琴日等d兼職領隊, 等等下, 有一個領隊話佢張飛錯左, 唉, 大檸樂啦, 因出晒飛, 要俾$125, 人地先肯幫我改, 算啦, 我百來蚊都仲有既, 當做善事啦, 做左咁耐, 都係第一次咁樣錯法, 其他既航空公司都好d, 唔駛俾錢, 係呢間國X(CX)係咁既O者, 做少少野都要收錢, 佢地公司D女人都不嬲都難頂架啦, 而家我俾錢佢幫我改, 都要俾佢炳一餐, 講真, 我又唔係聖人, 緊係會有錯架啦, 真係好唔開心, 如果你地唔想幫我改咪算囉, 做少少野都唔幫手, 越大既公司就越無人情味, 人地華華(CI)同榮榮(BR)既人都好好, 最緊要佢地做野好彈性, 就算錯左名都唔駛俾錢....

        咁最後我出左COUNTER開ORDER俾錢, 俾左125蚊, 我亞姐都不為所動, 我預左佢唔會出口同國X睇下可唔可以免左佢, 跟住R經理打俾佢, 佢聽完之後就飛張一百蚊俾我, 佢傾電話既時候又話當俾乞衣, 正八婆, 而家我做錯野, 我都自己俾錢啦, 人地經理一打俾佢, 就飛錢俾我, 當我係咩, 我仲未窮到百幾蚊都無, 我係絕對唔會要佢既錢既...

         琴日又俾亞姐罵, 都係自己成日做傳聲筒既關係, 經常幫散飛既J同事傳話, 俾亞姐罵我, 話我而家坐係度唔係幫佢做緊野, 而係幫散飛同事做野, 其實如果唔係佢對人地態度咁差, 人地都會打俾佢聯絡佢架啦, 就係人地怕左佢, 就連累左我, 有時我唔問佢, 佢就覺得我亂放位俾散飛同事賣, 問佢, 佢就覺得我成日都係幫散飛做野, 做佢既手下真係好難, 我今年好好彩, 唔駛出機場, 有四天假期, 咁我決定左, 係呢四日好好想一下, 可能返工之日, 就係我提出辭工之時...嗚.......

         好, 係度, 預祝大家新年快樂, 恭喜發財, 日日都咁開心, 行運行到腳趾尾....

       今日LUNCH經理們叫我地一齊落去飲茶, 部門有19人, 加3個經理, 3個2打6, 1個搭枱, 我諗, 俾錢果個都幾肉赤, 我地又唔可以一次過全部人去, 咁跟返我地個飯更食, 一落到去, 無啦啦果個韓X部既掃把坐我隔離, 好Q煩, 好在佢行去攞點心時, 好同事小K同我調位, 等我唔駛同佢坐, 當堂食野都食多D啦, 呵呵, 跟住亞E經理突然搭住我"駁"頭, 就話大家識點叫野食架啦, 我突然好大膽破口而出---灌湯餃(30幾蚊一隻), 但係呢, 聽某同事講, 當時經理有D面黑, 我都係講下笑哦, 都無想過真係叫來食, 不過, 以為經理們都有心理準備架啦, 點知都係....哼哼哼....

       今日開始得閒D啦,  之前貓奴呢, 去左玩塔羅牌, 話有一個人令我靈光一閃, 而帶出一個一閃而過既愛人, 咁琴晚就發左個怪夢, 就係呢, 呢個我認為係令我靈光一閃既人, 佢係咁捉住我隻手, 我"FING"甩佢, 佢又再捉住我, 我好記得係左手手碗, 係咁連續幾次, 我"FING", 佢又捉, 跟住就好似札醒左, 好怪, 呢位靈光一閃人兄, 我又無爭佢錢, 做咩係咁捉住我呢??, 咁究竟個夢係想做咩既呢, 有無人可以幫我解夢呢???

      P.S. 小K, 講真架, 貓奴成日都好得閒, 只要你無約人, 都可以叫我去行街架...

