今日係亞雲既LAST, 真係好唔捨得呢,

但係聽到佢新工有咁好既待遇,

我就覺得, 佢走都應該既,

而家好似大地震咁,

唔知會唔會餘波未了呢, 呵呵, 好期待呢...

咁琴日我就約左亞雲出去食飯,

好多人呢, 我地TOTAL有八個人,

好少去旺角,

經過左今次之後,

開始知邊度打邊度了,

不過唔知下次仲記唔記得呢,

講起今次食飯,

OVERALL來講都幾OK,

最勁係,

大頭佢想色誘我地既廣播道王子,

主因係CANDY想廣播道王子從呢個世界消失,

而大頭身為CANDY既"是摩BEAR"

所以就唯有出賣佢既肉體同厚厚既雙唇,

著上熱褲, LOW CUT TOP, 加K字紋身,

重點係要咬住唇咁去誘惑廣播道王子,

呵呵, 真係笑死,

點都好, 大頭, 你要加油,

我估唔到你既TASTE由高大既佢變成廣播道王子,

轉變真係太太太大了, 呵呵呵,

最後呢, 希望亞雲工作開開心心,

唔好唔記得我地,

得閒搵我地食下飯哦~~~

 

星期五睇完免費報紙AM730, 發現左有D好玩野, 內文如下:

 

全球軟件業翹楚微軟的化表產品WINDOWS,

最為人熟悉的可能是化表死機的[藍畫面],

富幽默感的微軟程式人員為這個惱人的畫面注入娛樂性,

編寫了一個 [BlueScreen Screen Saver],

實行自娛娛人...

BlueScreen Screen Saver在日前微軟的TechNet網頁釋出,

最新版本已經去到v3.2.

它適用於windows NT4.0、win 9x、windows200以及XP,

並會因應作業系統的版本而顯示不同的 [死機] 畫面,

當 [死機] 畫面維持15秒之後,

更會彈出一個模擬的WINDOWS載入畫面, 十分惹笑..

相關網址: http://www.microsoft.com/technet/sysinternals/Miscellaneous/BlueScreen.mspx

 

另外, 今日上網睇到有關貓貓既新聞, 令我好想試下柑柑既忍耐力呢...呵呵...

 

偷渡貓有九命 缺糧缺水24日 以色列去到英國 (明報) 11月 26日 星期日 05:05AM

【明報專訊】英國工人打開剛從以色列抵達的貨櫃時，乍見白影一閃，
 然後「喵」的一聲，原來是一隻越洋3200公里的白貓。
動物愛護組織人員透露，工人上周五在英國西北蘭開郡一間倉庫發現這隻「偷渡貓」時，
牠已處於脫水狀態。牠跳出貨櫃門後躲藏起來，工作人員花了5個小時才能找到牠
及施救：「我想牠怕得要命，牠一直躲在貨櫃，來到這個陌生的國家，一有機會便立即逃生。」
愛護動物組織派員到場，在貨倉屋頂的水池發現牠，然後拿一碟吞拿魚「利誘」牠，
終於把牠「制服」。貓兒的眼珠一綠一藍，非常特別，工作人員為牠取名「齊吉」。
偷入貨櫃 長征3200公里當地貿易官員表示，貓兒是隨10月31日在以色列北部阿富拉
一間工廠封箱的貨櫃，運到海法港口，再轉運到英國利物浦，隔10日後運抵蘭開郡。
無糧無水下牠仍能撐足24日，正應驗了「貓有九命」的俗語。美聯社

 

前日家姐話我知,

佢同事收到個禮物, 係朋友坐cx時買俾佢既,

我想緊, cx有咩好買丫, 飛機模型咩?

