今日lunch time時,

好多同事都喺度討論一件事,

我咁八, 實唔會錯過既,

原來大家都係講緊陳冠希同亞嬌情慾照果單野...

小青睇果張係有格仔,

同埋有埋d解構圖...

睇完都係一頭霧水,

所以行去小ling度問一下,

佢話開俾我睇可能會好咩...

第一張都無咩丫,

都係一個亞嬌(唔知係真定假既)張開對脾...

睇左一張, 原來ling既相係無格仔...

第二張...主角係bobo同edison...

真係幾嘔,

淨係覺得...

唔係咩野都可以放入口囉,

睇完覺得有d飽....嘔....

晏d喺printer前等print out時見到candy仔食緊熱狗...

又鈎起嘔心既片段...

腸仔....申脷....

個腦充滿果個畫面.....

唉,

而家仲O緊T....

有D人可以唔等飛....

我地就一定要等......

等到幾時, 琴日我就話無得等丫,

到我等時係要等咁耐架........

唔通真係要十一點先返去????

你並不孤單--林峰

曲：胡文 @ADLIB
詞：林夕　
編：TED LO
監：舒文 @ZOO MUSIC

你大概自覺不吸引 找不到戀人
你大概路過望別人一個個熱吻
餐店中 完全賣氣氛
偏你卻是單身 令你不合群
可憐人 從沒有愛侶相擁一吻
你大概自尊心不再 再不敢出來
你大概害怕到未來 一世也沒被人愛
請看開 看別人甜蜜也許是意外
不只你 和自卑比賽

*明日或者相愛變傳奇
但是你必先好好生活爭氣
生命似在垂死 只曾被嫌棄
在這殘酷世紀 不斷別離
能自愛別與世間去比
讓自信優雅地哪愁沒運氣
上天總找到你
來日註定愛的總愛你*

你大概未搞清真愛 要等等不來
你驟看 幸福的一對
不見背後漸忘愛
請看開 每段情其實也經歷苦海
不只你 有這種感慨

REPEAT**

如約愛在世間總愛你

好多女性都會鐘意買手袋,

我個人就鐘意斜揹袋多D,

因為會好方便攞野,

一路以來都好想買個PORTER....

好耐之前佢出左DOT柄,

就好想買一個,

近來呢個慾望好強烈,

不過近來YEN都升得好勁,

香港買同日本買可能都差唔多...

而且我又搵唔到大頭幫我格價...

咁點算好呢?

我真係好想要個DOT DOT PORTER袋....

 

琴晚放左工之後,

我地成個東南亞部去晒食自助餐,

由各位經理全力出錢又出力地支助...

不過我地坐的士已出事了,

分了四部的士..

我同小青, 雯雯同LINGLING一架,

不過一上車就俾人拒載...

話佢唔係過海車唔載我地, 要我地就下佢,

咁算啦, 我地落車囉,

一落車, 青青先落我包尾,

佢一落就閂車門.......我仲未落架,

好在我推住, 不過都撞到個菠蘿COVER....

又好在我身手好, 唔係撞到正....

係唔係打算留低我對付拒載司機?

呵呵, 我都係純粹講下笑咋...

去到個場, 都幾靚哦,

不過我覺得香拉會GRAND D....

野食都幾好味,

我食左四種味道雪糕...

食到頂住返出來...

不過我覺得坐位編排好怪囉...

大家都好似坐散晒咁...

不過最尾大家都走埋一齊影傻仔相,

都好開心呢,

OVERALL來講都好OK,

OK在唔駛俾錢丫麻, 呵呵呵,

多謝晒各位經理....

想睇琴日既花絮就去相簿睇下丫,

每張相都有改名架, 呵呵.....

真係好似無時無刻都會好炆咁,

因為屋企件蛋散今朝起身同我爭廁所,

平時我日日都係果個時間起身,

我搞定晒佢先會起身,

今日我起身佢又起身,

擺明玩野啦八婆,

真係見佢前面憎佢後面,

見佢後面憎佢既靈魂,

真係好少咁憎一個人,

因為佢唔知衛生為何物,

係咁周圍噴口水, 好嘔...