       好開心, 收到小月兔既留言, 佢肚裡面既bb又係仔, 恭喜晒, 相信爸爸一定好開心啦, 又係仔, 不過呢, 貓奴建議, 如果你想再生, 駁個女的話, 都係駁唔過, 因我估都係仔, 因我以前隔離屋個師奶, 生到第三個都係女, 其實呢, 相信生仔生女小月兔你都唔介意既, 你既仔仔咁可愛, 係仔係女都無所謂啦, or你可以幫你既仔仔留長頭髮, 幫佢地札"鞭"仔啦, 呵呵........

       p.s, 細寶貓貓, 因為赤柱係貓奴既dream house, 貓奴都唔貪心, 赤柱d公屋都照殺架, 果度d屋好靚架, 如果你有時間, 搵日同你入去睇下丫

       琴日講起粗口, 查實呢, 貓奴淨係同熟既人先講粗口既, 不過而家貓奴已用一個Q字代替粗口, 儘量去改, 不過貓奴有時都仲係覺得突然爆粗係幾好笑既, 我想戒係因為大家都唔多講, 如果只有自己講, 咁就只淨番貓奴一個人係粗人, 以前忙緊時, 後面既同事叫我, 我會話:咩叉野呀, 而家就改為:咩Q野呀, 好似斯文左少少, 可能以前係學校講得太多啦, 而家好自然就爆晒出來, 出左來做野, 希望講D野, 同做D野都大個女D, 講粗口有D唔成熟, 男人講粗口, 你可能覺得佢幾MAN, 但如果女人講粗口, 就會令人覺得係粗人一個, 所以貓奴想大個女, 做D大人做既野, 雖然貓奴媽都不停地講粗口, 但貓奴話晒都係金鐘返工既半個OL丫, 點都要有返D形象既........呵呵

      至於小青你提議既, 3思而後行係唔啱貓奴囉, 好多野, 貓奴都係橫衝直撞, 都未思前想後就做左, 如果我可是改到呢方面既, 我THINK唔講粗口會變成好易既事來的, 不過而家當務之急係轉工, 因貓奴真係好想衝出呢度, 搵多D錢, 早日進駐赤柱, YEAH, 有位人兄話幫我搵份工係貓奴夢寐以求既, 但貓奴真係唔知點好, 因都唔熟, 要人地幫咁大既忙唔係咁好囉, 唉, 好煩哦, 有大大既機會擺係面前, 不過過左CNY之後, 貓奴決定問下呢位朋友仔....

       忙, 真係想唔到其他字形容今日既情況, 亞姐無啦啦勁發老脾, 明明無野做, 都心情唔好, 跟住轉個頭又聊我傾, 正變態女人, 心情大起大落, 好驚, 跟住當我無啦啦俾佢成為發老脾的對象後, 有一位同事好唔好彩地打來搵我, 我就爆左粗, 佢唔係第一日聽架啦, 不過佢都覺得出自我口係好難聽, 唉, 我都唔想架, 可能係成日都講既關係, 都唔係一時三刻可以改到, 請大家俾D時間俾貓奴啦, OR你地都提議下有咩好方法去戒甩呢個壞習慣啦, 呵呵, 唔寫了, 仲有幾億張飛等住貓奴去搵佢地, 走了, 呵呵,

       為左今日空閒d, 所以琴晚ot o到8點幾先走, 今年都幾好做, 因淨係等領隊, 一編左領隊就可以出飛, 都唔錯, 不過編既同事比往年慢, 聽聞係公司唔名領隊用哦, 都幾慘, 不過就算我有領隊牌都唔會出團, 因過年咁傳統既節日緊係想留係屋企啦, 去婆婆度拜年都唔錯既, 不過好怕好多人, d親戚係咁問長問短, 好q煩既, 而且有一細路仔就憎, 最怕就係細路仔, 唔好話我無愛心, 係而家d細路仔無家教o者, 係親戚都係咁話, 唔識教就唔好生, 如果貓奴咁好彩嫁得出, 我都唔會要小朋友, 因自己都顧唔掂, 仲整多件, 又要養多個人, 想像到壓力有幾大, 聽聞一位好同事佢想結婚, 真係聽到都覺得有d驚, 咁後生就結婚, 不過佢如果請飲, 貓奴都會去, 不過唔好預貓奴封好大既禮哦, 因呢位好同事獅子開大口, 叫我封一千, 唔一千都九百, 食左我隻車嗎, 倒貼我都要想下去唔去丫, 咁貴.........

