個旺季...
今次出團去台灣...
拍一個未拍過既導遊,
上次既野,
希望佢唔會記得啦, 呵呵....
希望今團順順利利..
大家都搵到錢,
個個發個新年財....
祝大家
身體健康!!!
心想事成!!!
財源廣進!!!
豬籠入水!!!
財色兼收!!!
身心康泰!!!
恭喜發財!!! February 01 總算完了~~3個晚上OT到十點多,
真係好攰,
不過總算忙完,
琴日好好彩, 無吹人地都可以先出左160張TKT先,
因為如果佢太夜出, 又出錯,
我估都有排VOID,
好在無錯, 又早少少出, 八點度就有....
跟住仲有最後一團排在一團長線既後面,
出飛係一個好資深既S同事,
S同事六點話好快出俾我,
到我九點再搵佢,
佢仲未搞定長線既TKT...
汗.....
不過再等多一陣就開始幫我啪...
我想等佢啪完自己分架,
不過佢話有排PRINT就由佢啦,
佢地真係忙到搵人攞飛俾我地既人手都無,
所以我間唔時都睇下有無飛攞,
琴日總算出晒要出既飛...
不過BKK既同事好慘,
出出下唔夠LIMIT....
我可以出晒係真係好好彩...
自己出左咁多TKT, 有D感到唔好意思...
不過如果D TKT係在TKT既J同事手中...
真係只可以怨自己黑仔....
希望大家開始唔駛再OT,
出團順順利利...
大家都搵多d....
好想搵人教我講好D個尾咪...
有邊個可以幫下我??? |
|
|
