二家姐今日終於LAST DAY了~~

因為前幾日佢病左而今日又要去覆診,

所以今日同佢食唔到LUNCH,

不過琴日都同佢食左個FAREWELL LUNCH,

好飽呢~~呵呵,

真係好唔捨得二家姐呢~~

四年既鄰居同事朋友長輩~~

二家姐,

記住得閒就搵下我地食飯,

打下返來同我地吹水,

同我地MSN下,

希望我地可以快D再見啦,

不過我估我地都好快會再見,

因為你一定要返來攞CHQ丫麻, 呵呵

二家姐, 等你整CAKE俾我地食哦~~

去玩得開心D哦, 等你哦~~

P.S 因為D相已OVER左今個月既QUOTA,

唯有等11月再UPLOAD上來了~~呵

二家姐明天LAST DAY了~~

以前都會覺得有時佢會好煩架,

又固執,

不過佢都係做左我四年既鄰居呢,

未掉位之前, 佢一直都係坐在我隔離,

明天就係佢LAST了....

唔捨得呢,

二家姐係我地既長輩, 同事, 朋友, 飯腳, 仲係我既四年鄰居~~

自從同佢分開左坐之後,

我一返埋位就口都臭埋,

因為我隔離成日都無人返工,

一係就係對住個八婆~~

無人同我講野,

如果唔行開個位, 又帶飯返工,

真係可以成日都KEEP住唔Q講野...

二家姐教左我好多野,

做人啦, 做事啦, 工作上既SKILL啦, 都教左好多,

真係多謝二家姐,

以前佢坐我隔離, 有咩唔掂我都第一時間問佢都唔會問亞姐,

因為二家姐既方法好保險既...

不過有時二家姐都會有令人想頂佢既衝動,

當然, 人無十全十美既,

佢係我地咁多個掃把之中, 應該係人緣最好既一個,

因為好多老領都同佢好FD,

而佢對我地妹妹仔又好,

間唔時整野食俾我地食,

二家姐,

如果你開麥太太餅店,

一定要請我做收銀哦~~入下麵包都可以丫,

希望二家姐你既SEL旅程開開心心,

返來攞CHQ再見啦~~

因為果幾日旅程返到酒店都好攰了,

所以等到而家先打BLOG了...

第二天~~

一早我地去左清水寺~嵯峨野~渡月橋~京都駅~

梅田HEP FIVE~晚餐浪花餃子~HTL...

清水寺係一個好期待既行程,

因為睇書見到係好靚架,

如果我地撞到佢有紅葉或者櫻花一定仲靚呢,

去到清水寺買左幾個御守, 希望會靈驗丫~~呵呵,

唔好問我求左咩哦, 呵呵呵, 秘密~~

而呢日食晚餐之前去左玩夾公仔...

SHIT, 玩左4千幾円都夾唔到....

食完飯之後有人夾走左我玩過果隻,

仲要有人在我面前夾走多一隻,

個零鐘, 日本人就可以攞走左兩隻.....

早知攞D錢去買一隻大大隻仲實際~~

第三天~~

去ANGEL最想去既環球影城~~

玩左好幾樣遊戲, 都OK丫,

不過我覺得迪士尼會好玩D, 呵呵

咁多樣公仔, 最鐘意都係ELMO,

所以買左D係佢既精品俾自己, 呵呵

買到要買左個佢地既紅白藍先裝到返酒店,

喺玩完之後出返來既CITY WALK食左個唔知咩岐烏冬....

跟住就返HTL了....

第四天~~

先去大阪城~松屋町買手信~味覺糖~HTL~SUPERMARKET~

難波~道頓崛~心齋橋~梅田HEP FIVE~DINNER

大阪城真係好靚呢,

我真係好鐘意睇呢D寺呀, 同埋舊既野,

D景真係好靚,

仲有個伯伯俾我同佢隻狗狗影相添,

好開心呢~~

第五天~~

日清杯麵博物館~HTL~機場~香港

5天就咁過左了,

好快同好急呢...

去左好多地方,

多謝ANGEL帶我去玩同忍受我呢個路痴呢, 呵呵

有好多戰利品呢~~

今日終於出發去大阪了，

本來我想4點半起身架，

點知中左親愛的既口卦，唔知醒～shit～

我本應要5點50前到機鐵站，

點知我5點半先醒，一醒就真係心都離埋，

因為我連行李都未執好，

嚇到死，咩都塞左入喼，

跟住仆落街上的士，

再駁機鐵，meet唔到親愛的仲要遲到要angel等，

我真係好無用呢～～

去到機場，又差d遲左上機，

因為我都係靠估個boarding時間，好在angel心血來潮睇下個boarding pass咋，

如果唔係就會同架AI SAY BYEBYE了～～

上到機真係有陣味，仲要D空姐服務態度好差，

上機前俾我撞到DANNY SIN，

原來佢同我一樣都係去大阪玩呢．．．

真係好橋～～

今日先去左海游館、天保山MARKET PLACE、道頓堀、心齋橋筋，

最後就返左酒店，

成日既行程都好好，

最差就係架飛機，真係一分錢一分貨，

所以下次貴D都要坐間好D既AIRLINES～～

有機會再同大家分享大阪遊～～

PS．多謝ANGEL借NOTEBOOK俾我寫網誌～～

有D緊張呢,

明天出發去大阪了...

終於可以去日本了,

仲要係同親愛的二號去添...

有枝好可靠既盲公竹呢, 呵呵

飛八點幾, 要好早起身呢,

BUT而家仲喺公司,

仲有未執行李...

希望我地兩個可以睇到好多靚野啦...

眼看手勿動了, 呵呵

因為今日又俾保險 SALE中左我加保...

一年千四蚊...

