過去一年, 自問真係無做過咩驚天動地既事, 問左朋友仔過去一年做過D咩, 有D買左新車..有D見到自己既偶像, 我諗我今年最勁都係駁亞姐咀, 仲駁到佢去經理度投訴我態度差, 其實最初俾佢罵都忍, 而家做耐左, 知唔係自己錯晒, 就駁佢咀, 唉...總之佢對我好, 我就對佢好啦, 根本兩個人相處係好難, 仲要係我呢個火星撞佢個擦鞋星球, 總之, 貓奴希望新既一年, 有一個好既轉變, 唔要再墨守成規, 要有突破, 要有新沖激...

       之前有同事PRINT左來年運程出來, 又唔夠膽執返, 可能知衰啦, 工作時間PRINT D私人野, 咁貓奴見無人認頭, 就將豬年既抽出, 據為己有, 呵呵, 對, 貓奴係豬年既, 今年運程幾好, 旺桃花, 即係今年貓奴係桃花豬, 呵呵, 另外有男貴人相助, 但我既變態上司係女人, 咁既係我今年想轉工就搵個男上司會好D啦, 呵呵,

       **係度祝大家新年快樂, 希望大家過一個開心既除夕夜**

       P.S. R女/金鐘霞姐:我都唔係好忙啦, 係做緊D你公司既野, 入緊D農曆新年既名, 早D入定, 就唔駛俾你追啦, 不過同D同事勁玩, 入得好慢, 可能放完假再同D名單駁過, 呵呵, SORRY, R女/金鐘霞姐, 我未幫架型仔飛機度身, 度好再報數俾你知佢有幾...長...丫...

       另琴日小青同事"送"左條AGNES B既絲帶俾貓奴, 好靚呢, 綁左係虎虎度, 仲影左D靚相, 勁有型, 勁型仔, 勁B仔, 突然虎虎升價十倍, 呵呵...

      

       唔知係唔係壓力太大, 個額頭長左D瘡瘡出來, 個D SALES 姐姐話呢D叫暗粒, 咁SALE我買左500幾蚊野, 茶左幾日, 真係好似有D起色, 希望快D好番啦, 本來想影D瘡瘡相俾大家睇, 但怕太嘔心了, 所以都係唔好影了, 呵呵,

      P.S R女, 你成日都改名, 好難去幻想你係邊個呢, 你估你係舞小姐咩, 每轉一個場都要改過個名去應酬唔同需要既老細, 呵呵, 都係講笑啦, 不過唔知你原來唔鐘意霞姐呢個名, 總之你係金鐘駝地就無死啦, 仲有你要叫果個成日俾麻煩我地既朋友仔請我地食飯, 貓奴真係唔想再幫佢做野了, 但又避唔到, 咁唯有貓奴走先可以擺脫呢D野, 同我果個變態既亞頭, 霞姐, 你有無好工介紹, 你公司請唔請人哦, 你都知貓奴辨事能力有幾高架啦, 快D同你地既HR講下啦, 人工少D都唔係問題哦, 呵呵.....

       本來貓奴呢, 計劃今年農曆年去日本過既, 因老闆好勁, 包左人地成架機去日本, 咁想下...可能有賣剩, 賣剩就俾D親友價我地呢D員工去啦, 點知...今年既日本團都收得幾好, 承接左聖誕個勢, 可能賣得晒D位, 所以貓奴應該無得去日本, 叫我用原價去咩, 萬幾蚊一個頭, 不如食左佢...如果去台灣都要2千幾3千蚊, 等於淡季去2-3次台灣既價錢, 俾你都唔去啦, 咁可能同媽媽去澳門玩都唔錯, 但家姐又話唔想去, 家變啦, 唔通真係要分開過年...

        貓奴咁想去旅行, 係因為唔想年三十晚出機場當值, 記得上年, 要零晨兩點度出門, 要4點半去到機場, 去到又要企餐死企到年初一, 企都唔係一個問題, 而係我唔想成日俾人問路, 貓奴上次都係第一次去新機場, 問我路...即係問和尚借梳啦, 而且又要穿制服, 不嬲貓奴身材=無, 仲要穿裙, 真係想死, 唔知今年避唔避得過呢, 唔想出哦, 呵呵

        P.S.98839, 我將個相機教左影近野既MODE, 所以而家可以好易影到D清楚既近野相.......另多謝你既誇獎...