點知原來係純銀手錬,

好可愛既, 不過就要$780, 都幾貴呢,

不過好似話我地買有八折, 咁就$624,

都ok既,

之前我好想買一條b仔既, 果條就$990,

係好簡單既設計, 只有一個b字喺條手錬上面,

不過而家見b仔出左新野, 就無左果條了, 嗚~~~

今次見到cx呢條, 就可以同b仔既新野拼過呢,

而家心大心細,

雖然自己買左,

知自己有可能唔會捨得帶,

但係我真係好想擁有佢呢,

而家d負資產已減輕左咁多,

買少d零食同朱古力就有可能買到的, 唉~~

二家姐好好,

佢已幫我問左cx果d姐姐有無平,

不過而家cx果d姐姐同ka合併左,

離開左大本營,

如果要買, 就要搵大亞姐幫手囉,

好似好麻煩咁, 但係我又好想要,

睇下親愛既家姐會唔會資助我先, 呵呵~~

 

p.s左手面係b仔新貨, 右手面係cx既

 

cx果條手錬既網上介紹:

此純銀手鍊以人手打磨，配有4個造型各具特色的吊飾，
彌足珍貴。吊飾分別為飛機、紅心、小熊機師及行李箱；
全部均由純銀製造，手工精巧別緻。
飛機以奧地利方晶鋯石裝飾、紅心和雙腿可活動的小熊機師均飾有軟琺瑯，
而行李箱則精雕細琢，像真度極高。此可調校長度的手鍊以絨布袋包裹，
配以飾上國泰航空蝴蝶結的禮物盒。送贈給摯愛的她，肯定愛不釋手。

上星期同媽媽出左去飲茶,

好似玩訴心聲既遊戲咁,

因為佢地可能覺得我如終都係細路仔,

好多屋企既野都好少同我講既,

不過我都係家中既一份子,

我都好想知呢個家既每一件事,

咁媽媽就同我講,

過左年就會有大件事,

聽完之後, 就覺得好死煩,

無人理你經濟能力係唔係頂得住既,

真係好體驗到一句: "你死你賤"

唉,

跟住前日先係惡夢既開始,

屋企廁所因入伙時拆左個浴缸,

而裝修果條粉皮既手工就真係九流,

因為佢拆完之後,

我地又住左一段時間既時候,

發現係有滲水既現象,

而我家係鋪上木地板既,

可想而知, 問題會越來越勁,

而經過左16年多既洗禮,

嘿嘿, 地板已到左極限,

唉, 真係唔知點好,

整又唔係, 唔整又唔係,

真係好車煩,

點解只有我地屋企係越窮越見鬼,

所以我要PLAN定, 我聖誕同新年都要出團,

如果唔係, 我, 媽媽, 家姐, 同細細佬柑仔都要瞓街了, 嗚!!!

最好學媽媽講, 中左六合彩就咩都搞掂, 呵呵

今晚早D抖先~~~~唉~~~

今日係CHI部既ERIC既LAST DAY,

近來真係都幾多人走左,

上星期有人突然失蹤就無左,

今個星期就走左ERIC,

遲D同部門又走一個,

好似會傳染咁,

一個走完又到一個,

呢度都好似留唔住好既員工,

不過可以俾到D咩你丫,

錢, 未必係重點,

俾多多你, 做得唔開心又係死,

如果際遇係好既, 人工少D都會做啦,

唉, 呢D野真係好睇命水囉,

條命生得好, 就真係做咩工都會待遇好,

咁講好似有D怪,

不過我覺得而家呢個世道,

都唔再講咩實力, 同工作效率,

最緊要識擦鞋, 或者有D人係一見到佢就令你好喜歡佢既,

果D人又有D著數既,

唉, 越講越遠, 都唔知想表達D咩,

唉,

點都好,

ERIC, 祝你前程似錦, 新工愉快!!