又中左招....

咁都唔知要買幾多份先夠...

唔知可唔可以縮沙唔要呢?

星期四返工,

到時再同大家報告我既旅程丫,

BYE~~

原來溫泉果度都ok喎,

上網睇仲有中文介紹,

令我想起春天或者水都~~

仲要有優惠卷...

好似好好玩,

我決定唔買泳衣,

因為裸浸好多款呢~~

係唔係幻想緊肉滕滕既我周圍走呢??

唔好想啦~~好衰既~~嘔~~

近一個星期洗左好多錢,

因為成日都出左街食飯,

媽媽既住家飯唯有帶返公司食囉,

不過真係好味道,

TOTAL一星期食左四次DINNER~~

第一餐食日本料理任食(中環)

第二餐食有骨氣烚烚下(銅鑼灣)

第三餐食Delifrace(銅鑼灣)

第四餐食日本燒肉(油麻地)

嘩, 餐餐都好肉肉,

好肥囉~~

明天又有機會同東南亞部同事仔出街食飯,

我真係未出發先興奮呢~~

希望可以好玩啦~~

我最怕既樂園要玩一整天...

好想掉轉行OUTLET一整天,

浸溫泉好想浸一D有特色既地方,

見電視節目影果D都好美,

係好大自然既地方,

唔係在大廈入面既...

唉.......

好想輕鬆地玩而唔係趕頭趕命,

已俾你先旨聲明話會辛苦過出團,

未去, 已覺得好攰,

我係想RELEX, 唔係想攰攰的~~

我唔敢講, 唔想你唔開心...嗚~~

上次講溫泉係一個難題,

因為要著泳衣,

我想浸唔駛泳衣既,

因為我唔想再增加我既成本了~~

今次欠缺計劃,

我覺得太急了,

好唔好玩言之過早...

灰灰中~~

終於在4號搞定晒去大阪既野,

成本係大約3千五包機票及酒店~~

BUT, YEN由7.4升至今日既7.9,

我既血壓同荷包既壓力都隨住佢上升~~

其實我呢個死窮鬼係唔係唔應該去日本呢,

今次日本之旅

都令到兩個人失望,

一個係親愛的...因為佢要5/10-11/10內去,

而我又搵唔到平飛, 所以搞到佢去唔成滯留香港,

第二個係媽媽,

因為我太想去日本了,

見親愛的去唔到就撩媽媽去,

點知我又搵到親愛的二號ANGELBABY去,

我答應左媽媽,

如果今次好玩,

我就過左年帶佢去, 唔去台灣,

媽媽唔知點解咁鐘意台灣,

試過叫我不如搵個台灣仔做老公~~

媽媽, 我估台灣男人既要求都好高架,

D台灣女仔咁靚...你個女我咩貨色先丫...(灰暗中)

如果我到時真係咪DUM左,

都可以叫小曹幫我訂D平房, 呵呵

小曹, 你要記住我, 唔好忘記我哦~~

次次都係講字, 希望我真係可以實行, 我要大個女~~

如果我呢生人好彩有75歲, 我都行左3份一既人生了, 所以要加油~~

講返大阪,

ANGEL好好哦,

已買晒書, 問晒D GUIDE點玩,

想好帶我去邊度玩,

好開心, 有人想好有人陪,

不過有個難題...浸溫泉~~(下會分解)呵呵~~

今日好靜,

一坐埋位就無講野乜滯,

有D口臭...

不過我好ENJOY,

因為可以靜靜地做野,

唔駛眼尾見到D唔想見既野就係度炆,

每次唔係度, 都發覺有人做錯野,

好BASIC既野都會錯,

成日都在人前話, QUEENIE好少做錯野,

對, 我盡量唔俾自己做錯野,

BUT你做完野永遠唔會CHECK,

作為一位高層, 想搵邊個幫你CHECK呢...

對住佢, 想死....

入錯呢樣入錯果樣,

我覺得自己無責任去CHECK一位高層既工作狀況~~

如果唔係我就係做左高層既高層~~

我唔想俾你覺得我拖你野,

我OT都抄埋佢...

幾何拖你既野?

甚少...

難以想像, 平常返工係做咩?

呃飯食都要呃得高招D, 唔該~~

雖然今日寧靜, BUT火上心頭~~

18號會出發去大阪5天,

好想快D出發哦,

我想暫時離開一下哦,

雖知去一次會大出血,

BUT我覺得會好開心好開心好開心的~~

想到此...心已飛往大阪了~~呵呵

<--若果可以KEY你的頭上去會更完美~~

跟住我唔信邪上左去"容"記果頭食晚餐,

係一間叫大吉既日本任食,

之前食過好味架, 不過OPENRICE話佢成日漏單,

我唔信邪都上左去食,

真係慢...係咁上菜既野食, 之後先上肉,

食菜都食飽啦, 唔知係唔係佢呢間野既戰略,

令客人可以食少D...

食左好少野就走了...

去左CB行街,

突然好想買對B字頭牌字既拖鞋,

可惜好多款都無晒, 鬼咩, 都開始涼了....

仲想買對去大阪時著添...

跟住唯有去扭蛋以洩心頭之恨...

點之...

扭左隻.....

果執頭髮......令我想SHIT~~

雖然唔係好靚, 不過姐姐都會努力去養大你既...

適逢中秋,

又有好多果藍啦,

我選左兩個俾柑仔...

仲有D花球添,

我地每次拖地都要綁住佢,

限制佢既活動範圍,

如果唔係佢就會追住個地拖阻輪住晒,

我見佢綁住咁悶,

就綁D花球落佢度同佢玩下,

真係好靚仔哦, 柑仔...(當時佢成個死樣~~)

呵呵

好玩~~