       今個聖誕有3日半假, 貓奴淨係出左半日街, 其餘既都係在屋企度過, 果半日呢, 同好姊妹亞bear兩條友仔去左中環既皇后象廣場度影相, 估唔到自拍都幾靚, 呵呵, 跟住落左灣仔食壽司, 好食到差d死左係灣仔, 之後呢, 行去銅鑼灣行街街, 一去就弊啦, 洗左差唔多成千蚊, 來緊又要悭d洗先得了, 最後去左食街果邊既滿屋食糖水, 都係麻麻地, 無盛傳既咁好食, 可能係d芒果唔當造啦, 跟住就返屋企囉, 返到屋企媽媽話喉嚨痛, 到而家呢一刻都未好番, 我覺得媽媽呢兩年都易病左, 如果貓奴有能力搵多d錢, 等媽媽唔駛返工咁就好了, 唔知幾時先得呢.........???

       今朝唔知點解好忙, 以為忙完聖誕就應該無咩野做, 點知.......個天係唔會俾好日子俾貓奴過既, 之前去唔到台灣既朋友仔個朋友, 今日問我攞顧客服務部既電話, 其實呢, 果一刻, 貓奴有d嬲, 因passport唔係公司既問題, 係入境果邊既問題, 公司都控制唔到人地批唔批証, 而且呢位朋友唔係交俾貓奴公司做, 好難幫佢, 要責任自負, 不過客人都總會覺得責任在我, 所以我只能說唔好意思同對唔住, 果一刻貓奴想喊, 如果貓奴做前線既員工一定嚇走晒d客, 呵呵, 不過希望呢位朋友睇開d, 或者同我地既顧客服務部既同事傾訴下.......呵呵........

       琴日媽媽帶左兩個姨姨返屋企, 本以為佢地好煩, 想出街避開佢地, 點知, 都幾好玩丫, 又可以知道婆婆既最新消息, 柑柑就慘d, 俾人地x騷擾........呵呵

      p.s 同飛機影左d沙龍

       又一年了, 估唔到貓奴可以在呢間公司過第二個聖誕, 不過都應該過唔到第三個呢, 因貓奴而家係一心離開呢間公司. 今日係平安夜, 上年無節目, 前年就工作中渡過, 唔知今年有咩搞呢, 等貓奴放完假之後同各位友好報告一下........呵呵, 聖誕期間, 柑球會休息3天, 28號先再update柑球, 請大家留意了.......

       貓奴既好朋友既朋友今日都去台灣同男友過生日加聖誕哦(金鐘霞姐, 佢係坐你地公司既機去), 咁呢, 佢既passport唔夠半年有效期, 搞到攞唔到台証, 貓奴真係愛莫能助, 不過, heidi, 你唔好唔開心, 你下次去再搵我丫, 我再幫你買平野, 我今次仲會提你個passport d 野, 不過貓奴覺得你攞多個特區護照會隱陣d, 呵呵

       貓奴終於收到了家姐送既生日禮物, 係b仔既匙扣, 都幾靚架, 不過貓奴比較鐘情星星款式, 但貓奴家姐話賣晒了, 咁都無辨法啦, 嗚........, 另外, 霞姐, 好多謝你送俾貓奴既飛機, 好大隻哦, 貓奴家既電視機頂唔夠放呢, 而家貓奴幫佢搵緊個靚位擺放, set好左就同佢影d沙龍丫, 而我話完成唔到果樣野, 係重覆左一個, 所以唔係我整錯左, 我咁聰明, 係唔會整錯既.........呵呵, 另另外, 都多謝亞bear送既貓錶, 貓奴既手骨好似比常人大, 所以有d緊, 貓奴試下減肥, 睇下會唔會好d先, 勁............

