| Queenie's profile涼QQ & 小柑柑的世界~~PhotosBlogLists |  Tools  Help |
|
October 24 我要買四件紅色TEE~~琴日放左假同媽媽去左飲茶,
好開心架,
叫左奶黃包, 燒賣, 蝦餃, 牛柏葉,
蜆介菱魚球, 叉燒腸, 咸水角, 牛肉球,
八個點心, 加埋一, 都係74蚊,
埋單時好豪, 佢找26蚊俾我, 我就俾6蚊TIPS佢,
因實在係太平了,
唔怪得之, 咁多人都會去飲下午茶啦, 呵呵
今日再返工, 一開機,
就睇下自己派左咩野團先,
好開心, 係去台灣, 仲要係DELUXE,
呵呵, 客又唔多, 應該會幾好,
希望可以順順利利地去, 開開心心返來吧
終於可以去倒扁,
我要買4件紅色既TEE去,
呵呵, 開心死, KEEP住開心, YEAH~~ October 21 無奈~~我真係覺得自己係人地心目中特別好蝦~
因為話說泰國之旅, 經理們又再呼喚我,
搞到我個朵響遍全泰國,
同事一見到就問我係唔係QUEENIE,
公司搵你喎~~
唔知既, 仲以為我果團出左大件事,
更加令貓奴火起,
為左少少野, 係唔係一定要指定我呢,
貓奴做左個小小既市場調查,
就係發現都唔係個個有特別任務既,
次次都搵我, 我雖然係生得大隻D, 唔代表我夠大力,
唔係多定少既問題,
而係有定無既問題,
鑊鑊都係我, 呢D事上, 我就最得竉,
唔公平, 有人話, 唔可以咁計較,
但如果次次都中, 唔到你唔計較,
人工最低, 有變態上司, 有咕哩任務,
你叫我留有咩意思,
我頂多忍多2-3次,
2-3次後, 我一夠錢, 你估我唔會發圍咩,
可能有人睇完我打既野, 覺得我好無聊,
但係唔係每個人都鐘意做D無謂既野,
家姐同貓奴度左條好橋,
就係到左香港既機場, 就叫速遞收左果D仆街野,
第二朝SEND回公司, 起碼唔駛自己抬,
只係將搭的士既錢轉嫁到速遞費中,
呢間公司好古怪, 好唔鐘意,
我都明, 唔係你中, 就係出面既同事中, 再唔係就其他同部門既同事中,
亞姐話, 人地係唔會睇諒你拎唔拎到,
只會在意D野食,
聽聞N年前, 又係因為呢D野而搞出事, 大大單既,
點解仲未受夠教訓, 係唔係要再有人出事先收手呢,
貪字得個貧, 月薪咁高, 想食咩都可以啦,
點解要迫小員工, 小員工都係人,
之前既人做壞晒規舉, 就要而家既人來受,
願果D仆X, 打落十八層地獄, THANKS GOD~~
好了, 講下貓奴在BKK既戰利品先,
有象仔袋啦, 有BODY BUTTER啦, 有手錬同平安繩, 呵呵, 開心,
不過知今次搵唔到錢, 所以都悭住,
各位, 手信下次會再補, SORRY~~ October 18 泰國黃色之旅~~今次去泰國, 比想像中還要OK,
雖然係未去過, 係好驚既,
不過遇到一個好既T/G,
人又好, 又照顧無咩經驗既我,
又同我吹水, 我由第一日笑到第五日,
係幾次團, 最開心既一次
搵得少錢過之前, 但係係最開心囉,
不過呢位導遊有少少唔好就係回程時囉,
唔多幫手, 又老點我,
有D興, 不過算啦, 佢OVERALL來講都係GOOD既...
D客又冧佢,
今次有D奇怪既客囉,
集露體狂(只跟房間內), 變態, 發老姣, 大家姐於一身既亞嬸,
成日以為自己好正, 挑逗同團單身男團友,
而聽聞果位男團友都對老藕有興趣兼過電,
好嘔心, 呢位亞嬸最勁係,
在房內會一絲不掛, 同房OR自己沖涼都嚴禁關門,
仲有絕招係只穿"爸爸"迎接BELL BOY,
又喺四面神面前聞歌起舞,
好似精神有問題咁, 同行既團友(佢D FD) 都頂佢唔順,
真係好可怕,
貓奴都俾呢位亞嬸罵左幾廿轉,
好在, 可以平安返來,
其他團友都對我好好, 雖然我做得唔好,
但係大家都體諒同包容, 而且有T/G做得好,
帶起成團既氣氛,
今次泰國之旅, 發覺個個都係泰王既粉絲,
逢星期一就會穿晒有泰王LOGO既黃色衫,
星期二就係泰王老婆LOGO既藍色衫,
聽極都唔係好明點解有咁多粉絲,
可能呢位泰王真係為國民做左好多野,
最後一日, T/G亞揚見到有泰王LOGO既手錶,
唔帶錶, 又唔鐘意帶錶既佢, 都掃左一隻,
真係好粉絲呢, 呵呵~~
身為一個領隊, 下次應該帶件黃色既衫去,
融入泰國中~~~~~沙嘩D卡~~~~~~
October 10 好低落~~明明琴日仲對今次出團抱有期望既,
點知, 今朝就同我講, 要去泰國,
如果俾我選, 我就最唔想去泰國囉,
太熱了, 而且係未去過既地方,
雖然小青都有可能係去泰國,
但係, 都唔同日字出發, 都未必撞到呢~~