條褲永遠都著唔正,

下下都露出條底褲,

真係好想嘔,

而家已訓練到自己佢一行過我就另埋一面唔好望,

因為我唔想隻眼生毒"倉",

我心想, 真係搵萬幾蚊一個月, 都買唔到一條褲頭橡根無事既褲咩????

返到公司,

又要見到D唔想見既人,

果D人好似食左屎咁....

都唔係做野架..........

好想走...........

好煩哦...........

琴日既事必關己講D為左一個人住而設既日用品...

有洗衣機呀, 飯煲呀, 乾衣機呀........

嘩, 好正呀,

真係好想一個人住同轉過份工呢.....

近來大家都迷上呢個玩意,

本人都追上潮流,

開左個FACEBOOK....

不過我覺得都幾難玩,

因為都係全英文,

公司用既電腦係中文, SPACE又係中文,

一見到咁大堆英文,

都無咩心機去玩,

不過我都在FACEBOOK養左隻馬騮叫柑豬豬,

係我屋企柑仔既花名,

好搞笑既名...

好多人都覺得FACEBOOK好煩,

因為開左之後,

就會收到好多EMAIL....

點解唔係我開之前同我講呢,

早知就唔開啦.....

呵呵....

而且我發現佢上載既相,

一個FILE唔可以多過六十張,

有時影一次相都唔止六十張啦....

不過佢既介面就幾靚仔丫,

比SPACE靚一點點....

而且比普通既相簿OR BLOG都互動一D,

所以都有好玩之處既,

希望可以利用呢D工具了解大家多D啦...

今日好攰哦,

又發現自己肥左.....

好DOWN,

親愛的又走左....

人生, 好似失去左一點點意義.....

琴日終於去左睇皮膚專科了,

因為之前既小紅點,

帶俾我好多疑惑,

所以為左解決佢, 就去睇醫生啦...

BOOK左11點...

去到都要等到搭半先到我,

不過等既時候有D驚,

因為見到個個俾錢都係碌咭,

仲要俾我聽到姑娘收人地千幾蚊,

我打左個突,

仲想走人, 見未輪到我,

到我十五十六既時候,

又叫我名了喎, 妖........

醫生話我小紅點係家族遺傳既,

因為家族都有皮膚病,

我既小紅點可能小時候無,

不過可能大個先生出來,

無野既, 又唔會痛又唔會痕,

好似血痣咁囉,

無野可以搞,

不過可以做D小手術消左佢,

不過我估會好貴囉, 又唔係生到周身都係,

所以由佢先啦,

而我D髮線邊同條頸都好痕,

係勁痕,

醫生話我既皮膚追唔上個天氣,

我以為潮流係難追O者,

點知天氣都要追既,

所以我就痕囉,

佢叫我出街一定要帶野搽,

幾個鐘就補下佢,

我心想, 好似D女人補妝咁...

如果我真係有小朋友,

咁咪會遺傳埋D唔好既野俾佢囉.........

唉......................

點解我會咁架...........

 

FINALY, 我都係睇左500蚊醫生,

不過果5舊水都夠我豪洗一個星期架.........

好窮呀........

 

前幾日已派左名去台灣了,

又去台灣,

如果唔係去豆利是,

我都唔會再去了,

去得咁密, 真係當係鄉下咩,

今次應該係第十二次去台灣.....

年幾內去咁多次....

我估比COUNTER既領隊仲要多....

琴日行開OK,

見到好搞笑既棉花糖,

想起以前做反斗城都有類似既野,

不過係X'MAS既做型來既,

果時買就覺得幾好食,

我估都係差唔多既產品,

難食極有限丫,

點知.....

味道好怪...

唔似棉花糖...

似披住新年做型既發寶膠.....

琴日我好叻,

在志哥前幾日既指導下,

我終於...