       好開心, 終於整左黎明隻碟去ipod度, 超開心, 因貓奴覺得除左基仔之外, 就係最鐘意黎明, 因佢近來再出來既做型都好有型, 由其係著西裝個look啦, 各位男士, 著西裝係可以吸引到更多異性既, 係貓奴睇雜誌講既, 因大部份既女性都鐘意男仔著西裝...當然包括貓奴在內啦...

       不過唔知係唔係家姐既電腦係英文機既關係, 一過到去ipod專用既itune時, 就變晒怪獸字, 玩死啦, 我仲down左黎明48首精選, 咁唯有唔要歌名, 如果唔係就玩死, 而家48首變左1,2,3......48咁囉, 不過我比較鐘意有歌名多d囉, 呵呵, 希望快d買個電腦, 自己整, 就唔駛等家姐心情好先俾我過歌仔...

        近來都超忙, 琴日仲好頭痛, 跟住霞姐打來係咁"叉能住"我, 我都唔係唔做野俾佢, 係咁搵散飛既J同事大我, 又話人地好快, 咩都做晒俾佢, 咁我同佢既做法都唔同, 客量都唔同啦, 咁我同佢講, 我有60幾團, 佢而家係唔係都係咁多團丫, 根本人數都唔同, 點比O者, 激死, 好嬲, 又頭痛, 霞姐都係有60幾團要做, 咁應該明白我有幾多野做啦, 我係文員, 又係打雜, 唔止做一樣野囉, 成日搵第二個同事做既野大我, 講下笑, 講一兩次我就可以忍囉, 我知係玩既, 但次次都係咁講, 咁叻, 不如叫果位J同事幫我做晒D團俾你囉, 我都無咁好氣, 日日都係淨係做佢D野, 要OT做其他AIRLINES既野, 你估好好玩嗎, 成日都係你地最優先架啦, 仲話我:係..你最多野做, 你最叻...我跟本唔係要同邊個鬥多, 你要咁樣講, 唯有及線, 本來大家都算係朋友仔, 而家.........唉........算.....頭痛到死, 無人了解......

       琴日放左工之後去左同中長同事落尖咀玩塔羅牌, 咁貓奴就緊係問下今年有無新戀情啦, 咁個答案係有既, 因為有一個某人令我靈光一閃, 跟住呢個某人就可能係貓奴既另一半, OR, 呢個靈光一閃人會帶出另一個人, 總之係有料到啦, 呢個人係一個要面, 敏感, 大男人既人, 佢可能係同事, 咁佢可能會同我講野, 如果我好COOL地回應佢的話, 佢就會閃走左, 咁我就要繼續等下去, 所以中長同事們都叫我斯文D, 要熱情D, 唔好俾佢閃走, 但不嬲貓奴都好粗老, 又間唔時講粗口, 嚇走左人都唔知, 總之係好好笑.......不過貓奴都其待一個咁既人出現...呵呵呵

       至於工作方面, 今年不宜轉工, 激死我了, 仲測到我有可能爆鑊, 唉也, 好驚哦, 不過如果俾我轉到工都唔會比而家既好, 唉, 但貓奴已PLAN定要走哦, 而家CAKE住我添, 個塔羅牌師都覺得我好多野煩, 要放開D, 唉.....好怕哦, 唔好既野多過好既野.......嗚......

       真係好黑仔, 琴日有一個怪客踩左來公司投訴, 貓奴真係好驚, 因亞姐琴日放假, 驚到心都震埋, 因怕俾錯左指引俾同事, 令個客更難纏, 所以好怕, 點知個客差D反枱, 好在呢D時候, 最危急既時候, CS既同事終於肯死出來, 原來早已PAST左俾CS既同事跟進, 都唔知點解, COUNTER 既同事仲狂打俾我, 我只有一對手哦, 一個人, 絕對做唔到咁多野, 分身乏術, 本來以為亞姐返左一定會罵臭我, 點知無事囉, 仲同我討論個死人賤客, 同果個收客既仆街同事, 真係好唔掂,都唔知點收客, 咩都關我地呢D做後勤既人既事, 真係咩都係我地揹......而家求神拜佛, 都係想經理們唔好再提, 由CS D八婆搞吧.......