       好, 而家係度祝大家聖誕快樂, 希望大家都玩得開心d, 呵呵, merry christmas

 

       今日我地東南亞部開聖誕P, 開P前要做外賣仔, 送個蛋糕俾金鐘霞姐, 呵呵, 好開心, 因都有一段日子無見過佢真人(但係我地每日都有電話聯絡感情), 霞姐同以前一樣, 都係咁索, 嘔~~(又忍唔住.....), 跟住佢就夾左貓奴上佢公司, 因霞姐佢話有荀野醒貓奴, 呵呵, 真好, 上到去, 見到好耐無見既DONALD哥啦, PATTY姐, 真係好開心, 佢地仲俾左好多野俾貓奴攞走, 等我等閒借D倚行上去先, 勁, 最緊要過年時行下上去, 豆利是豆到手軟呢(我估).....

       去左中X既OFFICE之後就即刻仆返去公司, 因我怕錯過開P時任何一個搞笑PART, 我地既經理真係好搞笑, 成日都講粗口, 仲要O咀扮AV女郎, 真係笑到貓奴死, 跟住抽獎環節, 禮物由各經理提供其心頭好, 貓好就抽到一隻汶來既杯仔, 俾隔離部門經理見到話係神枱杯.......又笑死......

       有同事佢明天去台灣, 我托佢攞D野俾台灣既同事, 真係唔該晒98839, 呵呵, SORRY, 供左你個名出來添, 不過相信你亞頭係唔會來柑球, 呵呵

       俾大家睇D相, 係貓奴做織女既作品, 仲有聖誕小熊仔寫真同金鐘霞姐送我既朱古力照........

       今日係冬至, 涷到貓奴抽筋, 琴晚仲要出左去銅鑼灣行街街, 真係涷到甩肺, 呵呵, 不過貓奴喺銅鑼灣度買左好多貓貓既野, 有2個FILE啦, 一套貓擺設啦, 一條電話繩(貓奴有好多電話繩, 但都忍唔住買, 因隻貓好似小白), 一個類似玩果王國既野玩啦, 一本雜誌, 真係買得好開心, 就係太開心, 本來有D光彩既B仔銀包又開始乾硬化, 呵呵呵

       琴日又去左美X訂左個蛋糕俾金鐘霞姐賀佢生日, 我今日約佢明天攞俾佢, 佢估到係蛋糕, 佢又話最怕人地送蛋糕, 又話我老土, 好唔開心哦, 一番心機俾人咁踐踏, 好唔開心哦, ........唉.......仲要加左10蚊係個蛋糕度寫字, 雖然佢似係講笑, BUT, 貓奴自尊心都有D受損......

       至於貓奴公司既內幕消息係貓奴既亞姐同我講既, 所以真確性都幾高......知唔知哦, 細寶貓貓, 佢咁對我地, 搵定工走都得了.......

       每逢旺季, 貓奴都忙到精盡人亡, 真係敷咩Q MASK都無用, 茶咩都唔吸收, 仲要爆D壓力倉出來, 真係激死貓了, 真係好懷念之前皮膚滑滑既日子, 家姐建議貓奴去做FACE蘇, 因佢話好多污糟野都唔係洗面洗到既, 要去美容院先有救, 但貓奴又無資金, 又無時間去做, 都唔知點算, 又怕遲D變左火山面, 咁就大檸樂啦.......

       收到了獨家消息, 公司今年無人工加, 獎金呀, 花紅呀, 咩都無, 真係"伯母", 好嬲架, 捱左成年, 結果得個桔, 咁對D員工, 一係覺得D員工無用想換血, 一係就死"姑寒", 總之貓奴心淡了, 本來想攞獎金花紅去買電腦, 而家咩都無了, 買電腦既計劃要一拖再拖了........

       貓奴星期日, 裝飾左棵聖誕樹, 好有藝術氣息架, 呵呵, 簡直只可以用一個字來形容, 靚.....呵呵

       今朝請左半一假去左北角補考T/L牌, 我明知今次一定都唔得架啦, 因為貓奴琴晚唔乖, 唔返屋企溫書, 死左去睇戲, 睇左套叫"無極"既戲, 貓奴個人覺得呢套係激情科幻暴力既玄疑片, 咁呢, 就係因為咁貓奴做做下瞓著左, 唉, 而家都夜了, 貓奴要收工了, 各位再見.........

