琴日放左工去左佐X奴睇褲,

皆因覺得自己而家著果D都幾"梅",

又唔多夠黑色喎,

而且佢又做緊減價,

咁咪去睇下啱唔啱囉,

唔試"由字河",

一試就弊家火,

兩條黑褲加一條牛仔褲,

TOTAL三條,

都唔啱....................

褲身都啱既,

不過要好辛苦先扣到鈕,

唉,

真係肥左好多好多....

聽晚仲要去食增肥大餐,

死緊啦, 呵呵

點算好呢,

我一定要下定決心,

唔再下午食餅,

媽媽話, 原來梳打餅都好肥架,

死晒~~~~

咁我買唔到褲, 就買左兩件果D人稱既打底衫,

打算出團時著在衛衣裡面,

平時有時著返工都OK,

幾廿蚊, 就買俾自己唔好冷病自己啦, 呵呵

之後都係仲有D失落,

望見個腩就想死,

唉~~~

經過莎莎, 見到果D貼指甲果D公仔貼好靚,

買左兩PACK, 一個俾媽媽, 一個自己要,

希望過年前可以養靚D對手,

貼靚靚過年啦~~

 

好開心呢, 又迷上左韓劇,
今次呢套叫大話妹,

好好笑呢, 初頭未做時, 家姐睇左佢既宣傳片,

佢覺得一定唔係好好睇, 反而我就好期待,

而家做左之後, 一家三口都"步"住個電視去睇呢套野,

呵呵, 咁就證明我既第六感係唔錯既,

下星期日, 大家都可以試下去睇丫,

家姐本來話想DL既,

不過我覺得應該有配音會好D,

而且咁快就睇晒,

就無追劇果種開心架了,

仲有呢, 各位睇晒呢套劇既同事及朋友,

千祈唔好同我講D劇情呢,

因我想自己慢慢地睇哦, THANKS

附上WEBSITE俾大家睇, 呵呵

www.gtv.com.tw/Program/B051420060613U<---台灣既

tv.sbs.co.kr/mygirl<--韓國既

 

P.S. 我發覺, 個SPACE係唔會UPDATE你既資料架,

       因我而家既年齡仲停留係22歲呢, 呵呵

       之前登記好似都有寫出生年月日架,

       照理應該會UPDATE吧,

       上年都有更新, 今年就停左, 呵呵

       如果真人既年齡都會停就好了, 呵呵~~(發緊夢)

24 January

 

琴日同左家姐去IFC睇戲,
今次睇既係血鑽,
有里安納度做既,
一開場就見到個肥仔,
呢個就係里安納度...
同當年YOU JUMP I JUMP既時代既佢好唔同,
成個LOOK唔同晒,
呢套戲都有好多人睇,
唔少都係鬼佬,
唔知係唔係因為中環既關係,
一坐低, 家姐隔離個鬼婆就同佢講左幾句野,
我無留意, 都唔知個鬼婆講咩,
不過套戲完左之後,
家姐同我講, 個鬼婆喊左幾鑊....
下...我完全無想喊既衝動...
出左去, 見到都有幾個鬼婆抹緊眼淚,
下, 唔係掛, 我真係冷血既咩?
我同家姐都呆左,
套戲係講非洲果D黑人既慘況既,
可能我始終都唔係白人,
就了解唔到係點掛...
不過整體來講,
呢套戲都唔錯既, 特技呀, 爆破哦..
果D都好勁...
都值得入戲院睇架,
因為你屋企既音響一定唔夠戲院果D勁...
而且呢套戲都有D笑既位,
同之前我睇007一樣都有笑位,
唔知係唔係西片都一定係咁既呢??

**琴日upload唔到, 今日再補上...** 

真係唔敢相信,

原來長肉真係話都無咁易,

我...又肥左,

唉, 真係成個人都灰晒,

相信,

如果再係咁落去,

過左呢個冬天,

有好多衫都會唔啱著,

由其係夏天果堆衫,

平時返工都無咩衫可以著,

如果再肥落去,

我都唔知可以著D咩野好...

唉, 好唔開心

我食得好多好多咩,

都唔算係掛,

有D人比我食得仲多啦,

但係就一D都唔長肉,

我呢D就叫飲水都會肥,

幾時先可以瘦呢,

唔通真係要唔食野先可以瘦,

之前聽人地講,

睇中醫好似都OK,

因中醫無西醫D藥咁勁,

我覺得慢D都無所謂,

最緊要就係可以瘦囉,

唉, 好灰...唔講了....