貓奴不嬲都幾怕細路仔,

有時直情係去到憎既地步,

因為好多BB同細路仔都成日玩唔停,

又流口水又流鼻涕, 又屎又尿咁,

所以見到小朋友, 我都唔多敢去抱

而且知道自己係粗手粗腳,

陣間整親人地個仔都唔知點算好,

上星期五同左培英既同學仔出來食飯,

其中有位同學仔帶左佢個B出來玩,

之前已見過一次了, 今次好似係第三次見面,

好可愛既妹妹, 又唔流口水, 又唔喊, 又成日都笑,

只係唔多鐘意食野, 如果我可以學佢唔鐘意食野就好了, 呵呵

呢位咁可愛既妹妹就係叫AZURE, 好特別既英文名哦,

咁可愛既妹妹令我都唔怕小朋友了,

佢坐左上我大脾, 仲要撓腳添,

可能佢覺得好似許志安話齋, 好好枕, 仲好枕個枕頭,

都好丫, 成身肉既我, 都起碼受AZURE既歡迎,

AZURE坐左好耐都唔走, 好乖架,

不過我真係有D腳痺兼想尿尿,

所以就將可愛人球俾左亞琪, 呵呵,

不過AZURE好似比其他小朋友細粒D,

希望佢快高長大, 大隻D, 呵呵~~

琴日放左工, 一落街,

好黑仔地睇住平時坐開果架巴士走左,

咁見未有咁快有車,

就鼠左落去PP既GREAT度睇野,

嘩, 唔睇"由字河",

一睇就中晒招,

有新既盒裝玩具+野食,

仲要係最愛既SONY貓,

想都唔想, 選左一盒就死去俾錢了,

真係超可愛,

而家姐一見到我玩緊隻公仔,

就問我, 佢叫咩名,

好似慣左我一定幫D公仔改名咁,

不過都唔駛我改啦,

人地本身就叫SONY貓,

BUT, 家姐覺得好長, 所以佢就幫SONY貓改左做桑仔,

都幾好名丫, 我好想要埋桑仔D FD,

不過一盒都要33蚊, 我都無咩本去儲齊佢(一套有五款呢)

算啦, 有時有D野, 唔一定要擁有既, 有得睇下已好滿足,

何況我已買左桑仔呢,

而且我太多呢D公仔了, 而家正努力地去收藏佢地,

如果有個飾櫃俾我擺就好了, 最好有埋射燈~~(幻想中)

P.S, 桑仔個後尾枕有拉錬既, 可以幫佢開腦架, 好玩哦~~

前日行過OK, 見到有好多運程生肖書出左,

我記起上年楊天命果本好勁,

勁在勁玩DESIGN, 完全唔似生肖書既,

不過點勁都好, 我上年都係無買到,

今年見到佢又再出了,

所以我琴日就脆脆地買左佢, 都要58蚊架!!

出完團之後, 呢樣係我買俾自己既野之中最貴既, 呵呵

今年佢呢本野都好靚,

同人地普通紅卜卜既好唔同,

影到好似人地雜誌封面咁, 幾靚,

而且我見今年係自己既生肖(唉也, 暴露左自己幾大添, 查實我只係12歲咋, 呵呵)

所以點都想買本嚟睇下囉,

一睇之下, 就覺得好不安,

今年犯太歲, 要掛虎形既野,

仲要今年無咩桃花, 呢個係重點, 呵呵, 上年夠話我有桃花啦, 又點丫, 呵呵~~

之後又話今年不宜轉工,

年年都唔不宜轉工, 咁咪成世都無發圍,

呢D野真係信不信由你囉,

不過呢本野都幾勁,

係按你既出生年月日來睇你既來年運程, 都幾推介大家買來睇下,

跟住老媽子叫我讀佢既運程俾佢聽,

BUT我真係好攰囉, 所以今晚就要幫呢位善信預測來年運程, 唉~~

我幾時做左神婆架,

睇來呢本楊天命都幾受歡迎, 呵呵~~

琴晚睇完果套搾唔出眼淚之後,

就死左去沖涼,

沖完之後個肚就劇痛,

痛左一大輪, 就要"痴"住個廁所,

OH, MY  GOD, 真係痛到死,

好, 在廁所既過程中,

即刻回想自己食過D咩野~

1.兩塊應該未過期既生命蜜糖麵包加日本藍莓果醬

2.幾塊仔黑朱古力

3.一條俾我啪斷左既蕉

4.五份一包亞媽食剩既薯圈仔

5.少量泡菜

6.肉餃三隻加福字紅燒牛腩口味河粉一包再加少量泡菜(無錯, 係第二次食了)

