今個假期真係好充實哦,

放左三日假,

都出左兩日街,

平時我一定係瞓足三日架, 呵呵,

果然係豬年出世,

不過就算我係豬年出世, 都唔及我屋企果隻真正既大懶豬!!

上個星期五呢,

就屎忽痕入左大澳,

12點幾在中環出發,

搭左一個鐘船去梅窩, 再轉車,

一個鐘後先去到大澳, TOTAL兩個鐘….

入到去先發覺…

原來係無野行架,

只有一條街係有D海味, 咸魚, 蝦醬果D買,

前一晚亞媽已叫我買架了,

不過我話唔買咁多啦, 點知都買左三條咸魚, 一舊蝦膏, 一樽蝦醬, 一包魚肚,

誠惠$215….

唔買唔買都買到我破產,

我真係去到邊都可以買野….

跟住行下行下,

發覺都未夠鐘搭船出東涌, 咁就搭左架大飛去睇棚屋同中華白海豚,

因為SALE我地JOIN既麻甩佬話有機會睇到白海豚先SALE我地,

如果無得睇既都唔會SALE我地,

咁見有時間又廿蚊咁平, 就JOIN啦,

出到去, 真係睇到白海豚, 佢個BODY真係好粉紅,

真係好開心, 粉紅色既佢, 好有桃花既感覺,

希望見到佢, 佢會帶D桃花運俾我啦, 呵呵,

跟住睇完就返屋企了…

跟住星期日就入左迪迪尼,

今次玩晒我上次入去無玩既野,

第一樣係先玩什麼賽車果舊野,

我上左車都覺得OK既,

不過個呔盆好難控制,

因為如果你唔揸住佢就會架車左撞右撞,

我都俾個呔扭親隻手, 好在好快就唔痛,

都唔好玩既, 一落車,

點知D工作人員話架車壞左,

真係有幾黑得幾黑, 唉~~

希望唔係我玩壞啦,

我都控制唔到佢,

又無專登去撞人地….

總括而言, 今次迪迪尼都真係好好玩,

3D SHOW同埋幸會史迪仔大家真係要去睇,

個3D SHOW真係好好玩, 好似真係摸到D公仔咁,

史迪仔就好搞笑, 又可愛,

跟住仲有鬼屋都幾好玩, 佢地話都估到D鬼喺邊度走出來,

不過我都係嚇到大叫, 由頭叫到出門口….好無用呢…..

我個半價QUOTA都仲未用,

真係好想再去玩多次哦!!!

唔知由幾時開始,

鐘意左波點,

一見到波點,

就好似痴左線咁,

上星期六放左工去按腳加血拼,

路程係, 由金鐘行去中環搭船去尖沙咀, 再行去按腳, 食飯,

食完飯行去海港城, 再行去碼頭搭船去中環, 再行去金鐘搭車返屋企,

因為同行既親愛的話, 行多D會好D, SO我就主動提出咁樣行,

呢D都唔係主題, 呵呵, 全部都係廢話,

只係想俾大家知, 我係勞動得架,

其實我係行過海港城,

見到佢有好多波點既牆啦,

仲有波點既南瓜添,

即刻就不停地影呀影,

跟住見到個夜景好靚, 又影呀影,

又見到有郵輪啦, 有新碼頭啦,

又影

好想買部CASIO既七百萬象素既白色相機,

本來想買一千萬象素既,

不過見到部白色實在係太靚啦,

因為我買襯既隨身電子產物都係主打白色既,

I POD啦, 電話啦, NDS啦,

所以, 我好想相機都買白色哦,

不過都要2千蚊,

真係搵幾多都唔夠用呢,

我咁鬼大洗,

仲打算十一月尾去玩,

都唔知邊度搵d錢出來,

唉~~