       話說呢, 貓奴星期六去左銅鑼灣慶祝生日, 好開心呢, 有朋友仔亞bear陪我, 跟住寂寞既家姐又join埋一齊, 一行3人就係銅鑼灣睇下有無韓農, 不過貓奴搭mtr去時差d困住左係個站度, 因貓奴出閘時有廣播話會封站, 貓奴即刻跑到咁出去, 好在無驚無險........

       之後呢, 見到sogo對出既馬路全部封晒, 有勁多警察, 不過都係唔夠灣仔多, 有好多人都企係馬路中心影相, 當然啦, 貓奴都唔執輸, 都走出馬路影下相先, 實在係好好玩, 跟住我地就走左去時代食通天度食pizza, 食到10點就走人, 走人時又有阻滯, 因封埋隧道, 想趕絕貓奴嗎, 無咁易, 貓奴join埋老媽子, 一行4人搭mtr去中環, 再轉巴士回家, 呵呵, 跟住又食蛋糕, 正......

       今年既生日都幾特別, 呵呵, 希望下年再多d人同貓奴慶祝啦........

       今日係貓奴既生日, 你地一定估唔到貓奴第一句講既野係咩, 好, 開估啦, 係.."仆街喇", 因為貓奴既家姐唔駛返工, 無人叫貓奴起身, 媽媽起身時唔知點發覺貓奴仲係被竇裡, 媽媽佢即刻叫貓奴起身, 貓奴見到個鬧鐘既第一個反應就係真係大檸樂了, 因貓奴入左來做年幾都未試過遲大到, 仲要遲左成個鐘, 落到街時, 平時搭開既70M只係在早上服務, 去到巴士站已走左尾班車, 咁貓奴就要搭車去銅鑼灣, 再轉MTR返工, 大左一歲, 但個開始就麻麻地, 希望唔會繼續黑仔落去吧, 呵呵

       好多謝大家既禮物, 貓奴真係好開心, 其他朋友都覺得我既同事好錫我, 我真係超開心, 非筆墨所能形容呢, 大家係生日咭上都叫我開心D, 其實貓奴唔講野不嬲都係無表情, 可能貓奴個人既性格係消極D既, 不過我一同大家去食飯都係雞啄唔斷, 仲以為大家都覺得我好煩呢, 貓奴呢, 係一個好員工, 工作時工作, 遊戲時遊戲哦, 所以唔會無時無刻都SHORT住笑, 呵呵, 如果想我笑多D, 就送多個B仔俾我啦, YEAH.....

        其實貓奴都無想過會收到B仔做禮物, 貓奴真係無預謀呢, 不過我點都幫B仔影左埋沙龍, 好靚仔架佢, 再衷心多謝各位錫一個難忘既生日俾貓奴, 多謝各位

        而家貓奴就賣甩家姐, 同朋友仔亞BEAR食飯去也, 希望大家都好似貓奴咁開心啦, 呵呵

 

       好開心, 今日各東南亞同事慶祝今日生日既WING同事+預祝貓奴既生日, 真係好開心, 因為有咁多人同貓奴慶祝真係好開心, 而且佢地仲好破費地買左貓奴夢寐以求既B仔銀包俾我, 真係好開心, 我其實唔想人地送咁貴既禮物俾貓奴既, 只要有貓奴最愛食既蛋糕就可以啦, 不過貓奴都唔介意錦上添花既, 呵呵

係度多謝各同事既寵愛,

      特別多謝雯雯, 小青, CANDY, 尖米, 同仙女LING, 真係多謝你地, 貓奴好開心哦, 呵呵呵(下刪一萬字感謝文)

        不過今年生日都無咩特別既節目, 只有一位MSN既朋友邀請貓奴去她既生日會, 不過貓奴生性比較怕醜, 呵呵, 未能出席該朋友仔既生日會真係好抱歉, 因除了H小姐之外, 咩人都唔識哦, 貓奴怕悶親其他人, 希望H小姐原諒丫, 唔好意思

        另外呢, 要多謝金鐘霞姐, 霞姐真係好錫貓奴, 你既禮物貓奴仲未拆哦, 等貓奴返去俾柑柑幫手拆先, 呵呵, 多謝各位, 賜一個咁開心既生日俾貓奴, 明天將各位朋友既禮物照鋪俾大家睇丫, 再多謝, 千萬個多謝, 貓奴千億萬個開心.........呵呵呵........