因為之前我都唔識點駁返部錄影機,

而家我可以錄起我睇唔切既節目了, 呵呵, 好開心哦,

好有成功感,

 

 

 

琴日既晚餐,

廿蚊,

夠鑊氣,

好抵食,

不過琴日靚仔有少少失手...

附送一大篤辣椒醬!!!

嘩, 今日竟然有咁多人睇過我個BLOG...

不過都無咩人留低腳毛,

我第一個感覺係,

係唔係個BLOG中左毒???

不過都好開心,

可能都係D人LINK來LINK去先睇到我個BLOG...

我有咁既感覺係因為我個BLOG不嬲都無咩吸引力啦,

本來係想打D同柑仔有關既野,

打打下,

就變左自己既私人日記咁...

所以, 邊有人想知你既生活丫,

SO, 我之前就係因為咁而想放棄打呢個BLOG囉...

不過既然今日有35位支持者....

咁我會KEEP ON GOING.....

講D題外話,

上次去台灣既時候,

見到中符既助手小妤,

真人比上鏡靚哦,

可惜無同佢影合照,

仲見到佢男朋友添,

以台灣男仔來講, 都係帥哥既一類...

另外小妤很好, 買左隻狗哩熊俾我,

琴日幫佢影左幾張相,

實在係太可愛了,

仲有星期六同左亞BEAR去食飯,

佢送左生日禮物俾我同請左我食飯,

實在太客氣了,

生日都過左咁耐了,

不過都好開心, 因為好耐都無見過佢了, 我估都有半年了.....

希望可以快D再出來食飯啦...

 

話咁快我個空間就三年了,

好少會做一樣野堅持咁耐既,

多謝各位曾留下腳毛既朋友,

呢度做左一個可以了解更多大家既平台...

又做左一個我發洩既地方...

其實近來都有想過放棄唔好打了,

因為怕在空間打錯野啦,

得罪人就唔好啦...

又有D心事唔可以在空間盡訴,

因為都唔知人地睇左會點諗你...

不過點都好, 呢個空間已跟左我三年了,

唔知...

個空間會唔會有第二個三年呢?

見係三週年,

換左背照同空間個名,

本來想搵巴黎鐵塔既背景,

不過無...

MSN既SPACE真係比其他既BLOG差好多呢...

咁唯有是旦換一個啦,

新背景新氣象,

希望來緊會寫多D好野, 減少負能量...

今年新年團真係好多呢...

我估都幾難可以早少少放工,

最希望係我出團前可以輕鬆少少,

好似為左要避開燃油稅,

會早少少出飛,

不過唔知係唔係可以真係早D做完D野,

因為台灣有樣衰,

就係賤訂要做簽証...

真係好煩,

佢做唔成你又要CALL佢CUT佢出來,

佢做緊未出又要等埋佢,

都真係幾麻煩,

如果統一大家都可以做簡單既網上簽証就好啦...

唉...

明天仲要PRINT晒所有團出來睇下佢地個台証OK未....

真係想起都覺得好攰哦...

好想放下假呢...

不過好快又新年...新年之後又EASTER...之後先可以放下假我估...

近來都好多煩既野搞住我...

好希望我既生活可以簡單D...

唔好太多衝擊....

忍真係有個限度,

同你一齊玩一齊去街,

你開心咩都OK丫...

俾你話低能話似什麼異獸都OK...

你鐘意點咪點囉,

咁多個之中,

我覺得我對你都唔差啦,

唔係只有你做高級D先會忙,

我地俾人洗都唔會好得閒,

相信團我一定唔會俾你少...

成日都覺得好似我唔會忙咁,

次次約人食飯都叫我去打電話...

明明係你約先, 又要我打俾呢個打俾果個...

我唔記得打O者,

唔駛睇死我唔會打...

咁叻你早就唔好叫我去做啦...

搞咁多, 電話都係你自己打,

你話去邊, 點樣搭車,

我係唔係次次都就你丫...