        講起八婆, 公司D人真係有D問題, 有位韓X部既文員, 成日自以為自己好醒, 佢成日都郁我部電腦, 我既意思係佢郁我電腦D資料, 每個部門都有每人負責既國家, 咁我琴日食飯時無LOGOUT就走左去食飯, 有分行同事叫佢郁我D台灣團, 佢就郁左我部機, 已經唔係第一次, 每個員工都唔可以郁其他人既野啦, 由其我未LOGOUT, 仲用緊我個PASSWORD, 即刻俾我兇佢, 成日都係咁, 以為自己大家姐嗎, 跟住佢一郁左我既團, 我就打左好多個電話, 花左好多時間先搞好, 真係多得佢唔少, 我平時都一定唔會搞人地個電腦, 佢肯定以為無所謂, 但我同你唔熟囉, 你一搞, 可能搞出禍, 咁到時又係我受晒, 自己唔做野就算, 唔好屎忽痕搞我D野, 警告各位, 小心此人, 而貓奴會以後LOGOUT左先去食飯, 因貓奴無幾多條命俾佢嚇....所以大家, 小心小心, 仲有, 細貓寶寶, 你唔好再幫佢做野了, 除非佢俾埋佢份糧你啦....!!!

       好耐都無寫過柑柑了, 因佢已經係一隻平凡既肥貓, 不過呢, 佢唔鐘意我之前攞俾佢既生果藍, 所以襯新年就快到了, 就叫亞媽今日放假時買一個藍俾柑柑做新年禮物, 呵呵, 希望亞媽會不負貓望啦, 唔好為左悭少少就買個細藍哦, 大家都知柑柑有幾虎背熊腰架啦, 唉, 仲要學埋貓奴d野, 有個肚腩添, 不過貓奴下個月會進行地獄式瘦身活動, 目標係40磅, 勁哦, 咁呢, 呢d咁有益身心既活動, 緊係預埋小柑柑玩啦, 呵呵, 柑柑, 我地一齊加油丫...

       p.s 柑柑有少少新相, 請大家稍移玉步到梁柑柑的艷照參觀...

       做左呢行之後, 對新年都無咩感覺, 因每年都會做到人都癲, 喺呢D咁忙既時侯, 我亞姐又喺聽日放假, 雖然佢係度都唔會幫到我手, 但係多隻手聽電話都好丫, 我要FINAL D團, 都無第3隻手同第2個腦去做其他野, 今日, 唔理三七廿一, 都做咁D團先, 理佢死, 好忙既日子既殺到埋身, 唉, 但亞姐就日日係度剪手皮, 唔通佢係笛子魔童, D手皮可以以極速重生???亞姐同過我講, 唔好以為人地唔忙就等於無野做, 但係我真係見到D唔忙既人係無野做到剪手皮呢, 有D似技蘭既同事就狂傾電話, 人地大粒亞叔叫技蘭喺新年時幫下其他同事手, 佢就即刻同好拍檔扯貓尾, 扮晒自己好多野做幫唔到手, 你睇丫, 而家技蘭又講電話啦, 唔駛做真係好, 無人罵真係好, 佢既笑聲令我想打死佢, 未聽過D笑聲咁難聽...

