| Queenie's profile涼QQ & 小柑柑的世界~~PhotosBlogLists |  Tools  Help |
|
February 28 第六團之旅~~終於出完團回來了,
都算做叫順利既,
最好就係可以逗到大大大既利是,
最唔好就係,
自己揸咪講得唔好,
因呢個T/G都唔係一上車就俾我講,
佢講完一大輪,
都講晒我要講既野先俾我講,
咁我呢個領隊就變得好無用,
唯一一個機會揸咪講野都講到咁差,
唉, 仲衰過第一團囉,
明明已練到大膽D, 唔怕揸咪,
不過都講到咁差, 都係第一次呢, 唉~~~
希望唔會有投訴啦,
而且落到去都有D唔舒服,
都無咩心機去做呢團,
又唔係太搵錢喎,
我覺得台灣D站都唔係太得囉,
又無自費活動, 靠入站, 一定唔得,
D行程又個個都差唔多,
無咩特式,
人地都CUT左既行程, 我地仲走緊,
唔夠UPDATE囉,
不過都有客會報, 你吹咩, 客係BUY丫,
因夠多行程無蝕底, 呵呵~~
聽到出團既朋友仔都順順利利搵到大錢,
真係好開心呢,
貓奴都心郁郁想衝出台灣,
去下其他地方,
唔知可唔可以呢??
聽聞北京唔錯呢, 不過都唔保証一定搵到架,
仲要去一個完全未去過既地方/國家,
我都無回鄉証,
都唔知點過海關呢, 呵呵~~
不過, 呢D野到時先算啦,
總之, 我要為做萬元戶而努力~~
琴日, 家姐又接到佢既電話,
我地又可能要搬了,
如果唔搬,
就可能要加按層樓,
所以你話呢, 錢真係好緊要~~~ February 16 出發了~~大家搵多D~~今日係年廿九,
好快大家就會出團了,
貓奴被派左初二走,
如我所願,
仲係全台灣最豪果隻(除左燒炭系列果D),
住既係GRAND HYATT呢,
出左咁多團, 終於可以知咩叫國際級五星了,
雖然有領隊講過間HOTEL有野,
連之前有個導遊都話係有野既,
不過我覺得新年流流,
我唔犯人地, 應該可以平平安安既,
而且仲要係夾客瞓,
我好希望個客會同D FD瞓啦,
因我想自己一個人靜下,
之前夾客, 個客唔俾我瞓, 要我同佢傾偈,
真係攰Q咩我啦,
今次可以帶呢團, 都拜我亞姐多口,
同左經理講我想出豪野,
查實次次都唔派俾我, 我都知唔會俾豪野我架了,
點知今次佢地可能俾個團號陰左,
皆因個團號係SPC尾, 平時呢D尾係代表係平團,
點知...呵呵呵.................
而且今次係一個好好既導遊, 之前已同佢拍檔過架了,
我好記得上次拍佢我仲仆街添, 呵呵, 好魚~~
今次有好多小朋友, 好怕呢,
唔好抹D口水落我身上面,
唉, 初二出發, 有D緊張添
希望D客準時到, 唔好搞到遲晒大到,
我想輕輕鬆鬆返香港,
今日CALL客時有D客都好好人, FEEL到,
希望唔會有任何問題發生,
亦希望大家出團既同事搵多D,
帶多件衫, 大家唔好涷親哦~~
星期三屋企做節,
做左好多餸, 咁我第二日帶飯囉,
點知, 叮飯前發覺有D野,
應該係無左D野先啱,
因我發覺個飯係無肉既...做節都無肉,
明明見到淨左好多燒肉架,
經中長朱朱既判斷, 我應該係俾唔夠家用, 呵呵呵,
琴晚同亞媽講, 佢只係話唔知我想要肉,
而且........
D燒肉俾家姐食晒..........
咁.............
唉..............
好在, 唔係俾唔夠家用, 呵呵~~~~~
好, 祝大家新年快樂,
身體健康,
心想事成,
最緊要係身心康泰~~
February 10 白老鼠~~今日係星期六,
雖然係旺季既檔期,
不過我依然係無咩野做,
兩點度已開始可以睇下報紙了~~呵呵,
晏奏呢, BKK既亞WING返左工,
仲帶埋D佢親手整既朱古力返來,
估唔到男仔都會整呢家野,
仲要係似模似樣既,
果D好似係無印良品既產物,
跟住原來佢帶返來,
係俾我地同事們試下既,
賣相真係好唔錯,
不過睇來佢本人係無試過食呢,
有D擔心, 呵呵, 都係講笑O者,
味道真係唔錯既,
以男仔來講, 可以整到咁圓同咁乾淨整齊都好唔錯架了,
佢女友收到一定好開心既O者, 呵呵~~
有朋友講,
佢好討厭年廿七,
原來, 年廿七就係情人節~~
好攰,
UM.......預祝大家情人節快樂,
希望大家都可以收到另一半送既情深朱古力吧, 呵呵~~ February 06 快樂的周末~~上個周末都幾開心,
因為我收到一個遲來既生日禮物,
係一個狗哩熊既頭型咕"荀"
好玩之處係同我個頭差唔多SIZE,
可以當係面具影相,
好玩到極點,
連家姐都加入幫我做攝影師,
出來既效果緊係.......勁正啦, 呵呵呵~~
亞媽都覺得好無奈,
仲問我邊Q個買D咁既生日禮物俾我, 呵呵呵~~~
總之令我開心就係一份好好既禮物......
星期日呢,
就走左去剪頭髮過年,
本來打算修一修就算架啦,
點知剪左個學生哥短陰,
今日係第二日返工,
已有D LOST CONTROL,
果日剪完髮之後,
我仲喺尖咀海旁影左張相留念,
可惜, 影既人有D手震,
BUT都無損我本身既質素,
朦朧之下既我, 更顯纖瘦, 呵呵.........
|
|
|