唉, 又雖然今次係拍一個資深領隊去,
但係人地都未必理我啦, 好似上次咁~~
心死, 好想去台灣呢,
而家台灣果團心水團, 都係少我而家一個客O者,
我都唔介意客既多少,
不過人家話13號人手緊張,
所以就唔會俾貓奴15號既心水台灣團,
唉~~, 早就預左未必可以去台灣,
不過一知道左現實, 就好有一種想逃走既感覺~~
而家好緊張...點好呢~~~唉~~~
講D其他野先,
話說中秋節自己在家搓左湯丸,
幫佢地成班影左D沙龍,
仲有影左D大月光添, 呵呵
我覺得自己有好多方面既技能呢, 呵呵~~ October 09 驚嚇~~今日下奏經理打來,
嚇死人咩, 我好怕係我遲到太多,
搵我入去照肺,
咁點知係問我出唔出團,
問我用唔用得晒D團數,
照計如果我聖誕同新年都出團,
就應該用得晒,
不過而家淡季出團, 有個好處, 就係唔駛咁驚囉,
一旺季, 機場又亂, 菜鳥既我就會藤雞架了,
其實出團都好, 今個月有3個人生日,
一團, 應該都可以幫補一下囉, 呵呵~~
13至16號, 我好希望係15號既台灣團,
求神哦, 幫我一把吧,
雖然亞姐批死唔會俾5天團我,
我未去過高雄, 真係好想去呢~~~
October 06 中秋節快樂哦~~琴日睇新聞,
話今晚十一點幾既月球係最接近地球既,
SO, 今晚大家會覺得個月光會特別大特別圓既~~
係九年來月光最大既中秋~
最開心既就係南面望既月光係最大,
皆因貓奴係住南區既, 呵呵~~
PINKY叫我不如猜湯圓,
皆因貓奴今晚無節目,
SO, 唯有猜湯圓度日啦,
今次係第一次我一手一腳去做,
希望會猜得成啦~~
中秋節快樂~~
October 05 無聊既人生~~做人真係有D犯賤,
當你忙到死既時候, 就會不停地埋怨, 同亂發脾四,
當好似而家咁, 靜坐係度, 就會覺得悶到抽根,
想過番犯賤既日子, 唔怪得之俾人覺得我脾四古怪~~ = ="
其實如果唔忙既時候, 可以唔駛返工就最好,
以前做PART-TIME, 無咩野做, 公司都唔會叫你返工,
咁就可以hea喺屋企,
不過錢就一定唔夠駛,
想起以前洗錢既模式, 真係好可怕,
洗既錢, 係自己入息既2~3倍,
所以呢, 積落黎既咭數都好驚人~~
不過而家經過兩年內既努力,
擺脫負資產有望了, 呵呵~~
充滿希望既人生哦~~~
頭先睇完candy小姐既日記,
感到滿到死既甜蜜幸福感覺, 再想起琴日睇完老友亞琪個space,
真係幾日幾夜都唔駛食飯~~甜到漏~~
果種幸福既感覺真係好令人羨慕呢~~
唔知幾時先輪到我呢,
不過暫時真係好想衝出康x, 去外地玩下, 可能會有艷遇呢~~
$2999去歐洲, 英國, 好抵, 不過原來只係玩得兩日多d~~
唉, 都唔知想打d咩了, 明天再打, 係咁先, 唔係咩呀, 呵呵~~~~~ October 04 佢叫吱吱, Kit Kit, 定係拮拮好呢?好開心, 有人對我隻公仔興趣,
等貓奴發左達, 發左圍之後,
就送一人一隻俾各柑柑星球既粉絲呀下~~
不過如果大家交多D會費,
咁大家就會有多D福利架啦,
為左大家將來既幸福, 請大家交多D會費, 落力D啦~~
至於仙女閃爍LING問起既枱仔,
我懂性以來已經有呢張枱架啦,
我諗都至少有20年吧,
都唔爛, 只係甩左少少圍邊既金色物料,
原本老媽子係想掉左佢,
但係我堅持唔俾佢掉,
因為攞來睇雜誌都唔錯架,
而且可以用來做手術枱,
以前小白唔鐘意剪指甲,
我地就綁左佢係張枱仔上面, 霸王硬上弓, 呵呵
而且都無爛, 身為環保仔既我, 一定要保住佢啦, 呵呵
P.S. 公仔係在CB既十蚊雞店買既, 小LING你要我買隻俾你丫, 呵呵~~ October 03 柑仔新寵兒~~上星期四放假既時候已買左個毛毛棒玩具俾柑仔,
跟住星期六同家姐探完婆婆之後,
再殺去CB行街,
又再買左隻公仔俾柑柑,
一見呢隻公仔我已好開心, 因為實在太可愛了,
但係我差唔多去到收銀機既時候,
唔小心跌左佢落地下,
即時反射既反應就係將隻公仔抹向貓奴既身體,
以吾之肉俱, 潔汝之BODY,
可見我真係好鐘意呢隻公仔,
講咁耐, 查實呢隻係十蚊雞店既馬騮公仔,
按佢個BODY, 就會有BB聲, 好搞鬼,
原本係想俾柑柑架,
不過我真係想據為己有,
不過我會唔會太多公仔呢,
中長J同事, 星期五同佢逛街,
俾佢連環幾廿次話我, "廿幾歲啦, 仲玩D咁既野"
當同佢地去睇枕頭既時候, 佢地問大家會攬咩野瞓覺,
佢地一問我, 我就覺得佢地唔想知我既答案,
因我既答案係, 公仔~~~
唉~~~, 咩廿二歲都唔可以擁有童真,
廿二歲就唔可以同隻貓爭野玩咩?? |
|
|