       

       琴晚呢, 一行四人去左尖咀豪食一餐, 因為大家都出左雙糧, 本來食韓燒既, 但係去到果D韓燒既門口, 真係好Q多人, 個勢似係要等好耐囉, 所以都係唔等, 睇下附近有咩酒店食下自助餐, 跟住就由唔知邊度開始行, 係咁行, D團友開始有D頂唔順, 最後呢...就要打的, 估唔到我地咁CHEAP, 唔識路到要打的, 呵呵, 咁第一架的士話佢唔知日航酒店係邊, 擺明係太近, 拒載啦, 激死, 跟住有個好八卦既私機開埋來, 佢話佢知, 就車我地去, 上左車, 3位團友都懷住一個疑問, 就係司機係唔係日本人, 我真係一頭霧水, 原來呢, 司機哥哥叫做龍川光, 我第一個反應就係覺得佢好似人地D殺手名, 司機都俾我激死, 不過如果佢真係殺手的話, 咁我地即係上左賊車, .......哼哼, 跟住.......不過呢, 呢個司機好好人, 明知兜左入日航之後再車番出去會塞車, 佢都照載我地, 又俾我遇到一個模範司機....

       到左日航呢, 就入去食自助餐, 野食都OK既, 但千祈千祈唔好祈望過高, 佢D魚生係好得, 團友又話佢D生蠔唔錯, 我就覺得佢既甜品夠多款啦, 不過琴日真係唔係狀態, 成日都肚痛, 絕對唔係想痾果種痛, 所以有D蝕左, 大家都食得好少野, 食得最多既, 相信係煙仔架啦, 連米缸都唔夠載, 不過好多野都係買唔到既, 食得少又如何, 最緊要係開心, 而我地琴晚真係超開心....

       而全晚既高潮相信係我攞相機出來既時候, 大家係咁勁影核突相, 明明大合照, 都會笑到碌地...跟住唔知點解要每人自拍一張核酸相, 我既POST最殺食, 名為單龍出海突眼相, 有幾肉酸得幾肉酸, 所以我憑呢張相就羸左各團友, 成為大羸家, 呵呵, 不過我係唔會俾人睇既, 因我張呢張相俾左媽媽睇, 佢都唔認得我, 仲問我做咩單龍出海, 笑死, 咁極品既相, 緊係要俾入場費先可以有得睇啦, 不過我地四位團友都有D正正經經既大合照啦,好突破地, 鋪俾大家睇, 不過3位團友千祈唔好篤出邊個係我哦, 呵呵, 如果唔係就鋪你地D核酸相上去....

       另外呢, 小青團友同我都幾啱去做番譯, 因為我地好勁地將雙龍出海譯做=DOUBLE DRAGON GO SEA...勁哦, 講左咁耐, 大家一定想知咩係雙龍出海, 不過呢家野, 係要親身體驗下既, 如果真係想知就來搵下我啦, 呵呵, 包你話勁....

   

       今日係黑色星期五, 所以貓奴特別小心, 出門口時CHECK下自己係唔係帶齊野, 銀包, 有, 鎖匙, 有, 電話, 有, 錢, 無....., 不過今日都未過完, 所以各位自命黑仔既朋友, 就要小心小心.....

       琴日無啦啦決定要今日搞個豬朋狗友韓燒美食團, 所以想穿靚靚啦, 專登洗左件顯得瘦D既衫, 點知, 唔乾....咁算啦, 是但穿一件, 點知一早就有D肚痛...食完飯, 而家又痛, 好在, 公司個廁所夠乾淨, 如果唔係, 貓奴都唔知點算好......嗚....

       琴晚呢,同友好同事小K一齊走, 走之前佢講左一個笑話俾貓奴聽:

       有個醫生成日都見到一個人, 佢成日都揸住把傘踎係路邊, 如是者, 呢位人兄踎左好多日, 個醫生好好奇想知點解個人成日都踎係街邊, 佢為左體驗一下, 就跟住呢位人兄一齊揸住把傘踎, 又跟住踎左好多日, 個位人兄終於"SO"佢啦, 佢講左一句話:乜你都係磨菇來架??, 原來條傻佬係扮緊磨菇, 我本人覺得都幾好笑.....夠晒白痴, 邪就邪在呢, 貓奴前幾日扭蛋時呢, 抽左一隻手錶仔, 個錶帶係磨菇花紋, 好邪, 唔通我俾個傻仔上身???

       P.S. 多謝仙女LING, 佢俾左一隻7仔狗我, 呵呵,不過呢, 貓奴好ENJOY去拆果刻, 所以呢, 希望下次係未拆架啦, SORRY, 貓奴唔應該咁多要求既, 因果隻狗狗超Q, 好似我咁Q, 呵呵....