       近來小柑柑都無咩俾貓奴爆出來, 可能佢想過一個平凡快樂既人生吧, 不過佢個死仔都有做左d衰野, 琴日佢就"liu"晒家姐個洗衣藍d衫落地下, 仲要瞓係上面, 換言之, 上面係鋪滿晒佢d貓毛, 呵呵, 我真係理得佢呀, 由佢囉, 等亞媽返來之後亞媽執, 一來d衫唔係貓奴既, 二來係太多污糟衫先有野俾柑柑"liu", 所以事不關己, 奴不勞心, 你話我絕都係咁話, 呢個就係我地兩姐妹既相處之道...

       貓奴計劃緊去學d有關做記者既course, 不過貓奴睇過hku space, 要成皮野, 仲要唔納入持續進修基金, 即係要貓奴自己嘔萬幾蚊出來, 負資產就有咁多, 邊度有咁多銀呢, but都可退而求其次學下日文, 做下叛國賊, but又怕好似之前讀旅遊張cert咁, 衰左一科, 成張cert無左, 不過上次真係好嬲, ive都唔再開班, 又唔俾我re-take, 即係叫我死架o者, 而家o徙左兩年青春, 好傷心, 而家提起都一肚火, 火火火火火.....

       俾d相大家睇啦, 係日本部美女candy既貓貓(大家估下相中有幾多隻貓丫), 仲有舊虎媽98839影既竹林(影張咁既相去match返我個space, 勁)

       另外呢, 仲有兩日就係貓奴既生日, 本來貓奴媽佢放假, 但佢個賤同事調左佢既假期, 而家姐又要返學, 即係有可能唔可以同屋企人過啦, 上個星期都有中學同學約我慶祝既, 但今個星期唔見晒影, 電話都無個, 唔通真係要獨自地過生日, 不過唔打緊, 貓奴呢世人最鐘意就係靜, 過一個靜靜既生日都唔錯, 柑柑你唔好叫我同你玩呀, 我要靜.......靜.......靜.....

       琴日亞媽終於唔打邊爐了, 佢終於肯煮下飯仔俾貓奴食啦, 有一味餸係鯪魚肉壤冬菇, BUT食食下食到有魚骨, 發現有魚骨既時侯已插入左條利度, 貓奴好辛苦, 老媽子見貓奴既辛苦狀就去攞老花眼鏡幫下我手, 咁貓奴FEEL到佢插左係條利既右邊, 咁俾老媽子睇既時候就張條利申出來再向左面申, 跟住亞媽咩都搵唔到, 仲星左我一巴, 佢話我就唔到佢個位, BUT就唔到都唔駛星巴我丫, 好慘, 我即刻扮晒野發爛咋, 呵呵, 佢即刻搵D野食呵返我, 咁算啦, 貓奴不嬲都好大量既, 而且可能我個申利樣比較.......唔討好, 所以佢先忍唔住星我既姐, 而且而家只有媽媽一個, 無所謂啦, 不過貓奴係唔會俾埋右邊俾你星架, 老媽子.....