我唔行, 就係咁話我運動少所以肥,

你試下出完團攰過隻狗去行丫,

你唔攰唔代表人地唔攰,

你唔忙, 唔代表人地唔忙,

真係好心淡,

次次我等你成個鐘都係咁等啦,

我有幾時會因為等你講一大堆野丫?

你下下都發人脾氣...

仲要同人講我發你脾氣,

MSN有RECORD, 請你自己細嚼, 係邊個發邊個脾氣...

近來你真係好難頂,

可能遲D大家少搵D, 你會開心D啦...

真係好攰.......

呢個話題成日都想做,

自己都有做既,

之前買左個入左錢就唔可以攞返出左既鐵罐,

都儲左年幾,

間唔時入幾百入去,

我估都有幾千蚊掛

不過而家儲到錢都好易好快地洗晒,

因為真係搵錢多洗錢多,

LINGLING將會去台灣旅行,

真係好開心呢,

不過我想話,

如果有機會, 記住要同屋企人去一次旅行,

所以我計劃3月尾同老媽子去台灣玩,

之前同左我最鐘意傾慕既T/G小曹講,

佢就話可以BOOK架小VAN仔,

周圍去玩, 好過自己搭車,

因為佢同佢HONEY都係咁玩,

佢係去到外國就叫酒店BOOK車,

想去邊就叫人車去玩,

不過我估咁玩法個成本會好貴,

我想緊係如果我去台灣玩, 跟YO2好定係自己買機票去好,

坐中華好定係坐最串既魚翅航空好,

要早D想定,

因為亞媽一編就會編成個月既假....

咁我即係要早D同亞姐講,

同埋我要搵多D錢,

因為我應承左請媽媽去的,

錢呀~~~~

上年年尾公司換左個LCD芒,

都幾靚架,

可以塞返入原來個"燶"度,

而光亮好多, 雖然有D光得過火,

而且又唔會蒙查查,

之前隻芒用用下會蒙查查,

仲會變色架,

所以換左都係好事既,

而且又唔會太熱,

之前個電腦同個芒都焗住左D熱氣係度...

不過部腦雖然都係換左無幾耐,

不過都成日因為過熱而呆左係度,

唉,

之前果部WORD有事,

而家呢部就EXCEL有事....

好似咩都有事....

工慾善其事, 必先利其器....

我估因為係公司野先係咁甩甩漏漏的啦...

今日為左一D幾無聊既事令到某D同事唔開心,

希望大家都唔好激氣,

過左佢就由佢了...

好似由我挑起咁...

我都係想知事實既全部...

早知咩都唔理....由佢....

唉..........

 

放完假返來都忙忙忙,

都無時停過,

返來PRINT自己既手指PRINT時,

發現12月都OT左21個半鐘...

手指係計整數既,

都未計D零頭數,

睇到都覺得自己好駁命呢,

見到以前成日都OT既小青同雯雯都少左OT,

點解自己又多左OT呢,

自己已玩少左MSN了,

好多時都係工作工作同工作,

點解仲要成日都OT架...........

不過有少數OT係因為等人而做成,

不過都係等果一陣O者,

點等到廿幾個鐘出來呀...........

唉, 12月真係好攰,

不過見到2月果D團,

我仲攰,

見到已咁攰, 都唔知做既時候有幾攰,

我既目標係今日編晒新年既茶會....

希望可以完工啦....

就係因為咁多野做,

所以都好少UPDATE個SPACE了....

屋企又無電腦...

所以放假都會好無聊呢....

星期六同日就開始睇二家姐借俾我既凹凸容醫....

好多血腥場面,

不過睇到一集好有感觸...

男主角講, 大約意思係, 呢個世界就係一個"美只有一個標準"既世界,

我覺得佢既意思係,

呢個世界, 只有年青貌美既先係美....而美既標準只有一個....

好多人都覺得有內在美先係美....

我覺得有時都幾口是心非,

俾你選, 好多時都係外在行先.....

外表係好既,

內在係點都未必有人想知..........

好似扯到好遠咁....

真係唔知自己想打咩.....

呵呵..........