       都真係無想過我可以玩呢個SPACE玩咁耐...不過初初開既時候都唔係日日寫, 都係近幾個月先至DAY DAY寫, 因受左一位MSN 既朋友仔影響, 先至有動力去寫, 不過呢位朋友而家都係間唔中UPDATE下, 唔似貓奴咁叻, 呵呵呵, 本來想呢, 呢個SPACE淨係寫D貓野, 寫寫下呢, 全部都寫晒自己既野, 我覺得自己鐘意寫野多過講野, 因你寫既時候, 可以深思熟慮過先俾人睇, 但係講野就一講左出口就要負責任, 好易就得罪左人都唔知...而且有位同事日本黑仔雯都覺得貓奴啱從事一D寫作既工, 貓奴一路以來既願望都係想做果D工哦, 所以貓奴而家計劃緊去搵有關既工作, 而且可能今年去再讀番書咁啦...

       唉...人生真係好煩, 出左雙糧, 但係好快就會無晒, 而且有位好要好既朋友佢有困難, 識左好多年架啦, 貓奴自知我都無能力去幫人, 但如果我唔去幫又好衰, 交情, 我地係有, 但係我無咩本錢係一個大問題, 有雙糧都唔夠力去幫, 就係咁, 貓奴而家個腦真係好煩, 好煩, 怕俾人出賣, 怕因為唔幫而無左個朋友...咁點好呢, 佢叫我唔好勉強自己去幫佢, 但係我唔幫佢, 佢就去搵果D耳X好大既人...唉...

       貓奴呢, 琴日好DARK SON, 因為返到屋企樓下想攞信時, 發覺......無左條鎖匙, 死啦, 亞媽開夜班, 家姐未放工, 不過我既希望都全放左家姐身上, 打俾親愛既家姐時, 佢仲係公司, 半個鐘之後先走, 再搭車回家, 最後呢...貓奴係屋企樓下個公園仔坐左個半鐘, 坐到個PAT到痛埋, 真係痛架, 果D石屎櫈呢, 完全係坐死個PAT, 都唔知D公公婆婆點解可以日日坐, 如果我老左要去坐的話, 都一定帶個咕"荀"去.....仲要係毛毛果隻, 暖D丫麻...

       P.S.曲髮人, 我個"胸"間不嬲都好多人睇架啦, 呵呵, 一年了, 未來係一定肯定SURE有更多人去睇...

       仲有一日咋, 明天就出雙糧了, 好開心, 可以找左一條咭數, WHY係一條, 而唔係全部呢, 因貓奴有3張咭, 碌左兩張, 碌到皮皮聲, 而家份雙糧都係找左一條細數, 條大數要未來幾個月努力努力就得....不過貓奴之前預計半年前應該清晒, 但自己又忍唔住手, 可能貓奴係唔適合有任何先洗未來錢既工具...希望快D可以買個電腦就好了...

        琴日貓奴媽放假, 貓奴支助左一條紅衫魚, 俾佢買野整下個廁所洗手盤, 因唔知點解呢, 之前個洗手盤流水超慢, 簡直係龜速, 慢到死, 咁媽媽整左成個下午, 終於...搞定, (不過貓奴今早發現好似有D漏水..)而家D水流走得好快, 快到無輪...但D聲亦好Q怪, D聲好似有外星人係洗手盤下面咁, 好驚, 好似想食晒所有野咁, 好似想吞噬左個宇宙... 唔知係唔係我想得太多呢???

        一年了, 明天係柑柑星球一週年, 搵咩來慶祝好呢???