記起上一年, 我地公司出左雙糧,

四位OP一齊走左去尖咀食餐勁既,

仲要果日情緒相當高漲,

想起就真係好想笑...

今年,

得到公司發放雙糧,

雖然我已洗左差唔多八成了,

不過都夠去香拉食一餐架,

不過如果去香拉,

會唔會嘈到人地呢?

UM....各位朋友仔,

你地有無咩野好提議呢?

出完雙糧又要趕新年既野,

之後又出團...

講起出團,

今次決定左去台灣,

之前第一次出團講過出完唔再出,

點知, 而家都第六團了,

會唔會好狗呢,

講過既野唔算數,

上次在台灣撞到其他T/G,

佢地串左我一句, "公司迫人為倡咩?"

我就覺得自己都幾無地自容,

我都係為左錢O者,

屋企果兩件, 已想好晒搬屋既野,

我都要出錢, 但係就無想過我既意見,

講講下, 又話不如加按層樓,

講真, 再供, 咁到時點分丫,

你嫁左, 咁邊個供呢, 唔係一兩年就供斷架麻,

如果要租, 我要一個人一個房,

我唔要再忍受臭氣同污糟同鼻鼾聲,

都廿幾年了, 夠了, 我忍夠了,

真係好想自己搬出去住,

可惜既係, 我份人工根本唔夠俾, 唉, 好煩,

呢兩晚, 我都俾D鼻鼾聲嚇醒左,

真係好想瞓覺好既~~

 

之前公司個MON有D閃閃下既現象出現,

我以為都係因為太舊O者,

點知, 佢捱唔住了,

今日,

佢成個畫面自己縮細晒,

真係俾佢嚇死,

記得之前有位坐房既經理,

佢個MON仲要出火花添,

如果我個位出火花, 可能會燒著其他野都唔頂,

個位鬼死咁多野...唉!!

星期六我已執左D野架了,

不過我估如果有朝一日我真係要走, 就一定要帶個大D個袋來裝野走~

換MON之前,

我睇左好多好多個SPACE同BLOG,

有D睇完之後,

令我好開心, 有D就令我有D唔開心,

總括而言, 我唔會再手做生日咭了,

我免得再出醜了,

除非有人想要啦, 我可以為你而做,

如果唔係我都唔主動整了, 費事俾人笑啦,

整得咁肉酸....嗚~~~~

好DOWN,

唔知係唔係心理作用,

我覺得而家個MON好似有D蒙查查,

點教都唔啱光暗,

好似我既人生咁, 蒙查查, 前路茫茫...唉~~

今日係貓奴既灰DOWN日.......完.......

 

 

光陰似箭, 日月如梳~~

話咁快又過左一年了,

估唔到我可以KEEP住寫呢個SPACE兩年既,

雖然唔係日日都有UPDATE,

但至少我都無忘記佢丫, 呵呵,

本意係想寫D貓既野既,

BUT寫寫下,

就寫左好多自己既私生活,

我估都無咩人對呢D野有興趣架了,

咁我就當係自己既回憶錄咁寫落去啦~~

呢兩年都發生左好多事,

好多野都係關係到自己既工作,

入來無幾耐, 已經大叫唔想做,

點知, 而家都做左兩年零五個月,

仲耐過呢個SPACE,

講真, 得著真係無咩,

可能就係學識左做人, 唔係攞個心出來就可以,

有時對住D小人, 你都要識去帶假面具對佢,

咁先可以保住自己,

呢個世界唔一定係公平既,

好多野, 唔係你想就可以得到,

好多野都事與願違,

唉, 好似好灰咁,

不過呢D就係現實,

前幾日同左幾個中學同學食飯,

真係好懷念果D日子,

簡簡單單,

做人真係好難,

而家先廿幾歲,

如果而家都睇唔開,

往後既日子就會好Q難捱,

來年希望自已有進步,

希望可以減肥成功,

希望可以有好既工作....

