上星期同左同事仔去食大閘蟹,

好抵架, 300蚊度有好Q多野食,

食到頂住左返來架...

在東海海都食架,

好味道,

不過原來會好涼架,

食得多會暈暈架~~

所以係唔可以食太多啦~~

希望下次會再有機會去食啦~~

近來都要控制下自己既食慾,

因為越來越肥了,

我唔可以再肥了...

再肥就真係好樣炳,

雖然而家都夠晒樣炳....

好想回復返以前最瘦既時期~~

今年, 我既願望係減肥成功~~

HOPE MY WISH COME TURE~~

早幾日已收到雯雯送我既生日禮物,

係狗哩熊既暖手包包,

上次在大阪已好想買,

不過係估到有人買俾我, 所以我專登唔買留個機會俾雯雯買俾我吧, 呵呵

跟住又收到親愛的由福岡帶返來既手信,

好多野呢,

好多好貴, 太破費了~~

呢兩日都好好食神,

因為琴日經理生日請我地食CAKE, 仲要係COVA架, B姐好強調係$28一件....呵呵呵

好味道, 我選了士多啤梨撻,

見到就覺得好幸福了~~食左仲幸福, 信我~~呵呵

今日B姐又請食TEA~~

跟住今晚又同飯腳們去東海食大閘蟹,

係唔係太有食神呢, 呵呵~~

琴日終於買左個電視機了.

係LG既26吋, 我屋企太細了, 太大會睇到眼都盲架,

加上26吋都要5千了, 32吋要九千, 我邊有咁多錢買丫,

打左折要$4505, 增值兩年保養要$898, TOTAL$5403 ,

供12期, 一個月要450蚊,

又破財,

想想下, 真係賣身都唔掂...

近來因為想起D債項, 有時都會瞓唔到...

好傻....為左錢而瞓唔到....

可能你地會覺得無錢就唔好買咁多野同去玩啦....

我都有咁想, 不過我份人就係做野唔太想後果囉, 呵呵

垂死既電視~~

親愛的手信, 希望個御手靈哦~~呵呵

上次我在大阪買既, 兩個一齊, 雙重效果~~

雯雯送的生日禮物~~

經理既生日餅~~

真係覺得你好黑人憎,

有時幫同事做野, 幫到就幫囉,

呢個世界, 你唔幫人人地都唔會願幫你,

你成日都要D同事幫你做私人野,

人地都係睇在你個虛涵嚟幫你,

你成日都講, 人在人情在,

可能係你先會係咁,

我估就算我唔做, 都會有D好同事幫我R減價, 呵呵~~

最憎你既偉論,

最憎D人小事化大...

幫下人地唔會死既,

到你有事, 唔好望人地會同情你幫你...你死你賤~~

你想我做你既翻版, 坐係度做一個同樣既你,

講電話既方式跟足你,

SORRY我唔要好似你咁黑人憎囉~~

成日都偷聽我講電話,

我已講到出口叫你唔好再偷聽了,

唔好用想幫我既名義去偷聽,

我要你幫我會出聲,

請唔好再偷聽,

要人地尊重你, 先尊重人地~~

及保持你既個人衛生,

慎重處理閣下之皮屑~~

好少咁憎一個人,

好似叫親亞X都黑我憎~~

希望我呢世人唔會再遇到第三個呢D人~~

 

上星期六同左已故同健在既HT同事BBQ,

仲加送幾個同事既FD添~~

最泎係有兩條仔,

唔似係仔咁既樣,

本來對佢地兩個無咩野,

不過走時其中一個彈左一句"以為係路過唔駛俾錢添!"

我心想, 你由開波食到八點幾, 食左至少個幾兩個鐘,

係咁食, 想唔俾錢, 八十蚊啫~~

下次帶FD來既同事, 真係呢D唔好再帶了~~

今次補搞左車車既生日,

我前一日訂左個CAKE俾佢, 由亞萍俾意見既BLUE BERRY芝士CAKE~~

好味道, 不過都幾貴, 細細個都百幾蚊...好在好食咋~~

跟住燒完就去左TIFFANY既屋企睇台慶,

再玩自拍, 呵呵

有張我忍唔住合左眼, 嘥左大家既心機添~~呵呵

希望有機會再同你地BBQ丫,

琴日已Q左出團了,

Q左28號既SEL~~

如果唔係2號要上堂, 我一定會再遲D先出, 最好出完唔駛返工~~呵呵~~

P.S. 多謝VIVIAN爸爸車我返屋企, 有私家車真係好,

不過下次希望唔駛拎D食剩既生肉返去啦, 因為我食左四餐仲未食晒~~

琴日同左亞BEAR同亞琪出去食飯,

好耐無試過三個人食了...

我記起以前做反斗城時大家成日都出來食飯架~~

有時一個星期都有兩三次~~

而家同亞BEAR真係成年先見一次,

想起中三開始同兩位熟...

到而家都十年有多了~~

大家都真係好知心既好朋友...