       琴日收到保險AGENT MARY姐寄來既生日咭, 每年佢都淨係寄俾家姐同亞媽既, 就算我有同佢買單佢都唔寄俾我, 今年年頭除左之前買左既保單之外, 我另外買多左份儲蓄既單, TOTAL兩張要每月供$810, 係貓奴既每月人工既13.36633%, 所以今年就收到佢既生日咭....佢同大家都有同樣既疑問, 就係想知點先可以同月日生一對仔女, 我都唔知, 咁去問下老媽子啦, 佢就話, 貓奴同家姐都係執返來既, 咁同一日執返來, 緊係同一日生日啦, 所以各位想有一對同一日生日既仔女, 係唔駛生, 又唔駛就得咁痛苦既, 只要去執就可以啦, 係貓奴媽講既, 呵呵

        好, 又影左D相, 分別係琴日收到既咭, 之前講過有D緊既褸, 同READY緊去裝飾既聖誕樹, 仲有貓奴新買既開工鞋...(影既時候俾老媽子話我痴痴地, 好慘.......)

       世貿原來係今日先開始, 等貓奴琴日仲冷勁, 以為無遲到就好叻, 其實今日先開始, 真係魚死......不過今日都超早返到來, 嘟手指時都係8:41分, 超早, 多數星期六先可以咁早返到公司, 不過果位電左髮既I同事話明天先開始塞, 都唔知邊樣係真既, 貓奴都係決定唔會早出門口, 貓奴要堅持, 遲到就遲到啦....呵呵(根本貓奴就係無本事早D起身........)

       之前提過去FAXCL HXUSE買野時換左隻熊熊公仔, 貓奴同佢影左D相, 98839老師話我D相有D進步, 好開心呢, 呵呵, 大家就睇下貓奴有無進步到啦, 呵呵

      今日返到來又唔見亞姐係度食早餐, 都覺得有D不祥架啦, 佢又話唔舒服唔返上奏, 都唔知佢下奏返唔返啦, 次次佢一唔返工就鬼咁多野做, 佢係度就電話都唔多個, 個天係唔係要玩我哦, 呵呵......今日世貿終於開始了, 我係死都唔會為左佢早起身既,都照常搭番果班巴士, 呵呵, 好準, 今日嘟手指係9:00, 勁, 無遲到, 多謝香港特區政府, 多謝城巴, 仲要多謝我既屋企人....多謝各位........

      至於新髮型呢, 並唔係貓奴又去剪頭髮, 貓奴最快都要等過年先可以去修下佢..唉....係貓奴既同事電左頭髮, 電完之後俾貓奴既第一個感覺就係有D似一個舊同事美寶, 有D似兩姊妹, 呵呵, 本身呢位I同事已係生得好BABY FACE, 係BABY FACE, 唔係BABY FAT, 佢係瘦既, 且個樣長唔大, 貓奴就恨都恨唔到.....

       又至於仙女下凡, 緊唔係話貓奴係仙女啦, 有位L同事, 佢買左條做姊妹既裙, 而佢形容自己穿左之後好似仙女咁, 嘔~~~(唔好意思, 真係忍唔住), 呵呵, 今日真係好開心哦, 如果聽日都係咁開心就好了, 係咁先, 唔係咩呀.......

       琴日收左工之後去左銅鑼灣同至好既朋友仔亞BEAR食飯加行街街, 次次出親去佢都好似係淨係陪我咁, 真係唔好意思呢, 呵呵, 琴日就買左一件外套係公司穿, 本來真係想買無印既外套, 但我聽亞BEAR話唔買, 因為差不多3百蚊就真係有D唔值, SO就在B字頭既連鎖店度買左伴, BUT個心都仲係掛住無印果件, 唉, 都唔知點解中晒無印毒.....

       跟住去左"披薩黑"度食佢新出既三文魚唔知咩批, 都OK丫, 不過大家都好努力去食都食唔晒, 大家都係好耐無食過披薩, 因都無其他朋友OR同事鐘食呢D野, 所以有新野出, 我地都會相約出去食, 呵呵, 不過呢個新口味就真係麻麻地, 點都係食剩, 上次食剩左就亞BEAR攞走, 今次就輪到我攞走, 都好丫, 俾柑柑試下好唔好味都好, 來啦, 柑柑, 姐姐俾D新野你試, 你唔好再玩貓砂啦, 如果唔係姐姐就掉你落街架.....乖........