7應該有D遺忘左既口垃濕, 不過唔多囉, 因琴日主打係睇電視同雜誌

結論係~~

我仲未知原兇係咩野,

個肚而家仲有少少搞搞下,

返到公司啪左個包, 之後就即刻啪左兩粒止瀉丸,

感覺好好多了, 如果今晚再瀉,

明天就真係唔駛返工了, 唉~~

真係再瀉就腳仔都軟埋了, 嗚~~~

 

相信近來最多人睇既劇一定係呢套~

每次肥田俾人地笑OR俾人話既時候,

都身同感受,

未入來做之前, 都叫做無咁肥,

入左來, 肥左30磅有多, 真係唔係講笑,

當初以為自己唔會再肥番架了,

點知, 肥番之餘, 仲要肥突,

啱啱去完台灣, 同欣怡見面,

佢都叫我加油減下肥,

OH, 談何容易丫,

就算唔食, 都唔會瘦,

一定要郁先會瘦, 我又懶, 做野成日都好o徒神,

自己又唔夠恆心, 講起做運動,

都有差唔多兩個月無去了,

上個月就掛住出團,

今個11月無咩野特別, 我一定要加油先得,

以前做反斗城, 有位同事減肥好叻架,

當初貓奴就係跟佢既方法去做先瘦到,

當然都要多謝果d狂駛我做野既同事出力地折磨我,

而家見到胡杏兒可以咁瘦,

都真係好羨慕,

幾時先輪到我呢, but, 我又忍唔到口~~oh, my god~~~~

啱啱出完團, 去完鄉下~~台灣,

由機場開始已出事,

D客遲遲都未到齊, 9:45去到閘口,

但係九點半先到齊, 仲要我自己都未去寄行李,

趕到我扒街, 一開始就覺得唔開心了,

唉, 同客B既時候, 好多野都講漏左,

又有個死八公係咁吹我,

如果想早D入閘就早D出現啦,

遲到仲咁Q大聲, 成班客都無時間觀念,

去到台灣又係咁, 又係不停地遲到,

只有幾個年輕人係會準時既,

D死老野就唔理其他人, 係咁遲, 係咁要人地等,

唉, D客都唔太掂,

講咩都無咩反應, 之前去泰國, 有班大PARTY既師奶,

雖然佢地會好嘈, 但係佢地會同其他唔識既團友玩,

到完團既時候大家都係好開心咁散,

而今次個個都唔會想去混熟既,

各有各玩, 都唔知點咁

我都知客緊有好, 緊有唔好,

不過今次除左客唔好之外,

貓奴仲身受重傷, 點傷, 就唔好再問了, 我都唔想再講, 唉....

而家仲煩緊去唔去睇醫生, 因在台灣係好痛,

回來己好D了, 啱啱先開始搞掂D咭數,

我唔想再花D咁既錢, 因去照X光係好死貴架, 呵呵...

咁呢, 今次拍既T/G叫小曹,

聽過亞姐講過好多佢既野, 今次終於見到佢既盧山真面目,

原來係大叔一個, 呵呵, 仲要D普通話比我果D更普通, 呵呵

真係低處未算低, 但係D台灣人都識聽佢果D所謂既普通話, 利害!!!

之前果位LEO技術性地推左我團,

不過唔緊要丫, 今次新郎哥小曹對我一百分好(十分好都唔夠, 呵呵)

人地好照顧我, 又教我野, GOOD,

同上次去泰國遇到既亞揚有得"輝",

而且今次我仲同欣怡見面, 亦係我今次去台灣既重點,

好開心架, 多謝欣怡請我食火鍋, 呵呵, 好味道又好平, GOOD~~

希望下次有機會再食過~~

今次從酒店內影左基隆港, 之後仲有影左故宮同其中一個站~~