        

       一早既心情好差, 因好多團既FINAL都未做, 仲有D死人包團, 最憎就係包團, 咩都要我地幫佢地READY, 佢地就坐享其成, 對飛, FINAL, RQ機位, 咩都係我地做, 最死係, 佢地成日都唔收錢, 好似今日咁, 明明係明天走既團, 而家都未收錢, 咁唔駛出飛啦, 唔好去丫, 苯, 苯, 苯, 好嬲, 皇帝唔急太監急, 個人一急就好燥, AIRLINES成日打來吹我, 好煩, 唔關我事丫, 又唔係我去, 好煩, 跟住有一條狗無啦啦攔我路, 因隻狗要掛起佢件狗皮, 掛還掛丫, 駛唔駛攔住條路, 好興, 唔覺意講左句:"做SHOW咩", 我都唔係專登既, 不過真係沖口而出既, 佢都回左一句:"汪汪汪, 汪汪汪汪汪...", 因佢講狗話, 貓奴唔Q知佢講咩, 呵呵, 等貓奴得閒搵條好狗去番譯先, 呵呵...

       貓奴心煩係因為呢, 有位朋友仔, 將會離開我既生活圈子, 唔係死人, 只係要走, 有D唔開心, 我又想, 如果呢, 我辭工, 離開D工作上既朋友仔, 佢地又會唔會為左我走而唔開心呢, 不過呢位朋友仔同我都唔係好熟, 不過可能自己想得太灰, 覺得如果佢走左貓奴又少左個朋友仔, (貓奴既朋友仔係少之又少), 所以心情係有D DOWN, 而且又忙, 腦...無時間去停...所以要學台灣美女話齋, 要加油, 要振作...

       P.S. 添仔, 你都未買野俾貓奴, 貓奴點借D倚去回禮俾你呢, 另外, 講真, 我果團豬朋狗友和食韓燒美食團, 都可以話係美女團, 除左貓奴外, 呵呵, 你參加就可以識靚女啦, 呵呵, 但你要俾DOUBLE團費呢, 即係$1999 X 2 , 勁, 記住過戶俾我囉...

       星期六放左工去左銅鑼灣SHOPPING, 同行有中長美女J同事, 我去左久違既貓貓地逛下, 大出血, 買左200幾蚊野, 仲已經係九折左, 買到有九折, 可以想像到貓奴之前買左幾多野, 呵呵, 當日呢, 貓奴買左兩個萬年曆, 一個FOR家姐, 一個FOR自用, 不過呢, 貓奴張書枱開始恢復舊貌...SO...萬年曆可能要放番入盒...=.=".....跟住呢, 去左大型連鎖店佐記買開工褲, 百來蚊一條, 仲要免費改褲, 最後今日六折, 手快有, 手慢無哦, 快D去買啦, 呵呵, 全程都係用EPS, 無碌咭, 勁, 可能係受EPS個廣告影響...

        今日食LUNCH時, 食完行返公司啦, 行行下時, 有個男人揸住架單車, 車前載住D生猛海鮮, 都真係好鮮架, 因有條太鮮既魚跳起左, 彈到黑仔同事日本雯半邊身濕左, 貓奴好好彩, 因佢擋晒, 勁, 最好笑係, 個單車私機呢, 佢見到條魚彈濕左人, 一句聲都無出, 竟然打左條魚個頭一下, 好好笑, 打都無用啦, 你即場殺左條魚可能個效果好D...不過好在日本雯今日心情唔錯, 如果唔係...嘿嘿嘿

       本來今日個豬朋狗友和風韓燒抵食團今日出發, 但因其中一位團友有事, 所以呢, 要改出發日期, 但都唔知幾時先可以再約呢, 因相信呢位團友既事唔係一陣間就可以搞定, 不過我地呢個係包團性質既, 改期係無問題既, 不過要加團費哦, 各位團友, FOC既QUTOA亦會縮減, 呵呵...

        P.S. 細寶貓貓, 果支藥酒係亞嫲親手浸既, 我地都唔知用咩材料去浸既, 所以係無價寶哦, 而家支酒仲係貓奴手上, 貓奴雖然而家隻手無咩點痛, 但係唔知點解, 都係未還返俾亞媽...可能係怕貓奴媽問我點解少左咁多掛, 如果我遲D俾返佢, 就可以當我日日都有茶, 而用左咁多囉, 呵呵, 係唔係好橋呢, 呵呵, 簡直係絕呀...