       近來幫柑柑換左貓砂, 搞到我想死, 唔知係唔係d貓砂太輕既關係, 佢一用就狂抓d貓砂, 搞到成地都係, 以前小白都好乾淨, 係柑柑成日都係度玩野, 而且呢隻貓砂係木糠做既, 佢一玩野, 就好大陣木糠味, 基本上已有陣木糠味, 總之就係有陣好勁既木糠味, 感覺就好似宜家傢私果陣味, 仲要佢玩到舖天蓋地都係貓砂, 果頭幫佢掃乾淨, 果頭佢再去玩, 真係俾佢玩死, 我而家考慮緊買一個好似一間屋咁既款既貓廁所俾佢, 咁可能好好多.......資金方面緊係向家姐埋手啦, 貓奴既shopping quota都用晒了....鳴.......

       至於貓奴同家姐既生日呢, 都唔算出奇, 不過可能我果日係特別旺既, 朋友亞琪既媽媽又係呢日, 讀中五時坐貓奴後面既同學又係呢日, 家姐同學既細佬又係呢日, 好多貓奴識既人都係同貓奴同一日, 所以唔多出奇, but隔四年呢蕉都好多人用, 媽媽個舊同事佢既仔女都係同一日, 但就好似係隔左3年, 至於點先可以夾得咁準, 貓奴而家無機會去訪問家人, 亦都唔夠膽咁做呢, 呵呵, 留返俾大家去同自己既honey夾下啦, 呵呵

       琴日本來想去無印買外套, BUT去到都搵唔返之前睇過既款, 次次都係我有錢買既時候就無得賣, 唉, 黑仔....跟住去左FANXL HXUSE度入少少貨, 果度既姐姐見到我又SALE我買D套裝, 我係一個好易SALE既人, 只要你落多幾錢肉緊加D咀頭, 就好易SALE到我買野, 我琴日買到可以換到佢地既熊熊公仔, 可想而知, 都買左唔少野, 唉, 今個月既SHOPPING QUOTA都一劑過用晒, 仲要買聖誕禮物俾媽媽, 同買禮物俾家姐呢, OH....負資產.......

       講起家姐, 我同佢係同月同日出世既, BUT相隔左4年, 所以懂性以來都係同佢過生日, 都唔係大家衰到無朋友, 而係大家都習慣左夠12點就交換禮物, 而家人大左, 都唔知買咩禮物俾佢好, 小時候最叻就係買文具, 大個左就真係唔知送咩好, 佢好鐘情大X仔, 但人大左, 唔通仲送大X仔嗎, 好頭痕, 家姐呀, 你想要咩呀...........(回音)

       好, 有D重要野要提醒下大家, 仲有9日就係貓奴22歲生日了, 大家唔駛破費架, 只要果日俾個電話、MSN、SMS、EMAIL我就好開心架啦, 多謝各位.......

       唉, 天氣有D寒冷, 我又要去老媽子個衣櫃搵返我件褸出來, 其實貓奴本人唔太LIKE穿褸, 因穿左之後好似好難郁咁, 貓奴既至愛係衛衣款既拉錬外套, 因D衛衣料好舒服, 超正哦, 呵呵, 仲要係我最愛既紫色, 不過如果係公司穿紫色好似太出, 所以貓奴今日將會去無印買一件黑色既, 配合返本貓OL既形象, 呵呵..........

       講返有D緊先, 其實係攞左件褸出來試下時(當時係穿緊短袖衫), BUT, 拉埋拉錬時有D緊, 死啦, 穿左之後個PAT勁突出, 唉, 當時老媽子望住我, 唉, 我都知出事架啦, 不過就算要減肥都要捱到過左年先啦, 因在旺季都好少機會瞓覺, 仲邊有時間去做運動丫, 唉, 我自己都唔想肥一世哦, 真懷念未入來做之前既身型, 起碼無咁肥先丫, 話晒都差成廿幾磅.........

      多謝小月兔你對柑球既支持, 有時間就留下言, 報告下你BB既狀況都好哦, 因好少撞到你玩MSN, 所以你就留下言啦, 等我知下你小權權既最新消息丫......呵呵...仲有, 既然你咁支持, 就免你入會費加一啦, 呵呵, 大特惠, JUST FOR U......