咩都會同對方講,

可惜既係,

我地三個都無試過一齊去旅行呢~~

不過而家亞琪埋左岸, 好多時都要好早就要交人~~

以前明明係最FREE既佢, 而家就要...呵呵呵

可能有左男友就會咁架啦~~

呢D係唔係重色輕友呢?...呵呵, 講下笑咋~~

大家都講起以前出來或者返學既野,

好開心呢...

以前真係好好, 又唔駛搵錢, 又可以開開心心咁返學~~

今次出來先知,

大家都開始再進修~~

我由5/12開始要上日文班~~(終於報到名了, 我要加油!!!!!)

亞琪同亞BEAR都學緊英文,

希望大家都努力讀書,

我成日都覺得襯後生讀多D書啦~~

希望我會有機會到日本讀日文啦~~

另外好期待下次同兩位好朋友聚會~~(雖然我活在貧窮線底下~~)

P.S. 多謝梁玲介紹既"簡單廚房"哦,

       都幾好味架~~

今日係小青既生日,

我地班姐妹, 小pink跟小ling跟我走在尖端,

第一班人同青青妹搞生日...

星期一去左cb既california pizza kitchen~

成班女眼闊肚窄,

叫左d野都食唔晒,

我都好耐無食了,

係一間我食咁多間既野, 食好多次都會好食既餐廳~~

而且佢仲出左d新既甜品,

可惜果日無機會食啦~~

大家成晚都好文靜,

不過一影相,

就好似癲左咁, 係咁狂笑,

我估最嘈都係我地架啦,

真係好開心呢~~

跟住琴日買左蛋糕俾青青,

諗住制做驚喜~

樣衰到插爉燭時俾青青發現左...呵呵..下次一定唔會失敗的啦~~

今次買左anna sui既香水做禮物,

因為細心既梁玲索到佢想買呢個,

真係好細心~~

小小心意, 希望青青會開心,

祝青青開心快樂, 身體健康, 想果樣得果樣, 越大越靚...(下刪一萬字), 呵呵

星期二同左成班舊同學食飯,

去到先CFM有咩人去定唔去,

有D奇怪呢~~

有人甩底,

仲要話唔知有咁既飯局~~

究竟搞咩呢~~

不過都算啦,

反正無出席既人都唔係好識,

唔出席可能係件好事啦,

果晚都玩得好開心,

黎景, 唔好意思,

對你使出雙龍出海,

我都話我無咩形象可言架啦...咁對D舊同學...呵呵~~

大家都無咩點變啦, 最耐無見既係黎景...之後就係姑娘,西瓜,豆腐同亞琪,

最常常見都算係VIAN了~~

食野我地又唔係食好多喎,

因為講起好多中學時既跩野笑到飽晒~~

我地果時真係好壞呢~~

食完今次飯,

星期三被VIAN約出去行下,

食食下飯, 無啦啦有人摳個窗, (因為我地食野時坐窗邊位)

原來係琴日先見完既黎景來既...

我都嚇親呢...

VIAN就好鎮定...好似約好左咁,

可能佢地既緣份好勁, 已習慣左無啦啦偶遇吧~~

P.S, 俾八卦既PAUL HUNG睇到黎景既相,

       被誤會佢係韓國人~~

       我覺得佢似MIX多D喎~~

今日同D中學同學聚餐,

有D緊張呢,

原本想執正D先去,

不過想想下,

不嬲都無咩形象可言架啦~~

所以求其就算啦,

希望會開心啦,

今餐有三個壽星,

好驚SSSS, 呵呵~~

 

琴日放左一日假,

因為早上好唔妥,

所以唯有請假啦,

咁又無左日大假了~~

下午出左去食飯同親愛的行下...

順路整埋相機,

本來舊電壞左唔知有無得整,

點知維修果度d人好好,

換左粒新既電俾我, 好開心呢,

仲有一個月保養呢粒電~~

跟住就去行下同食飯,

食完飯入左b仔睇野,

見到個散子包唔錯,

仲要係紫色添, 不過面頭有個銀牌有少少影響左我對佢既購買慾,

而且都幾貴,

要成九百蚊~~

所以放低左就算,

不過見到有兩條橡根好正,

好似在日本都見到有得買, 不過無買到.....

所以就買來獎勵下自己啦, 啱啱出糧,

跟住買完又見到b仔朱古力,

一入去, 有個sales姐姐請左我食一粒朱古力,

我最尾睇到粒朱古力值16蚊架....

本來想睇下咋, 點知買左百幾蚊,

因為買夠300蚊又送50蚊現金劵呢~~

我又睇中左個限量版朱古力,

因為送幾個手錬扣, 好抵, 都係三百幾,

今日會去買埋佢, 呵呵,

不過想起仲有七千幾既咭數未找就有d心寒~~

灰灰~~~又要買, 又怕咭數~~

p.s, 琴日仲買左個頭夾同低b橡根...好似買咩都係放上頭既?