 

       話說呢, 貓奴隻手有D赤赤痛, 前晚亞媽"沖"左入我房, 俾左支細屈記樽我, 裡面有D啡色液體, 仲有大約一CM高既容量, 貓奴媽話係好野來既, 係亞嫲既藥酒, 一講起, 即刻想起嫲嫲, 佢係在貓奴中一時走左, 走得都幾慘, 因在家中跌倒中風...無人理..., 跟住入左醫院, 跟住就走左...

      嫲嫲好厲害, 係釣魚高手, 唔係"鐘"眼瞓果D釣魚, 係真釣魚, 佢有一隻船仔(真係好仔下架, 好細隻), 會成日接客出去釣魚, 好好生意架, 因佢手"船"好好, 搵到D多魚釣既地方啦, 客似雲來, 佢咁健康, 好難想像就咁走左去, 不過...嫲嫲, 多謝你, 你既藥酒好掂, 貓奴茶左少少(亞媽叫我悭住洗, 不過舊棉花太索啦...用多左少少...), 而家好似鬆左少少...呵呵呵, 而家呢, 唔知點還返支藥酒俾亞媽, 因而家只淨返0.6CM高左右(容量)...

       琴日派通告時見到某同事既位有D好Q既野, 你狗狗公仔, 其實貓奴呢, 對狗有D恐懼, 但呢次7仔換既狗狗做型好Q哦, 呵呵, 咁貓奴返到屋企附近就仆去買雜誌, 專登換返隻來玩下, 呵呵, 好可愛呢, 跟住亞媽去買野食又有一隻, 真開心, 各位好友, 貓奴係度呼籲, 如果你地去7仔買野夠廿蚊, 又唔想要果D公仔, 記住留俾貓奴哦, 最好就唔好開啦, 貓奴鐘意神秘+剌激...呵呵...等待大家既友好進貢哦...

      P.S. 貓奴的手仲在赤赤地痛, 貓奴而家去打簿, 唔打住了, 明天打多D啦, 不過打多打少都好似無咩人留意囉, 嗚......

      P.S. 2. 貓奴既打邊爐美食團, 而家改為韓燒超值抵食團, 團費都係$1999, 有興趣就來搵貓奴報名啦, 貓奴仲要收手續費, 加一, 呵呵, 多謝各位, 而家已收左4個客了, 夾埋貓奴有5個, 欠3成團, 呵呵...

       琴晚想烚蛋敷下隻赤赤的手, 將蛋放入滾水時有d尤疑, 因怕d熱水濺上貓奴對玉手, 咁就出事啦, 太高空地放下雞蛋, 雞蛋痛苦地撞到煲底, 繼而裂開...不過佢淨係流左少少蛋液出來, 都仲似一隻蛋既, 但老媽子叫我沖完涼先去"碌"蛋, 咁唯有關火啦, 出到來加熱隻蛋, 再脫殼, 點知, 隻蛋好似未熟晒, 仲有d蛋汁/唔知係唔係入左水...條蛋又好軟皮蛇feel, 好似不成蛋形...不過照碌, 我碌碌下, 覺得隻蛋好慘, 我又聞到好香既蛋味...好想食, 不過...我無食啦, 怕有禽流感, 你知啦, 隻蛋都...好似未熟透, 呵呵...不過敷完蛋都係咁, 係無咁赤, 不過係痛...

       98839, 我如果係度講想要咩類型既愛人, 就好似係度徵友咁, 唔係太好, 個space會cheap晒, 你如果真係好好奇想知, 而又有人介紹既, 就私底下問我啦, 我唔啱, 都可以介紹俾貓奴既fd--亞bear, 呵呵

       仙女ling, 貓奴之所以叫你全朵, 係因為都有幾多仙女下左凡, 如果唔叫埋你個朵, 怕有九千幾個仙女仆出來應我, 而且叫埋個LING字先有氣勢啦, 呵呵, 至於約食飯呢, 而家貓奴係度招募團友, 豬朋狗友邊爐美食超值抵玩團, 團費$1999, 全數撥捐入柑球基金...<----仙女LING, 你睇貓奴幾落力, 貓奴做左野了, 收唔收到客, 就要睇個天既造化了, 呵呵