明年, 希望我會在呢個SPACE實現而家既願望~~

好開心呢,

琴日出銅鑼灣時, 去到世貿,

見到古巨基喺度賣福袋,

只要用$150就可以由基仔手上買一個福袋,

不過貓奴真係好死窮,

如果唔係我都走去買,

近距離接觸下基仔,

我一見到佢, 已攞出我既新電話,

係咁搏晒老命影呀影~~

點知, 最關鍵既時候, 佢又HAND左,

真係好弱囉,

明明係新機,

都會咁既, 雖然我知佢係出左名最叻HAND機,

但都唔駛咁快SHOW俾我睇佢呢個能力有幾高...

最慘就係同我同行既VIAN,

好明顯佢唔係咁想追星囉,

但又見我咁HIGH唔好意思叫我走, 呵呵~~

我真係想影張好既先走丫麻,

OVERALL來講, 基仔真係好靚仔哦,

唔信大家睇下,

手機始終像素唔夠高,

所以會有D蒙郁鬆既情況, 唔代表我攝影技術差架, 呵呵~~

星期六, 我同兩位朋友仔VIAN同人妖去左亞SUI既屋企,

對唔住呢, 我仲未記得亞SUI個英文名點串,

唯有拼住音先啦,

上到佢屋企,

亞SUI佢五腳朝天瞓左係度迎接我地...

好好笑呢,

最可愛之處係亞SUI都唔喊既,

平時D BB, 係又喊唔係又喊, 好煩架麻,

亞SUI就唔同好多了, 呵呵~~

跟住我地同亞SUI, 詹詹, VIAN, 人妖一齊去左會所玩,

無錯, 亞SUI佢屋企係豪宅, 有CLUB HOUSE既, 呵呵...

跟住夜晚就係我地大人既天下了,

唯有留低亞SUI同爸爸喺屋企囉,

我地四條友仔都幾開心既, 呵呵~~

食左好多流晒水既長腳蟹~~

仲要食到個咀都痕晒, 要走入廁所洗蟹水呢, 呵呵~~

睇到人地咁幸福,

貓奴真係好羨慕呢,

至於攝灶"啦"果個問題,

我都無信心可以唔駛攝,

多謝添仔你既預言, 誠你貴言, 希望我唔駛攝啦, 呵呵~~

 

P.S. 星期日, 我終於買左我既DREAM MOBILE NOKIA N73了, 呵呵~~

 

 

琴日食完飯落左街睇野,

本來係無打算買野架,

不過見到部計數機好靚喎,

係貓奴幾鐘情既綠色來既,

真係好想買,

問左都係$48,

即刻問雯雯借$8買左佢返來,

皆因平時用開中學時代果部,

換左電無幾耐, 就無左反應, 唉~~

新呢部真係好唔錯呢,

同公司用緊果部D制一樣,

好熟悉既手感,

所以好開心, 呵呵....

希望我可以利用呢個計數機來控制我既洗費,

為我將來條灶"啦"鋪定路, YEAH~~

唉, 生左日咁耐, 而家先有時間去幫D禮物影沙龍呢~~

今年呢, 最搞笑就係,

屈左媽媽去CITY SUPER度買左兩隻狗哩熊,

媽媽當時一定好無奈,

因我想買隻大既,

但又覺得細果隻既做型好得,

咁媽媽就好豪氣地話,

"兩隻都買晒佢啦~~"

所以呢, 而家我可以一次過滿足晒兩個願望囉, 呵呵~~

媽媽唔知係唔係睇得太多流金歲月,

佢幫大小狗哩熊改左個名叫大大個同細細個,

中晒毒....

今年都算叫做無慾無求,

不過我都想要一條手錬,

咁家姐知我想要, 就買左一條俾我,

都唔係平野架, 係周大福既, 純銀, 都幾唔錯架,

不過D錬咀好重, 如果唔好彩跌左都一定會知~~

跟住仲有呢, 就係各友好同事朋友仔送左B仔既碎紙包俾我,

仲要係我最愛既紫色呢,

不過我不嬲都唔帶包包落街食飯, 所以而家都有少少唔慣,

BUT為左用盡朋友仔送既禮物, 我一定要養成帶佢出街既習慣呢~

跟住呢, 仲有就係收到霞姐送既HAND CREAM,

因為已開左來用, 所以就幫佢影唔到相, 呵呵~~

另外我都收到D其他的禮物, 例如係飯局啦, 呵呵, 多謝你哦, VIAN,

總之, 好多謝咁多位咁愛錫貓奴,

多謝各位,

希望下年大家仲記得我既生日, 呵呵~~